Еклесиаст 6:9 - Коми Библия 2023

⁹ Абутӧмсӧ кӧсйӧм дорысь бурджык сійӧ, мый эм син водзад. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 6:9 Referans Kwoze

Еклесиаст 1:14

Ме видзӧдалі став уджсӧ, мый вӧчсьӧ шонді улас. Вӧлӧмакӧ, ставыс весьшӧрӧ, тӧв бӧрся вӧтлысьӧм кодь.

Иов 31:7

Менам воськовъясӧй кӧ кежисны веськыд туйысь, сьӧлӧмӧй кӧ син бӧрся вӧтчис, ки пыдӧсӧ кӧ пежыс ляксис,

Еклесиаст 11:9

Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.

Еклесиаст 6:2

Ен сетӧ мортлы озырлун, овмӧс-эмбур да нималӧм – ставсӧ, мый сылы колӧ, и мый сійӧ кӧсйӧ. Но Ен оз лэдз сылы нимкодясьны тайӧ озырлуннас, ӧд сылӧн озырлуныс вичмӧ йӧзлы. Тайӧ, вӧлӧмакӧ, весьшӧрӧ да ыджыд шог.

Еклесиаст 5:18

Енмыс кӧ сетӧ мортлы озырлун да овмӧс-эмбур, лэдзӧ сы помысь овны-вывны, босьтны ассьыс пайсӧ да нимкодясьны мырсян-пессян олӧмас, тайӧ сылы – Енсянь козин.

Еклесиаст 4:4

Нӧшта ме аддзи, мый быдпӧлӧс удж да быд зільӧм-вермӧм чужтӧ йӧз костын вежалӧм. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 2:11

Ме видзӧдлі став уджыс вылӧ, мый вӧчис менам киӧй. Вӧлӧмакӧ, ставыс весьшӧрӧ, тӧв бӧрся вӧтлысьӧм кодь, и шонді улас таысь нинӧм бурыс абу.

Еклесиаст 1:2

Весьшӧрӧ, – шуис еклесиаст, – ставыс весьшӧрӧ, дзик весьшӧрӧ.

Еремей 2:20

Ме важӧн нин жугӧді тэнсьыд сийӧстӧ, орйӧдлі тэнсьыд кӧртӧдъястӧ. Тэ шулін, мый он кут юрбитны идолъяслы, но став джуджыд керӧс вылын, быд пашкыр пу улын тэ куйлін кырсалысь ань моз.

Еклесиаст 1:17

Ме шуи тӧдмавны, мый сійӧ мывкыдлуныс, вежӧртӧмлуныс да йӧйлуныс. Но гӧгӧрвои, мый тайӧ тӧв бӧрся вӧтлысьӧм кодь.