Еклесиаст 3:22 - Коми Библия 2023

²² Ме гӧгӧрвои, мый мортлы бурджык нимкодясьны аслас уджъясӧн, ӧд тадзи лӧсьӧдӧма олӧмсӧ. Коді нӧ бӧр вайӧдас сійӧс, медым видзӧдлыны, мый лоӧ сылӧн олӧм помасьӧм бӧрын?

Еклесиаст 3:22 Referans Kwoze

Еклесиаст 2:24

Мырсян-пессян олӧмас мортлы сёйӧм-юӧм да нимкодясьӧм дорысь бурджыкыс абу. Ме гӧгӧрвои, мый и тайӧ – Енсянь.

Еклесиаст 10:14

Вежӧртӧм морт уна сёрнитӧ, оз тӧд, мый сійӧс виччысьӧ. Коді нӧ висьталас сылы, мый лоӧ сылӧн кулӧм бӧрын?

Еклесиаст 6:12

Коді тӧдӧ, мый бурджык мортыслы, кодлӧн олӧмыс мунӧ вуджӧр моз весьшӧрӧ? Коді вермас висьтавны мортлы, мый лоӧ сы бӧрын шонді улас?

Еклесиаст 11:9

Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.

Матвей 6:34

Энӧ майшасьӧй аскиа луныс вӧсна, аскиыс ас вӧснаыс тӧждысяс. Быд лунлы тырмӧ аслас тӧждыс».

Даниил 12:13

А тэ мун аслад туйӧд помӧдзыс. Тэ кутан шойччыны, а сэсся ловзян, медым босьтны тэныд вичманасӧ нэм помасигӧн».

Еклесиаст 9:12

Мортыд оз тӧд ассьыс оландырсӧ. Тывйыштӧм чериӧс моз, дзугйӧ гартчӧм лэбачӧс моз мортсӧ лоӧ тывйыштӧма сьӧкыд кадӧ, мый виччысьтӧг суас сійӧс.

Еклесиаст 8:15

Ме ошки нимкодясьӧм, ӧд мортлы сёйӧм-юӧмысь да нимкодясьӧмысь бурджыкыс шонді улас абу. Нимкодясьӧмыс лоӧ сыкӧд став олан лунъяс чӧжыс, мыйтӧм Енмыс сетӧ сылы мырсьыны-пессьыны шонді улас.

Иов 14:21

Нималӧны-ӧ сылӧн челядьыс, сійӧ оз тӧд, увтыртӧны-ӧ найӧс, сійӧ оз аддзы.

Индӧд 28:47

Кор тіян ставыс вӧлі тырмана, ті энӧ кесъялӧй Господьлы, асланыд Енлы, нимкодьпырысь да гажӧдчӧмӧн.

Индӧд 12:18

Сёйӧй висьнытӧ Господь Енныд водзын Сылӧн бӧрйӧм местаын. Тіянкӧд ӧтлаын мед сёясны ныв-пиныд, кесйӧгъясныд, а сідзжӧ тіян карын олысь левитъяс [да йӧз муысь локтысьяс]. Нимкодясьӧй Господь Енныд водзын быдтор вӧсна, мый удж помысь перйинныд аслыныд.

Индӧд 12:7

Сэні ас котырныдкӧд сёйӧй висьнытӧ Господь Енныд водзын. Нимкодясьӧй сыысь, мый удж помысь перйинныд аслыныд, ӧд Господь, тіян Енныд, бурсиис тіянӧс.

Еклесиаст 2:18

Ме мустӧмті став ассьым уджӧс, мый вӧчи шонді улас. Ӧд меным ставсӧ ковмас кольны сылы, коді кутас веськӧдлыны ме бӧрти.

Еклесиаст 7:14

Бур кадӧ нимкодясь, а сьӧкыд кадӧ эн вунӧд, мый ӧтиыс и мӧдыс – Енсянь. Енмыс тадзи лӧсьӧдӧма, медым мортыс нинӧм эз вермы шуны Сылы паныд.

Еклесиаст 9:6

Налӧн радейтӧмыс, мустӧмтӧмыс да вежӧгтӧмыс бырӧма-кольӧма. Некор и нинӧмторйын оз нин ло налы пайыс шонді улас.