Еклесиаст 7:18 - Коми Библия 2023

¹⁸ Бур, тэ кӧ кутчысян воддза тшӧктӧмас и мӧдсьыс он ӧтдортчы, ӧд Енсьыс полысьӧс бырӧдӧмыс оз су.

Еклесиаст 7:18 Referans Kwoze

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Лука 11:42

Курыд шог тіянлы, фарисейяс! Ті сетанныд исань турунысь, рута корйысь да став пуктасысь дасӧд юкӧнсӧ, а веськыда мыждӧмсӧ да Енмӧс радейтӧмсӧ бокӧ вештанныд. Тайӧс колӧ вӧчны да мукӧдторсӧ оз ков вунӧдны.

Лука 1:50

Чужысьяссянь чужысьясӧдз Сылӧн буралӧмыс вуджӧ Сыысь полысьяс дінӧ.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Еклесиаст 11:6

Асывнас кӧдз, и рытнас киыдлы эн сет шойччӧгсӧ. Тэ ӧд он тӧд, кодар уджыс лоӧ бурджык, а гашкӧ, кыкнанныс бур.

Еклесиаст 8:12

Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Еремей 32:40

Ме кӧртала накӧд пыр кежлӧ йитӧд: Ме ог бергӧдчы наысь, а пыр кута вӧчны налы бурсӧ. Ме пукта налӧн сьӧлӧмӧ вежавидзӧм, медым найӧ эз кежны Меысь.

Еклесиаст 3:14

Ме гӧгӧрвои, мый Енлӧн став вӧчӧмторйыс олӧ нэмъяс чӧж, та дорӧ нинӧм он содты и таысь нинӧм он чинты. Енмыс тадзи лӧсьӧдӧма, медым йӧзыс олісны Сыысь полӧмӧн да вежавидзӧмӧн.

Шусьӧгъяс 8:20

Ме ветла веськыдлуныслӧн туйӧд, веськыда вӧчӧмыслӧн ордымӧд,

Еклесиаст 5:7

Аддзан кӧ, мый кӧнкӧ дзескӧдӧны гӧльӧс, торкӧны веськыда мыждӧм, оз вӧчны веськыда, эн шензьы та вылӧ. Ӧд юралысь бӧрся видзӧдӧ ыджыдджык юралысь, а на бӧрся – нӧшта на ыджыдджык.

Еклесиаст 8:13

А лёк вӧчысьлы бурыс оз ло, ӧд сійӧ оз пов Енсьыс. Сылӧн олан лунъясыс мыччысьлӧм вуджӧр кодьӧсь.

Шусьӧгъяс 12:21

Веськыда олысьӧс лёкыс оз су, а лёк вӧчысьлӧн олӧмыс тырӧма шогнас.