Еклесиаст 1:14 - Коми Библия 2023

¹⁴ Ме видзӧдалі став уджсӧ, мый вӧчсьӧ шонді улас. Вӧлӧмакӧ, ставыс весьшӧрӧ, тӧв бӧрся вӧтлысьӧм кодь.

Еклесиаст 1:14 Referans Kwoze

Еклесиаст 2:11

Ме видзӧдлі став уджыс вылӧ, мый вӧчис менам киӧй. Вӧлӧмакӧ, ставыс весьшӧрӧ, тӧв бӧрся вӧтлысьӧм кодь, и шонді улас таысь нинӧм бурыс абу.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 2:17

Ме мустӧмті олӧмӧс, ӧд меным зывӧк лои ставыс, мый вӧчсьӧ шонді улас. Ставыс весьшӧрӧ, тӧв бӧрся вӧтлысьӧм кодь.

Еклесиаст 6:9

Абутӧмсӧ кӧсйӧм дорысь бурджык сійӧ, мый эм син водзад. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 4:4

Нӧшта ме аддзи, мый быдпӧлӧс удж да быд зільӧм-вермӧм чужтӧ йӧз костын вежалӧм. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 4:16

Лыдтӧм-тшӧттӧм йӧз сувтіс выль ӧксы дор, но сы бӧрын олысьяс бурӧн эз казьтывны сійӧс. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 8:16

Ме зіли тӧдмавны мывкыдлун да туявны мортлысь уджсӧ, мый сійӧ лун и вой вӧчӧ му вылас синсӧ куньлытӧг.

Еклесиаст 3:19

Ӧд мортӧс и пемӧсӧс виччысьӧ ӧти и сійӧ жӧ: ӧтиыс кулӧ, и мӧдыс кулӧ. Ӧтиыс и мӧдыс ловъя дырйиыс лолалӧны, та вӧсна мортыс абу бурджык пемӧсысь – сідзкӧ, ставыс весьшӧрӧ.

Еклесиаст 4:6

Мырсьӧмӧн да тӧв бӧрся вӧтлысьӧмӧн кык китыр чукӧртӧм дорысь бурджык лӧнь сьӧлӧмӧн ӧти китыр чукӧртны.

Еклесиаст 12:8

Весьшӧрӧ, – шуис еклесиаст, – ставыс весьшӧрӧ.