Еклесиаст 6:12 - Коми Библия 2023

¹² Коді тӧдӧ, мый бурджык мортыслы, кодлӧн олӧмыс мунӧ вуджӧр моз весьшӧрӧ? Коді вермас висьтавны мортлы, мый лоӧ сы бӧрын шонді улас?

Еклесиаст 6:12 Referans Kwoze

Яков 4:14

Но ті весиг онӧ тӧдӧй, мый ваяс тіянлы аскиа луныс. Ӧд тіян олӧмныд ру кодь, петкӧдчылас дженьыдик кад кежлӧ, а сэсся бырас.

Еклесиаст 3:22

Ме гӧгӧрвои, мый мортлы бурджык нимкодясьны аслас уджъясӧн, ӧд тадзи лӧсьӧдӧма олӧмсӧ. Коді нӧ бӧр вайӧдас сійӧс, медым видзӧдлыны, мый лоӧ сылӧн олӧм помасьӧм бӧрын?

Иов 14:2

Дзоридз моз сійӧ мыччысьлӧ да нярмунӧ, вуджӧр моз вешйӧ, оз сувтлы.

Псалтыр 144:4

Чужысьяссянь чужысьясӧдз кутасны ошкыны Тэнсьыд уджъястӧ, кутасны юӧртны Тэнад ыджыд вын йылысь.

Еклесиаст 8:13

А лёк вӧчысьлы бурыс оз ло, ӧд сійӧ оз пов Енсьыс. Сылӧн олан лунъясыс мыччысьлӧм вуджӧр кодьӧсь.

Иов 8:9

Ми ӧд тӧрытъя чужысьяс, нинӧм огӧ тӧдӧй, му вылас миян олан лунъясным вуджӧр кодьӧсь.

1 Каднебӧг 29:15

Тэ водзын ми батьясным моз йӧз муысь локтысьяс. Му вылас миян олан лунъясным вуджӧр кодь, миянлы нинӧм вылӧ лачанымӧс кутны.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Еклесиаст 9:6

Налӧн радейтӧмыс, мустӧмтӧмыс да вежӧгтӧмыс бырӧма-кольӧма. Некор и нинӧмторйын оз нин ло налы пайыс шонді улас.

Еклесиаст 2:3

Ме шуи гажӧдны ассьым вир-яйӧс винаӧн. Ме сетчи тайӧ йӧйталӧмас, но видзи мывкыдлунӧс аслам сьӧлӧмын. Ме кӧсйи тӧдны, мый вайӧ бурсӧ мортлы, да мый сылы колӧ вӧчны енэж улас ассьыс дженьыд нэмсӧ олігӧн.

Псалтыр 102:11

Кутшӧм ыджыд коластыс енэжа-муа костас, сэтшӧм ыджыд Господьлӧн буралӧмыс Сыысь полысьяс дінӧ.

Псалтыр 17:15

Лэдзис Ассьыс гымньӧвъяссӧ да чардбиӧн сявкйис найӧс енэж пасьталаыс.

Псалтыр 4:6

Вайӧй шогмана висьяс да лача кутӧй Господь вылӧ.

Иов 14:21

Нималӧны-ӧ сылӧн челядьыс, сійӧ оз тӧд, увтыртӧны-ӧ найӧс, сійӧ оз аддзы.

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Псалтыр 47:4

Сэні олысьяс тӧдӧны, мый Енмыс дорйӧ найӧс.

Псалтыр 16:5

Ёнмӧд менсьым воськовъясӧс, медым менам кокӧй эз кеж Тэнад туйысь.

Еклесиаст 2:24

Мырсян-пессян олӧмас мортлы сёйӧм-юӧм да нимкодясьӧм дорысь бурджыкыс абу. Ме гӧгӧрвои, мый и тайӧ – Енсянь.

Еклесиаст 6:11

Уна сёрни дырйи ставыс весьшӧрӧ. Мый бурыс таысь мортлы?

Еклесиаст 7:15

Быдторсӧ ме аддзылі аслам весьшӧрӧ олан лунъясӧ: веськыда олысь веськыдлунас кулӧ, лёк вӧчысь лёкас дыр олӧ.

Еклесиаст 9:9

Нимкодясь муса гӧтырыдкӧд олӧмнас аслад весьшӧрӧ олан лунъяс чӧжыд, мый тэныд сетӧма Енмыс шонді улас. Татшӧм тэнад пайыд мырсян-пессян олӧмад шонді улас.

Еклесиаст 10:14

Вежӧртӧм морт уна сёрнитӧ, оз тӧд, мый сійӧс виччысьӧ. Коді нӧ висьталас сылы, мый лоӧ сылӧн кулӧм бӧрын?