Еклесиаст 10:19 - Коми Библия 2023

¹⁹ Гажтӧ вӧчӧны нимкодясьӧм могысь, и винаыд олӧмтӧ гажӧдӧ, но ставсьыс мынтысьӧ сьӧм.

Еклесиаст 10:19 Referans Kwoze

Псалтыр 104:15

«Энӧ вӧрӧдӧй Менсьым мавтыштӧмаясӧс, Менам пророкъяслы энӧ вӧчӧй лёксӧ».

1 Петыр 4:3

Водзынсӧ ті вӧчинныд ентӧдтӧмъяс моз: олінныд лэдзчысьӧмӧн да лёк кӧсйӧмныд серти, кырсалінныд, кодалінныд-гажӧдчинныд да юрбитінныд зывӧк идолъяслы. Пӧттӧдз нин тіян тадзисӧ олӧма.

Лука 12:19

Сэки шуа аслым: уна эмбур тэнад чӧжӧма, тырмас уна во кежлӧ – шойччы, сёй, ю да гажӧдчы!”

Исай 24:11

Вина абутӧм вӧсна карса туйяс вылын кылӧ бӧрдӧм, гажӧдчӧмыс кусіс, нимкодьлуныс эновтіс муюгыдсӧ.

Псалтыр 112:9

Кага вайтӧм аньлы Сійӧ сетӧ оланін да челядь, и сійӧ лоас шуда мамӧн. Аллилуйя!

Ап. уджъяс 11:29

Велӧдчысьяс шуисны отсавны Иудеяын олысь вокъяслы, коді мыйта вермас.

Ап. уджъяс 2:45

Найӧ вузавлісны ассьыныс овмӧс-эмбурнысӧ, а сьӧмсӧ юклісны быдӧнлы колана мында.

Лука 16:9

Висьтала тіянлы: лӧсьӧдӧй аслыныд ёртъяснытӧ мувывса ылӧг озырлун отсӧгӧн, медым озырлунныд бырӧм бӧрын найӧ сибӧдасны тіянӧс бырлытӧм оланінӧ».

Лука 8:3

Йоанна – Ирӧд овмӧсӧн веськӧдлысь Кузлӧн гӧтырыс, Сусанна да мукӧд. Овмӧснаныс найӧ отсасисны Исуслы.

Матвей 19:21

Исус шуис: «Кӧсъян кӧ тырвыйӧ бурӧн лоны, мун, овмӧстӧ вузав, а сьӧмсӧ сет гӧльяслы. Сэки тэныд енэжын озырлуныс вичмас. Сэсся лок Ме бӧрся».

Матвей 17:27

Мед оз дӧзмыны найӧ, мун ты дорас да чӧвт вугыртӧ. Медводдза шедӧм чери вомсьыс тэ аддзан эзысь сьӧм. Босьт сійӧс да мынты налы Ме пыдди и ас пыддиыд».

Исай 23:18

Но Тирлысь сьӧмсӧ, мый сійӧ чукӧртіс асьсӧ вузалысь ань моз, лоӧ торйӧдӧма Господьлы. Сійӧс оз чукӧртны, оз дзебны амбарӧ. Став сьӧмсӧ лоӧ сетӧма Господь водзын кесъялысьяслы, медым найӧ пӧттӧдзныс сёясны да бура пасьтасясны.

Неемий 5:8

Ме шуи: «Ми сьӧкыда ньӧбим вокъяснымӧс, кодъясӧс вӧлі вузалӧма мукӧд войтыръяслы. А ӧні ті вузаланныд ассьыныд вокъяснытӧ! Миянлы бара ӧмӧй ньӧбны найӧс?» Найӧ чӧв олісны, налы эз сюр воча кыв.

Ездра 1:6

Матігӧгӧр олысьяс сетісны налы эзысь дозмук-кӧлуй, зарни, эмбур, ыж-мӧс, уна донатор да козин.

1 Каднебӧг 21:24

Но Давид ӧксы шуис Орнанлы: «Ог босьт, ме ньӧба. Ме ог вермы вайны Господьлы сійӧ, мый абу менам, ог вермы вайны вись пыдди сійӧ, мыйысь эг вештысь».

Ӧксыяслӧн 2 небӧг 13:28

Аслас кесйӧгъяслы Авессалом шуис: «Видзӧдӧй Амнон бӧрся, и кор сійӧ коддзас, ме тшӧкта тіянлы вины сійӧс. Энӧ полӧй, ӧд тайӧ менам тшӧктӧм. Лоӧй повтӧмӧсь да зумыдӧсь!»

Ӧксыяслӧн 1 небӧг 25:36

Авигея локтіс гортас. Навал вӧлі лӧсьӧдӧма ӧксылы кодь ыджыд гаж. Сійӧ гажӧдчис да кодаліс. Авигея кыв эз шу сылы асылӧдзыс.

Ёрдысьяс 9:13

Но сійӧ шуис: ”Менам винаӧй гажӧдӧ енъясӧс да йӧзӧс. Ме кӧ кута ӧвтчыны мукӧд пуяс весьтын, дугда вина сетны”.

Олӧм 43:34

Ӧсип тшӧктіс сетны налы сёянсӧ аслас пызан вылысь, а Веняминлы мукӧд сертиыс – вит пӧв унджык. Вокъяс юисны да гажӧдчисны Ӧсипкӧд ӧтвылысь.

Еклесиаст 9:7

Та вӧсна нимкодясьӧмӧн сёй няньтӧ, долыд сьӧлӧмӧн ю винатӧ, ӧд тайӧс Енмыс сетӧма тэныд.

Еклесиаст 2:3

Ме шуи гажӧдны ассьым вир-яйӧс винаӧн. Ме сетчи тайӧ йӧйталӧмас, но видзи мывкыдлунӧс аслам сьӧлӧмын. Ме кӧсйи тӧдны, мый вайӧ бурсӧ мортлы, да мый сылы колӧ вӧчны енэж улас ассьыс дженьыд нэмсӧ олігӧн.

Ёрдысьяс 14:10

Самсонлӧн батьыс локтіс гӧтырпу керкаӧ, кӧні Самсон лӧсьӧдіс [сизимлунся] гаж, кыдзи вӧчлывлӧны верӧспуяс.

Эсфир 1:10

Сизимӧд луннас винаысь гажмӧм Артаксеркс ӧксы корис ас дінас ассьыс сизим кесъялысь евнукӧс: Мехуманӧс, Биззетӧс, Харвонӧс, Бигтайӧс, Авагтайӧс, Зетарӧс да Каркасӧс.