Еклесиаст 1:13 - Коми Библия 2023

¹³ Ме став олӧмӧс пукті, медым мывкыдлун отсӧгӧн тӧдмавны-туявны ставсӧ, мый вӧчсьӧ енэж улас. Тайӧ сьӧкыд могсӧ Ен сетӧма мортлы.

Еклесиаст 1:13 Referans Kwoze

Еклесиаст 3:10

Ме аддзылі мырсьӧм-уджалӧм, мый Енмыс сетӧма вӧчны мортыслы.

Олӧм 3:19

Пӧсь петтӧдзыд пондан уджавны няньыд вӧсна. Сэсся бӧр бергӧдчан муӧ, кытысь босьтӧма тэнӧ. Муысь вӧчӧма тэнӧ, муӧ бӧр и бергӧдчан».

Еклесиаст 1:17

Ме шуи тӧдмавны, мый сійӧ мывкыдлуныс, вежӧртӧмлуныс да йӧйлуныс. Но гӧгӧрвои, мый тайӧ тӧв бӧрся вӧтлысьӧм кодь.

1 Тимофейлы 4:15

Тӧждысь та вӧсна, ставсӧ вӧч сьӧлӧмсяньыд, сэки быдӧн аддзас тэнсьыд вермӧмтӧ.

Еклесиаст 12:12

Пиӧй, медводз кут тӧд вылад, мый небӧгъяс лӧсьӧдӧмлы помыс абу, унатор туялӧмыд вир-яйтӧ мудзтӧдӧ.

Еклесиаст 7:25

Ме став сьӧлӧмӧс пукті, медым туявны-тӧдмавны да корсьны мывкыдлунсӧ да вежӧрлунсӧ. Ме гӧгӧрвои, мый лёк вӧчӧмыс петӧ вежӧртӧмлунсянь, мывкыдтӧм олӧмыс – йӧйлунсянь.

Еклесиаст 8:9

Тайӧс ставсӧ ме казялі, и зіли вежӧртны, мый вӧчсьӧ шонді улас сійӧ кадас, кор морт ыджыдалӧ мӧд морт вылын и вайӧ сылы лёк.

Еклесиаст 4:4

Нӧшта ме аддзи, мый быдпӧлӧс удж да быд зільӧм-вермӧм чужтӧ йӧз костын вежалӧм. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 2:23

Став сылӧн олӧмыс – шогсьӧм, сылӧн уджыс – мырсьӧм-пессьӧм, весиг войнас сьӧлӧмыс майшасьӧ. И тайӧ, вӧлӧмакӧ, весьшӧрӧ.

Шусьӧгъяс 23:26

Пиӧй, сьӧлӧмтӧ сет меным, ветлы менам туйӧд.

Шусьӧгъяс 18:15

Мортыд ловнас кор вына, вермытӧмсӧ вермӧ, а нюкыртчӧм ловнад коді вермас овны?

Шусьӧгъяс 18:1

Асныра мортыд сӧмын асьсӧ тӧдӧ, сійӧ бур велӧдӧмлы паныд сувтӧ.

Шусьӧгъяс 4:7

Олӧмас медся коланаыс – мывкыдлун, корсь сійӧс, ставсӧ сет, медым вежӧрсявны.

Псалтыр 111:2

Сысянь чужысьяс лоӧны вынаӧсь асланыс муас, веськыда олысьяслысь рӧдсӧ лоӧ бурсиӧма.

Иов 28:3

Морт вермӧ пемыдсӧ, лэччӧ медся джуджыдінӧ, сэні сап пемыдас сійӧ корсьӧ из.

Еклесиаст 3:11

Ставсӧ Енмыс вӧчӧма ас кадӧ мичаӧн, и морт сьӧлӧмӧ Сійӧ пуктӧма помтӧм олӧм, но помӧдзыс Енмыслысь уджъяссӧ морт оз вермы вежӧртны.

Еклесиаст 4:8

ӧтка мортлӧн некод абу, пиыс ни вокыс абу. Сійӧ мырсьӧ-уджалӧ, но озырлуныс сылысь сьӧлӧмсӧ оз гажӧд. «Кодлы ме уджала? – мӧвпалӧ сійӧ. – Мыйла ме ачымӧс гажӧдчӧмысь кута?» И тайӧ, вӧлӧмакӧ, весьшӧрӧ да абу буртор.

Еклесиаст 11:5

Тэ он вермы тӧдны тӧврулысь шлывъялӧмсӧ да мам кынӧмын кагалысь лы артмӧмсӧ, тадзи жӧ тэ он вермы тӧдны Енлысь уджъяссӧ – Сылысь, коді вӧчӧ ставсӧ.

Шусьӧгъяс 25:2

Ошкӧм Енлы, коді гусяторсӧ дзебӧ, ошкӧм ӧксылы, коді гусяторсӧ тӧдмалӧ.