Еклесиаст 8:8 - Коми Библия 2023

⁸ Морт оз вермы ыджыдавны лолыс вылын, оз вермы кутны сійӧс, и кулан луныс абу сы киын. Тыш суӧмысь некод оз пышйы, лёк вӧчысьӧс лёкыс оз мезды.

Еклесиаст 8:8 Referans Kwoze

Иов 14:5

Тэнад кӧ индӧма нин мортлысь олан лунъяссӧ, арталӧма сылысь тӧлысь лыдсӧ, пасйӧма олан нэмыслысь помсӧ, мый сійӧ оз вермы вежны,

Еврейяслы 9:27

Мортыслы шуӧма кувны ӧтчыдысь, сэсся лоӧ мыждӧм.

Исай 28:15

Ті шуанныд: «Ми кӧрталім йитӧд кулӧмыскӧд, ми сёрнитчим пыдӧстӧминыскӧд. Кор вӧрӧг ыльӧбтас бырӧдны, сійӧ оз суӧд миянӧс, ӧд ылӧгыс лои миянлы сайӧдчанінӧн, пӧръясьӧмыс – вевттьӧдӧн».

Еклесиаст 3:21

Коді вермас тӧдны, кыпӧдчӧ-ӧ мортлӧн лолыс вывлань, и лэччӧ-ӧ пемӧслӧн лолыс увлань, му пытшкас?

Шусьӧгъяс 14:32

Лёк вӧчысь аслас лёклуныс вӧсна усьӧ, веськыда олысьлӧн весиг кулігас лачаыс лоӧ.

Псалтыр 9:17

Господьӧс тӧдмалӧны Сылӧн веськыда мыждӧмыс серти – лёк вӧчысь шедӧ аслас киӧн вӧчӧм налькйӧ.

2 Коринфӧ 13:4

Крестӧ тувъялігӧн Сійӧ вӧлі вынтӧм, ӧні Ен вынӧн Сійӧ ловъя. Ми Кристос пытшкынӧсь, сідзкӧ, ми тшӧтш вынтӧмӧсь, но Сыкӧд олам Ен вынӧн, медым кесъявны тіянлы.

1 Коринфӧ 15:43

Гуавсьӧ мисьтӧм вир-яй, ловзьӧ дзирдалана, гуавсьӧ жеб вир-яй, ловзьӧ вына вир-яй.

Исай 28:18

Кулӧмыскӧд тіян йитӧдныд орас, пыдӧстӧминыскӧд тіян сёрнитчӧмныд торксяс. Кор вӧрӧг ыльӧбтас бырӧдны, сэки тіянӧс лоӧ талялӧма.

Иов 34:14

Сійӧ кӧ Ассьыс сьӧлӧмсӧ бергӧдас Асланьыс, Ассьыс ловсӧ да ловшысӧ бӧр босьтас,

Ӧксыяслӧн 2 небӧг 14:14

Ми ставным коркӧ кулам, лоам муӧ кисьтӧм ва кодьӧн, кодӧс бӧр он курав. Но Енмыс оз кӧсйы бырӧдны мортсӧ. Мӧдарӧ, Сійӧ зільӧ сибӧдны ӧтдортӧмаӧс.

Ӧксыяслӧн 4 небӧг 7:15

Найӧ вӧтчисны арамейяс бӧрся Йӧрдан ю дорӧдз. Туй вылас туплясис паськӧм-кӧлуй, мый арамейяс вӧлі шыблалӧмаӧсь тэрмасьӧмӧн пышйиганыс. Мӧдӧдӧмаяс бӧр локтісны да юӧртісны та йылысь ӧксылы.

Еклесиаст 8:13

А лёк вӧчысьлы бурыс оз ло, ӧд сійӧ оз пов Енсьыс. Сылӧн олан лунъясыс мыччысьлӧм вуджӧр кодьӧсь.

Шусьӧгъяс 12:3

Лёк вӧчӧмнад мортыд асьсӧ оз вынсьӧд, но веськыда олысьлӧн вужйыс зумыд.

Еклесиаст 9:12

Мортыд оз тӧд ассьыс оландырсӧ. Тывйыштӧм чериӧс моз, дзугйӧ гартчӧм лэбачӧс моз мортсӧ лоӧ тывйыштӧма сьӧкыд кадӧ, мый виччысьтӧг суас сійӧс.

Исай 47:10

Лёксӧ вӧчигӧн тэ эн повлы, тэ шуавлін: «Некод оз аддзы менӧ». Тэнад сюсьлуныд да тӧдӧмлуныд кежӧдісны тэнӧ туй вывсьыд. Тэ шуалін аслыд: «Ме кодь мӧдыс абу!»