Еклесиаст 2:14 - Коми Библия 2023

¹⁴ Мывкыд морт аддзӧ, кытчӧ мунӧ, а вежӧртӧм шӧйтӧ пемыдас. Но ме тӧдмалі, мый кыкнансӧ виччысьӧ ӧтитор.

Еклесиаст 2:14 Referans Kwoze

Псалтыр 49:10

ӧд вӧрса став звер-пӧткаыс Менам, сюрс керӧс вылын олысь став пемӧсыс тшӧтш Менам.

Шусьӧгъяс 17:24

Вежӧра мортлӧн мывкыдлуныс син водзас, вежӧртӧмлӧн синмыс му помъясті ветлӧ.

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

1 Иоан 2:11

Воксӧ мустӧмтысь ветлӧ пемыдас, сійӧ оз тӧд, кытчӧ мунӧ, ӧд пемыдыс тупкӧма сылысь синсӧ.

Еклесиаст 3:19

Ӧд мортӧс и пемӧсӧс виччысьӧ ӧти и сійӧ жӧ: ӧтиыс кулӧ, и мӧдыс кулӧ. Ӧтиыс и мӧдыс ловъя дырйиыс лолалӧны, та вӧсна мортыс абу бурджык пемӧсысь – сідзкӧ, ставыс весьшӧрӧ.

Еклесиаст 9:16

Ме шуи, мый вын дорысь мывкыдлуныд бурджык, но гӧль мортлысь мывкыдлунсӧ мустӧмтӧны, сылысь кывъяссӧ оз кывзыны.

Еклесиаст 8:1

Кодкӧд ӧткодялан мывкыдаӧс? Коді вермас ставсӧ вежӧртны? Мывкыдлуныд югзьӧдӧ чужӧмтӧ, вештӧ зумышлунтӧ чужӧм вывсьыд.

Еклесиаст 7:2

Гажӧдчанінӧ мунӧм дорысь бурджык мунны сэтчӧ, кӧні кулӧма вӧсна бӧрдӧны, ӧд сэні ловъя мортыс гӧгӧрвоӧ, мый виччысьӧ быдӧнӧс.

Еклесиаст 6:6

коді оліс эськӧ кык сюрс во да эз нимкодясь аслас эмбурӧн. Оз-ӧ ставныс мунны ӧтилаӧ?

Шусьӧгъяс 14:8

Вежӧра мортлӧн мывкыдлуныс тыдалӧ туйсӧ тӧдӧмас, вежӧртӧмлӧн йӧйталӧмыс тыдалӧ пӧръясьӧмас.

Псалтыр 19:10

Господьӧй, мезды ӧксыӧс! Кор шыасям Тэ дінӧ, вочавидз миянлы!

Еклесиаст 2:16

Мывкыдаӧс оз кутны казьтывлыны вежӧртӧмӧс дорысь дырджык. Коляс кад, и ставсӧ вунӧдасны. Мывкыдаӧс и вежӧртӧмӧс ӧтмоза кулӧмыс суӧ.

Псалтыр 49:11

Ме тӧда керӧсвывса став лэбачсӧ, видзвывса став пемӧсыс – Менам.

Еклесиаст 6:8

Мыйын бурыс мывкыдалы вежӧртӧмлы дорысь, мыйын бурыс гӧльлы, коді тӧдӧ, кыдзи колӧ овны йӧз водзын?