Еклесиаст 8:17 - Коми Библия 2023

¹⁷ Сэки ме гӧгӧрвои, мый мортыс оз вермы вежӧртны Енлысь уджъяссӧ, ставсӧ, мый вӧчсьӧ шонді улас. Мыйтӧм кӧть мортыс эз туяв-тӧдмав, сійӧ вежӧртнысӧ оз вермы. Весиг кӧ мывкыда морт шуас, мый сійӧ тӧдӧ, но збыльвылас сійӧ вежӧртнысӧ оз вермы.

Еклесиаст 8:17 Referans Kwoze

Еклесиаст 3:11

Ставсӧ Енмыс вӧчӧма ас кадӧ мичаӧн, и морт сьӧлӧмӧ Сійӧ пуктӧма помтӧм олӧм, но помӧдзыс Енмыслысь уджъяссӧ морт оз вермы вежӧртны.

Римӧ 11:33

Енлӧн озырлуныс пыдӧстӧм, Сылӧн мывкыдлуныс да тӧдӧмлуныс шымыртны вермытӧм. Сылӧн мыждана кывъясыс вежӧрӧ тӧрӧдтӧмӧсь, Сылысь туйяссӧ он вермы туявны!

Псалтыр 73:16

Луныс да войыс – Тэнад, Тэ вӧчин тӧлысьсӧ да шондісӧ.

Исай 40:28

Тэ ӧмӧй он тӧд, тэ ӧмӧй эн кывлы, мый Господь – помтӧг олысь Ен, Сійӧ вӧчис став муюгыдсӧ, Сійӧ оз мудз, оз жебмы. Сылысь мывкыдлунсӧ он туяв.

Иов 5:9

кодлӧн ыджыд уджъясыс шымыртны вермытӧмӧсь, кодлӧн шензьӧданаторъяслы лыдыс абу.

Еклесиаст 11:5

Тэ он вермы тӧдны тӧврулысь шлывъялӧмсӧ да мам кынӧмын кагалысь лы артмӧмсӧ, тадзи жӧ тэ он вермы тӧдны Енлысь уджъяссӧ – Сылысь, коді вӧчӧ ставсӧ.

Псалтыр 40:5

Ме шуи: «Господьӧй, ме мыж вӧчи Тэныд паныд. Ло бур сьӧлӧма ме дінӧ, бурдӧд менӧ!»

Псалтыр 104:24

Сэні Господь рӧдмӧдіс Ассьыс войтырсӧ, вӧчис вӧрӧг дорысь вынаджыкӧн.

Еклесиаст 1:13

Ме став олӧмӧс пукті, медым мывкыдлун отсӧгӧн тӧдмавны-туявны ставсӧ, мый вӧчсьӧ енэж улас. Тайӧ сьӧкыд могсӧ Ен сетӧма мортлы.

Еклесиаст 7:13

Видзӧдлы Енлӧн уджъяс вылӧ. Коді вермас веськӧдны сійӧ, мый Енмыс кусыньтӧма?