Еклесиаст 11:3 - Коми Библия 2023

³ Кымӧръяс кӧ польдӧмаӧсь, му вылӧ зэр киссяс. Лунвывлань либӧ войвывлань кӧ пӧрас пу, сэтчӧ и коляс.

Еклесиаст 11:3 Referans Kwoze

1 Иоан 3:17

Вермас-ӧ Енлӧн муслуныс лоны сійӧ морт пытшкас, кодлӧн ставыс эм, но вокыслысь гӧльлунсӧ аддзигӧн сійӧ чорзьӧдӧ сьӧлӧмсӧ да оз отсав сылы?

Лука 13:7

Сэки сійӧ шуас виноград йӧрын уджалысьлы: ”Куим во чӧж нин виччыся тайӧ инжир пуыслысь вотӧссӧ, но аддза, мый весьшӧрӧ. Керышт сійӧс, ӧд сӧмын муыслысь вынсӧ босьтӧ”.

Ӧксыяслӧн 3 небӧг 18:45

Енэжыс пемдіс, тӧлыс вайис сьӧд кымӧръяс, кутіс сувтсӧн зэрны. Ахав [бӧрддзӧмӧн] сӧліс аслас тарантасӧ да рӧдтіс Изреельӧ.

Матвей 3:10

Черыс пу вужйыс дорын нин куйлӧ. Пуыс кӧ оз вай бур вотӧс, сійӧс кералӧны да шыбитӧны биӧ.

Еклесиаст 11:2

Юк озырлунтӧ сизим либӧ кӧкъямыс пельӧ, он ӧд тӧд, кутшӧм сьӧкыд кад пуксяс му вылас.

Еклесиаст 11:4

Тӧвныр вылӧ видзӧдӧмнад он кӧдз, кымӧр вылӧ чатрасьӧмнад он вунды.