Еклесиаст 9:1 - Коми Библия 2023

¹ Ме ёна мӧвпалі да гӧгӧрвои, мый веськыда олысьяс, мывкыда йӧз да налӧн уджъясыс – Ен киынӧсь. Мортыс оз тӧд, радейтӧм али мустӧмтӧм сійӧс виччысьӧ.

Еклесиаст 9:1 Referans Kwoze

Индӧд 33:3

Збыльысь Сійӧ радейтӧ Ассьыс войтырсӧ, став вежа войтырыс Сылӧн киын. Сылӧн кок дорын найӧ велӧдчӧны Сылӧн кывъясӧ.

1 Петыр 1:5

Эскӧм вӧсна Енлӧн выныс видзӧ тіянӧс мездмӧм вылӧ, и тайӧ мездмӧмыс воссяс бӧръя кадас.

Еклесиаст 8:14

Му вылас нӧшта эм сэтшӧмтор, мый артмӧ весьшӧрӧ: веськыда олысьӧс суӧ сійӧ, мый колӧ суны лёк вӧчысьӧс сылӧн уджъясыс серти, а лёк вӧчысьлы вичмӧ сійӧ, мый колӧ вичмыны веськыда олысьлы сылӧн уджъясыс серти. Вӧлӧмакӧ, и тайӧ весьшӧрӧ.

Иов 12:10

кодлӧн киын став ловъя олысьлӧн олӧмыс, тшӧтш мортлӧн лолыс.

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

Исай 26:12

Господьӧй, Тэ сетан миянлы лӧньлун, ӧд Тэсянь ставыс, мый ми вӧчам да шедӧдам.

Шусьӧгъяс 16:3

Господь вылӧ лача кутӧмӧн ассьыд уджъястӧ вӧч, сэки збыльмас ставыс, мый кӧсъян вӧчнытӧ.

Псалтыр 31:5

Но ме восьті Тэныд ассьым мыжӧс, эг дзеб ассьым лёк вӧчӧмӧс. Ме шуи: «Висьтася Господьлы аслам лёк вӧчӧмысь», и Тэ прӧститін менсьым мыжӧс.

Ӧксыяслӧн 1 небӧг 2:9

Господь видзӧ кывзысьысьяслысь воськовъяссӧ, а лёк вӧчысьяс вошӧны пемыдас, ӧд мортлы оз отсав аслас выныс.

Еклесиаст 10:14

Вежӧртӧм морт уна сёрнитӧ, оз тӧд, мый сійӧс виччысьӧ. Коді нӧ висьталас сылы, мый лоӧ сылӧн кулӧм бӧрын?

Еклесиаст 8:16

Ме зіли тӧдмавны мывкыдлун да туявны мортлысь уджсӧ, мый сійӧ лун и вой вӧчӧ му вылас синсӧ куньлытӧг.

Еклесиаст 7:25

Ме став сьӧлӧмӧс пукті, медым туявны-тӧдмавны да корсьны мывкыдлунсӧ да вежӧрлунсӧ. Ме гӧгӧрвои, мый лёк вӧчӧмыс петӧ вежӧртӧмлунсянь, мывкыдтӧм олӧмыс – йӧйлунсянь.

Еклесиаст 7:15

Быдторсӧ ме аддзылі аслам весьшӧрӧ олан лунъясӧ: веськыда олысь веськыдлунас кулӧ, лёк вӧчысь лёкас дыр олӧ.

Еклесиаст 1:17

Ме шуи тӧдмавны, мый сійӧ мывкыдлуныс, вежӧртӧмлуныс да йӧйлуныс. Но гӧгӧрвои, мый тайӧ тӧв бӧрся вӧтлысьӧм кодь.

Псалтыр 73:3

Лок видзӧдлы из чукӧр вылӧ, вӧрӧг жугліс вежа крам.

Иов 5:8

Тэ местаын ме эськӧ корси Енмӧс, шыаси Сы дінӧ,

Еклесиаст 9:6

Налӧн радейтӧмыс, мустӧмтӧмыс да вежӧгтӧмыс бырӧма-кольӧма. Некор и нинӧмторйын оз нин ло налы пайыс шонді улас.

Еремей 43:6

Босьтісны аскӧдныс айуловӧс, аньясӧс, челядьӧс, ӧксылысь нывъяссӧ да став йӧзсӧ, кодъясӧс Навузардан, ӧксыӧс видзысьяслӧн юралысь, колис Шафан Ахикамлӧн Гедалий пикӧд. Босьтісны тшӧтш Еремей пророкӧс да Нирийлысь Барук писӧ.

Иов 27:12

Ті асьныд ставсӧ аддзылінныд, сідзкӧ, мыйла нинӧм абусӧ сёрнитанныд?