Еклесиаст 8:12 - Коми Библия 2023

¹² Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Еклесиаст 8:12 Referans Kwoze

Псалтыр 37:11

Менам сьӧлӧмӧй чеччӧ, ме дзикӧдз вынтӧмми, менам синмӧй пемдіс.

2 Петыр 2:9

Господь тӧдӧ, кыдзи мездыны вежавидзысьӧс сьӧкыдалӧмсьыс, а лёк вӧчысьӧс Сійӧ видзӧ, медым мыждан лунӧ сійӧс чорыда мыждыны.

Еклесиаст 7:15

Быдторсӧ ме аддзылі аслам весьшӧрӧ олан лунъясӧ: веськыда олысь веськыдлунас кулӧ, лёк вӧчысь лёкас дыр олӧ.

Еклесиаст 3:14

Ме гӧгӧрвои, мый Енлӧн став вӧчӧмторйыс олӧ нэмъяс чӧж, та дорӧ нинӧм он содты и таысь нинӧм он чинты. Енмыс тадзи лӧсьӧдӧма, медым йӧзыс олісны Сыысь полӧмӧн да вежавидзӧмӧн.

Римӧ 9:22

Тадзи Енмыс кӧсйӧ петкӧдлыны Ассьыс скӧрлунсӧ да вынсӧ. Ыджыд терпитӧмыс вӧсна Сійӧ видзӧ на бырӧдны шуӧм ”скӧрлуныслысь дозъяссӧ”,

Лука 1:50

Чужысьяссянь чужысьясӧдз Сылӧн буралӧмыс вуджӧ Сыысь полысьяс дінӧ.

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Матвей 25:34

Веськыдладорын сулалысьяслы Ӧксы шуас: ”Локтӧй, менам Батьлӧн бурсиӧмаяс. Тіянлы вуджӧ Енлӧн Юраланіныс, кодӧс дасьтӧма тіянлы му пуксьӧмсяньыс.

Еклесиаст 7:18

Бур, тэ кӧ кутчысян воддза тшӧктӧмас и мӧдсьыс он ӧтдортчы, ӧд Енсьыс полысьӧс бырӧдӧмыс оз су.

Еклесиаст 5:16

Став олӧмсӧ сійӧ коллялӧ пемыдас, шогсьӧ-майшасьӧ, элясьӧ да скӧралӧ.

Шусьӧгъяс 13:21

Мывкыд морткӧд кӧ волысян, мывкыд лоан, вежӧртӧмкӧд кӧ ёртасян, аслыд лёксӧ вӧчан.

Псалтыр 112:1

Аллилуйя! Господьлӧн кесйӧгъяс, ошкӧй Господьлысь нимсӧ!

Псалтыр 96:9

Тэ – Медвылыссаыс став му пасьталаыс, Господьӧй, став енсьыс Тэ медвылын.

1 Каднебӧг 16:30

Му вылын олысьяс, полӧй-тіралӧй Сыысь! Муюгыдыс сулалӧ зумыда, сійӧ оз вӧрзьыв.

Ӧксыяслӧн 3 небӧг 21:25

Израильса ӧксыяс пиысь некод эз вӧч Господь водзын сэтшӧм шогмытӧмсӧ, мый Ахав вӧчис. Та вылӧ сійӧс ыззьӧдіс Езавель гӧтырыс.

Индӧд 12:25

Эн сёй вир, а вӧч Господь [аслад Ен] водзын [бурсӧ да] шогманасӧ, медым тэныд да тэсянь чужысьяслы вӧлі бур [нэмъяс чӧж].

Петӧм 1:20

Енмыс бурӧн мынтысис гӧгиньяслы таысь. Войтырыс рӧдмис да вӧлі ён вына.

Индӧд 4:40

Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Индӧд 12:28

Кывзӧй да олӧй тайӧ кывъясыс серти, мый висьтала тіянлы. Вӧчанныд кӧ Господь Енныд водзын бурсӧ да шогманасӧ, тіянлы да тіянсянь чужысьяслы лоӧ бур нэмъяс чӧж».

Псалтыр 128:2

том кадсянь менӧ ёна дзескӧдісны, но менӧ эз вермыны.

Еклесиаст 5:7

Аддзан кӧ, мый кӧнкӧ дзескӧдӧны гӧльӧс, торкӧны веськыда мыждӧм, оз вӧчны веськыда, эн шензьы та вылӧ. Ӧд юралысь бӧрся видзӧдӧ ыджыдджык юралысь, а на бӧрся – нӧшта на ыджыдджык.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Иов 35:15

Енмыс кӧ Аслас скӧрлунӧн оз мыжды, Сылы кӧ веськодь мортлӧн мыжыс,

Шусьӧгъяс 28:14

Енмысь полысь – майбыр, сьӧлӧмсӧ чорзьӧдысь лёкас веськалӧ.

Еремей 44:10

Ӧнӧдз ті энӧ раммӧдчӧй. Ті онӧ полӧй да онӧ олӧй Менам Индӧд да тшӧктӧмъяс серти, мый Ме сеті тіянлы да тіян батьяслы.