Еклесиаст 9:2 - Коми Библия 2023

² И тайӧ ӧтмоза инмӧ быдӧнлы: веськыда олысьлы и лёк вӧчысьлы, бур [и лёк] мортлы, сӧстӧм и пеж мортлы, вись вайысьлы и сылы, коді оз вай висьяс. Бур мортӧс суӧ сійӧ жӧ, мый мыж вӧчысьӧс, кыв сетысьӧс – сійӧ жӧ, мый кыв сетны полысьӧс.

Еклесиаст 9:2 Referans Kwoze

Малакий 3:18

Сэки ті бара аддзанныд веськыда олысь да лёк вӧчысь костын торъялӧмсӧ, аддзанныд, коді кесъяліс Енмыслы, а коді эз кесъяв.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Псалтыр 73:3

Лок видзӧдлы из чукӧр вылӧ, вӧрӧг жугліс вежа крам.

Иов 9:22

Енмыс ӧтмоза бырӧдӧ мыжтӧмӧс и мыжаӧс, та вӧсна ме шуа, мый ставыс веськодь.

Малакий 3:15

Ми пӧ аддзам мӧдтор: вылӧ кыпӧдчысьяс шудаӧсь, лёк вӧчысьяслӧн олӧмас ставыс артмӧ, найӧ дӧзмӧдӧны Енсӧ, но кольӧны мыждытӧг.

Еклесиаст 7:18

Бур, тэ кӧ кутчысян воддза тшӧктӧмас и мӧдсьыс он ӧтдортчы, ӧд Енсьыс полысьӧс бырӧдӧмыс оз су.

Еклесиаст 7:2

Гажӧдчанінӧ мунӧм дорысь бурджык мунны сэтчӧ, кӧні кулӧма вӧсна бӧрдӧны, ӧд сэні ловъя мортыс гӧгӧрвоӧ, мый виччысьӧ быдӧнӧс.

Еклесиаст 6:6

коді оліс эськӧ кык сюрс во да эз нимкодясь аслас эмбурӧн. Оз-ӧ ставныс мунны ӧтилаӧ?

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Олӧм 24:3

кыв сет Господь водзын, енэжыслӧн да муыслӧн Ен водзын, мый Исаак пиӧйлы гӧтырсӧ тэ он вай ханаан войтырысь, кодъяс пӧвстын ме ола,

Еклесиаст 3:19

Ӧд мортӧс и пемӧсӧс виччысьӧ ӧти и сійӧ жӧ: ӧтиыс кулӧ, и мӧдыс кулӧ. Ӧтиыс и мӧдыс ловъя дырйиыс лолалӧны, та вӧсна мортыс абу бурджык пемӧсысь – сідзкӧ, ставыс весьшӧрӧ.

Еклесиаст 9:3

Тайӧ и эм лёкыс шонді улас, мый став йӧзыскӧд лоӧ ӧтмоза. Мортлӧн сьӧлӧмыс тырӧма лёкнас, йӧйлуныс олӧ сы пытшкын олӧм чӧжыс, и олӧм бӧрас мортыс мунӧ кулӧмаяс дінӧ – тайӧ тшӧтш лёк.

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

Еремей 43:6

Босьтісны аскӧдныс айуловӧс, аньясӧс, челядьӧс, ӧксылысь нывъяссӧ да став йӧзсӧ, кодъясӧс Навузардан, ӧксыӧс видзысьяслӧн юралысь, колис Шафан Ахикамлӧн Гедалий пикӧд. Босьтісны тшӧтш Еремей пророкӧс да Нирийлысь Барук писӧ.