Еклесиаст 2:10 - Коми Библия 2023

¹⁰ Ме лэдзи видзӧдны синлы, мый сійӧ кӧсйис, эг кут сьӧлӧмӧс долыдасьӧмысь. Сьӧлӧмӧй нимкодясис став аслам уджысь, и тайӧ вӧлі меным удждонӧн.

Еклесиаст 2:10 Referans Kwoze

Еклесиаст 9:9

Нимкодясь муса гӧтырыдкӧд олӧмнас аслад весьшӧрӧ олан лунъяс чӧжыд, мый тэныд сетӧма Енмыс шонді улас. Татшӧм тэнад пайыд мырсян-пессян олӧмад шонді улас.

Еклесиаст 5:18

Енмыс кӧ сетӧ мортлы озырлун да овмӧс-эмбур, лэдзӧ сы помысь овны-вывны, босьтны ассьыс пайсӧ да нимкодясьны мырсян-пессян олӧмас, тайӧ сылы – Енсянь козин.

Еклесиаст 3:22

Ме гӧгӧрвои, мый мортлы бурджык нимкодясьны аслас уджъясӧн, ӧд тадзи лӧсьӧдӧма олӧмсӧ. Коді нӧ бӧр вайӧдас сійӧс, медым видзӧдлыны, мый лоӧ сылӧн олӧм помасьӧм бӧрын?

Псалтыр 128:2

том кадсянь менӧ ёна дзескӧдісны, но менӧ эз вермыны.

1 Иоан 2:16

Ӧд тайӧ муюгыдас ыджыдалӧ вир-яйлӧн кӧсйӧм, синмыдлы колӧм да ыкшаасьӧм. Тайӧ абу Батьсянь, ставыс тайӧ муюгыдыслӧн.

Еклесиаст 2:22

Мый сетӧ мортыслы сьӧлӧмсянь тӧждысьӧмыс да став сылӧн мырсьӧм-уджалӧмыс, мый сійӧ вӧчӧ шонді улас?

Еклесиаст 11:9

Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.

Еклесиаст 6:9

Абутӧмсӧ кӧсйӧм дорысь бурджык сійӧ, мый эм син водзад. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Шусьӧгъяс 23:5

Чӧвтан синтӧ озырлун вылад, а сійӧ абу нин, сійӧ вӧчӧма аслыс бордъяс да кутш моз лэбзьӧма енэжлань.

Иов 31:1

Ме кӧрталі йитӧд аслам синкӧд, мый ог кут кыйявны аньяс вылӧ.

Ёрдысьяс 14:2

Гортас локтӧм бӧрын Самсон шуис бать-мамыслы: «Тимнаын ме аддзылі филистимса нылӧс. Босьтӧй сійӧс меным гӧтырӧ».

Олӧм 6:2

сэки Ен пиян аддзисны, мый нывъяс мичаӧсь, да бӧрйысьӧмӧн кутісны босьтны найӧс гӧтырӧ.

Олӧм 3:6

Ань аддзис, мый вотӧсыс чӧскыд, пуыс синтӧ гажӧдӧ да кыскӧ ас дорас, ӧд сетӧ тӧдӧмлун. Ань нетшыштіс вотӧссӧ да сёйис, сэсся сетіс верӧсыслы, и сійӧ тшӧтш сёйис.

Еклесиаст 5:10

Кор содӧ овмӧс-эмбурыд, сэки содӧ тшӧтш сёйысьлӧн лыдыс. Мый бурыс таысь овмӧс кутысьлы – сӧмын кольӧ видзӧдны та вылӧ!

Еклесиаст 6:2

Ен сетӧ мортлы озырлун, овмӧс-эмбур да нималӧм – ставсӧ, мый сылы колӧ, и мый сійӧ кӧсйӧ. Но Ен оз лэдз сылы нимкодясьны тайӧ озырлуннас, ӧд сылӧн озырлуныс вичмӧ йӧзлы. Тайӧ, вӧлӧмакӧ, весьшӧрӧ да ыджыд шог.

Еклесиаст 9:6

Налӧн радейтӧмыс, мустӧмтӧмыс да вежӧгтӧмыс бырӧма-кольӧма. Некор и нинӧмторйын оз нин ло налы пайыс шонді улас.

Еклесиаст 2:1

Ме кӧсйи тӧдмавны сьӧлӧмӧс гажӧдчӧмын, тшӧкті сылы нимкодясьны бурнас. Но и тайӧ, вӧлӧмакӧ, весьшӧрӧ.

Еклесиаст 2:24

Мырсян-пессян олӧмас мортлы сёйӧм-юӧм да нимкодясьӧм дорысь бурджыкыс абу. Ме гӧгӧрвои, мый и тайӧ – Енсянь.

Еклесиаст 5:17

Ме аддзи, мый мырсян-пессян олӧмас мортлы сёйӧм-юӧм да нимкодясьӧм дорысь бурджыкыс да лӧсьыдджыкыс абу. Мортыс ӧд мырсьӧ-пессьӧ шонді улас Енмӧн сетӧм олан лунъяс чӧж – татшӧм сылӧн олан пайыс.

Еклесиаст 8:15

Ме ошки нимкодясьӧм, ӧд мортлы сёйӧм-юӧмысь да нимкодясьӧмысь бурджыкыс шонді улас абу. Нимкодясьӧмыс лоӧ сыкӧд став олан лунъяс чӧжыс, мыйтӧм Енмыс сетӧ сылы мырсьыны-пессьыны шонді улас.