Еклесиаст 1:6 - Коми Библия 2023

⁶ Тӧвныр веськӧдчӧ лунвывлань, сэсся бергӧдчӧ войвывлань, сійӧ бергалӧ-кытшлалӧ да бӧр воӧ аслас кытшолӧ.

Еклесиаст 1:6 Referans Kwoze

Иоан 3:8

Тӧв пӧльтӧ, кӧні кӧсйӧ. Сылысь шысӧ кылан, сӧмын он тӧд, кысянь сійӧ локтӧ да кытчӧ мунӧ. Ловсянь чужыськӧд тшӧтш тадзи овлӧ».

Еклесиаст 11:5

Тэ он вермы тӧдны тӧврулысь шлывъялӧмсӧ да мам кынӧмын кагалысь лы артмӧмсӧ, тадзи жӧ тэ он вермы тӧдны Енлысь уджъяссӧ – Сылысь, коді вӧчӧ ставсӧ.

Иов 37:17

Кор пӧльтӧ лун тӧв да пӧжӧ мусӧ, сэки тэнӧ пӧсьӧдӧ паськӧмыд.

Иов 37:9

Лунвывсянь кыпӧдчӧ бушков, войвывсянь пӧльтӧ кӧдзыд тӧв.

Матвей 7:27

Чорыда зэрмас, юяс ойдасны, ыджыд тӧвныр петас да керкасӧ мӧдас пӧрӧдны, и тайӧ керкаыс сэки ставнас киссяс».

Матвей 7:24

«Коді кылӧ Менсьым кывъясӧс да олӧ на серти, сійӧ из вылӧ керкасӧ лэптысь сюсь вежӧра морт кодь.

Иона 1:4

Но Господь ыстіс саридз вылӧ ыджыд тӧвныр. Кыптіс бушков, саридз гызис, и корабль вӧлі жугласянвыйын.

Еклесиаст 1:7

Став юыс визувтӧ саридзӧ, но саридзыс оз тыр. Ваыс бӧр бергӧдчӧ юлӧн петанінӧ, медым бара визувтны.