Еклесиаст 4:14 - Коми Библия 2023

¹⁴ коді дзескыдінысь петӧм бӧрас ӧксыӧ пуксис, кӧть чужис гӧльӧн мӧдыслӧн ӧксыалӧм дырйи.

Еклесиаст 4:14 Referans Kwoze

Олӧм 41:14

Фараон мӧдӧдіс Ӧсипла. Сійӧс пырысьтӧм-пыр вайӧдісны дзескыдінысь. Ӧсип шырсис, вежсис да локтіс фараон дінӧ.

Иов 5:11

увтыртӧмаӧс кыпӧдӧ, шогас вӧйӧмаӧс мездӧ.

Даниил 4:31

«Урчитӧм кад кольӧм мысти ме, Навукодоносор, лэпті синмӧс енэжланьыс, и ме бӧр вои ас вежӧрӧ. Сэки ме аттьӧалі Медвылыссаӧс, ошки-нимӧді пыр Олысьӧс: – Сылӧн ыджыдалӧмыс – нэмъяс чӧж, Сылӧн юралӧмыс – чужысьяссянь чужысьясӧдз.

Бӧрданкыв 4:20

Дзескӧдысьлӧн налькйӧ шедіс ӧксыным, Господьлӧн мавтыштӧмаыс, олӧмным да ловшыным. А ми чайтім, мый сылӧн сайӧд улын олам войтыръяс пӧвстын.

Ӧксыяслӧн 4 небӧг 25:7

Седекейлысь пиянсӧ виисны сылӧн син водзын. Сэсся вавилонса ӧксы бытшкис Седекейлысь кыкнан синсӧ, дорис сійӧс ыргӧн чепъясӧн да нуӧдіс Вавилонӧ.

Ӧксыяслӧн 4 небӧг 24:12

Сэки иудаса Еконей ӧксы аслас мамкӧд, кесйӧгъясыскӧд, веськӧдлысьясыскӧд да ыджыд чина йӧзыскӧд сетчис вавилонса ӧксылы. Навукодоносор босьтіс Еконейӧс пленӧ аслас кӧкъямысӧд веськӧдлан воӧ.

Ӧксыяслӧн 4 небӧг 24:6

Ехояким куліс да вуджис батьясыс дінӧ. Ехояким бӧрти ӧксыӧ пуксис сылӧн Еконей пиыс.

Еклесиаст 4:15

Ме аддзи, мый шонді улас став олысьыс сувтіс том морт дор, коді пуксис ӧксыавны пӧрысь ӧксы пыдди.

Ӧксыяслӧн 1 небӧг 2:8

Коньӧрӧс Сійӧ лэптӧ бус пытшкысь, гӧльӧс перйӧ няйтысь, пуксьӧдӧ найӧс ыджыдалысьяскӧд орччӧн, сетӧ налы нималана пуклӧс. Господь кутӧ мулысь подувсӧ, сы вылӧ пуктӧма муюгыдсӧ.