Еклесиаст 9:10 - Коми Библия 2023

¹⁰ Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Еклесиаст 9:10 Referans Kwoze

Колосӧ 3:23

Ставсӧ вӧчӧй сьӧлӧмсяньныд Господьлы моз, энӧ мортлы моз.

Ефесӧ 5:16

Энӧ коллялӧй каднытӧ весьшӧрӧ, ӧд тайӧ лунъясыс тырӧмаӧсь лёкнас.

Римӧ 12:11

Тӧждысиганыд энӧ дышмӧй, ловнад ӧзъялӧй, Господьлы кесъялӧй.

Псалтыр 6:5

Господьӧй, бергӧдчы мелань, видз менсьым лолӧс! Мезды менӧ, ӧд Тэ бур сьӧлӧма!

1 Коринфӧ 9:24

Ті ӧмӧй онӧ тӧдӧй, мый панласигӧн котӧртӧны унаӧн, но тырдоныс вичмӧ сӧмын ӧтилы. Сідзкӧ, котӧртӧй, медым тайӧ тырдоныс вичмис тіянлы.

Еклесиаст 11:6

Асывнас кӧдз, и рытнас киыдлы эн сет шойччӧгсӧ. Тэ ӧд он тӧд, кодар уджыс лоӧ бурджык, а гашкӧ, кыкнанныс бур.

Еремей 29:13

Ті корсянныд Менӧ, и аддзанныд, корсянныд став сьӧлӧмсяньныд,

Матвей 6:33

Медводз корсьӧй Енлысь Юралӧмсӧ да Сылысь веськыдлунсӧ, сэки тіян ставыс тайӧ лоӧ.

1 Коринфӧ 15:10

Но Енлӧн буралӧмыс вӧсна ме сэтшӧм, кутшӧм эм. Сылӧн буралӧмыс ме дінӧ эз вӧв весьшӧрӧ, ӧд ме уджалі мукӧд апостол дорысь ёнджыка на. Дерт, ме эг ачым уджав, а ме пытшкын олысь Енлӧн буралӧмыс уджаліс.

1 Коринфӧ 9:26

Та вӧсна некытчӧ кежтӧг котӧрта помӧдз да тышкася ог весьшӧрӧ, менам быд вартӧм веськалӧ коланаинӧ.

Иоан 9:4

Ӧні, лунъюгыднас, Меным колӧ вӧчны Менӧ Мӧдӧдысьлысь уджъяссӧ. Пуксяс вой, сэки некод оз вермы уджавны.

Иоан 4:34

Исус шуис налы: «Менам сёянӧй – ставсӧ вӧчны Менӧ Мӧдӧдысьлӧн кӧсйӧм серти да эштӧдны Сылысь уджсӧ.

Еклесиаст 11:3

Кымӧръяс кӧ польдӧмаӧсь, му вылӧ зэр киссяс. Лунвывлань либӧ войвывлань кӧ пӧрас пу, сэтчӧ и коляс.

Неемий 4:2

Аслас йӧз водзын да самарияса тышкайӧз водзын сійӧ шуаліс: «Мый бара-й ноксьӧны тайӧ коньӧр иудейясыс-а? Чайтӧны, мый выльысь стенсӧ лэптасны? Пондасны бара висьяс вайны? Ӧти лунӧн, буракӧ, кӧсйӧны лэптыны? Кӧсйӧны бӧр ловзьӧдны сотчӧм изъяссӧ тайӧ пӧим чукӧрсьыс?»

Неемий 4:6

Карлысь стенсӧ ми лэптім водзӧ. Джынйӧдзыс сійӧс вӧлі кыпӧдӧма нин. Войтырыс став сьӧлӧмсяньыс уджаліс.

1 Каднебӧг 22:19

Сідзкӧ, став сьӧлӧмсяньныд да став олӧмнаныд корсьысьӧй Господьӧс, ассьыныд Ентӧ. Лэптӧй Господь Енлы вежаин, нуӧй сэтчӧ Господьлысь Йитӧд кудсӧ да Енлы кесъялан вежа дозмук-кӧлуйсӧ. Крамсӧ сиӧй Господьлы».

1 Коринфӧ 16:10

Локтас кӧ тіян дінӧ Тимофей, тӧждысьӧй сы вӧсна, медым сылы нинӧмысь эз ковмы майшасьны, ӧд сійӧ ме моз кесъялӧ Господьлы.

Неемий 2:12

ме чеччи войнас да петі керкаысь. Ме некодлы на эг висьтав, мый Енмыс пуктіс менам сьӧлӧмӧ вӧчны Ерусалимын. Мекӧд вӧлі некымын морт, ме муні осёл вылын, мукӧдыс подӧн мунісны.

1 Каднебӧг 28:20

Давид шуис аслас Соломон пиыслы: «Ло зумыд да повтӧм, босьтчы уджӧ! Эн пов, эн майшась, ӧд Господь Ен, менам Енмӧй, тэкӧд. Сійӧ оз коль, оз эновт тэнӧ, но отсалас помавны Господьлысь крам вӧчан уджъяссӧ.

Лыд 13:30

Негев муын олӧны амаликъяс, керӧсвыв муын олӧны хеттейяс, [хивейяс,] евуссаяс да аморейяс, а саридз бокын да Йӧрдан ю бокын олӧны ханаансаяс».

Олӧм 37:35

Ныв-пиыс чукӧртчисны бурӧдны сійӧс, но сійӧ эз сибӧд бурӧдӧмсӧ, а шуис: «Шог сьӧлӧмӧн ме вуджа кулӧмаяслӧн оланінӧ пиӧй дінӧ». Тадзи бӧрдіс батьыс Ӧсип вӧсна.

Ӧксыяслӧн 1 небӧг 10:7

Кор тайӧ ставыс инас, сэки вӧч, мый вермана тэныд вӧчнысӧ, ӧд тэкӧд лоӧ Ен.

Иов 21:13

Лёк вӧчысьлӧн олан лунъясыс шудаӧсь, сійӧ лӧня вуджӧ кулӧмаяс дінӧ.

Исай 38:10

Ме мӧвпышті: ме олі сӧмын джын нэмӧс на, но меным ковмас мунны пыдӧстӧминлӧн дзиръя пыр, менам эз нин кольны олан лунъясӧй.

Иов 10:22

Сійӧ муас пемыд да гудыр-гадыр, сэні сап пемыд, весиг югыдыс – пемыд.

Шусьӧгъяс 3:28

Тэнад кӧ эм мый сетны, эн шу матыссаыдлы: «Ӧні мун да аски волы, аски сета тэныд». [Тэ ӧд он тӧд, мый аскиа луныс ваяс.]

Матвей 20:7

Найӧ вочавидзасны: ”Миянӧс эз медавны”. Сэки сійӧ шуас налы: ”Мунӧй менам виноград йӧрӧ. Ме мынта тіянлы лӧсялан удждонсӧ”.

Иоан 5:4

Господьлӧн анделыс корсюрӧ лэччывліс вайӧртӧдӧ гызьӧдны васӧ. Гызьӧм ваӧ медводдза пырысьыс быдпӧлӧс висьӧмысь бурдліс.