Ефесӧ 5:3 - Коми Библия 2023

³ Ті – вежа войтыр. Сідзкӧ, некутшӧм кырсалӧм, пеж оласног да горшасьӧм мед эз вӧв тіян пӧвстын. Весиг энӧ сёрнитӧй та йылысь!

Ефесӧ 5:3 Referans Kwoze

Колосӧ 3:5

Та вӧсна бырӧдӧй ас пытшсьыныд мувывсасӧ: кырсалӧм, пеж оласног, лёкколӧм, лёк вылӧ ыштӧм да горшасьӧм. Горшасьӧмыс лоӧ сійӧ жӧ мый идоллы юрбитӧм.

Ефесӧ 5:5

Тӧдӧй, мый Кристослӧн да Енлӧн Юраланіныс оз вичмы ни ӧти кырсалысьлы, пеж оласногалы да горшасьысьлы, коді копрасьӧ озырлунлы Енмыслы пыдди.

1 Фессалоникаӧ 4:3

Енмыс кӧсйӧ, медым ті вӧлінныд вежаӧсь да видзинныд асьнытӧ кырсалӧмысь.

1 Коринфӧ 6:18

Сідзкӧ, энӧ кырсалӧй! Мукӧд мыжсӧ мортыд оз аслас вир-яйлы паныд вӧч, а кырсалысь аслас вир-яйлы паныд мыж вӧчӧ.

1 Фессалоникаӧ 4:7

Енмыс корис миянӧс овны вежа оласногӧн, а эз пеж оласногӧн.

1 Коринфӧ 6:13

Сёяныд – кынӧмлы, а кынӧмыд – сёянлы. Но Енмыс бырӧдас ӧтисӧ и мӧдсӧ. Вир-яйыд абу кырсалӧм вылӧ, сійӧ – Господьлы, а Господь – вир-яйлы.

Ефесӧ 5:12

Налӧн гуся уджъяс йылысь ӧд яндзим весиг висьтавнысӧ.

Матвей 15:19

Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.

Восьтӧм 2:21

Ме сеті сылы кад бергӧдчыны кырсалӧмсьыс, но сійӧ эз бергӧдчы.

1 Коринфӧ 10:8

Энӧ кырсалӧй, кыдзи вӧчисны кодсюрӧ миян батьяс пӧвстысь. Сэки ӧти лунӧ куліс на пиысь кызь куим сюрс морт.

Восьтӧм 22:15

А понъяс, тшыкӧдчысьяс, кырсалысьяс, морт виысьяс, идоллы юрбитысьяс, ылӧгсӧ радейтысьяс да пӧръясьысьяс колясны кар ортсыас.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Восьтӧм 2:14

Но Менам эм мыйсюрӧ тэныд паныд: тіян пӧвстын эмӧсь найӧ, кодъяс кутчысьӧны Валаамлӧн велӧдӧмӧ. Сійӧ велӧдіс Валакӧс кежӧдны Израиль войтырӧс ылӧгас, медым найӧ сёйисны идоллы вайӧм сёян да кырсалісны.

1 Коринфӧ 5:1

Ме кывлі, ӧткымынӧн пӧ тіян пӧвстысь кырсалӧны, и сідзи, мый татшӧмыс оз овлы весиг ентӧдтӧмъяс пӧвстын. Кодкӧ пӧ тіян пиысь узьлӧ весиг батьыслӧн гӧтырыскӧд.

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

Петӧм 20:17

Эн ышты матыссаыдлӧн керкаыс да гӧтырыс вылӧ, [муыс вылӧ,] кесйӧгыс да кесйӧг аньыс вылӧ, ӧшкыс да осёлыс вылӧ [сылӧн ыж-мӧскыс вылӧ]. Эн ышты нинӧм вылӧ, мый сылӧн эм».

Восьтӧм 9:21

Найӧ эз бергӧдчыны морт виӧмысь, тшыкӧдчӧмысь, кырсалӧмысь да гусясьӧмысь.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

Еврейяслы 12:16

Тіян пӧвстын мед оз ло ни ӧти кырсалысь да Исав моз Енсьыс кежысь. Тасьті шыд вылӧ сійӧ вежис ассьыс медводдза чужысь нимсӧ.

2 Коринфӧ 12:21

Ме ог кӧсйы, медым тіянӧ выльысь локтігӧн Енмыс янӧдіс менӧ тіян понда. Сэки меным ковмас бӧрдны уна мыж вӧчысь вӧсна, кодъяс ӧнӧдз на эз бергӧдчыны пеж вӧчӧмысь, кырсалӧмысь да лэдзчысьӧм оласногысь.

Титлы 2:3

Олӧма аньяс мед оласны вежавидзӧмӧн, оз суклясьны, вина оз юны, туйдӧдасны томджыкъясӧс бурас,

2 Тимофейлы 3:2

Йӧзыс пондасны радейтны сӧмын асьнысӧ, ыштыны сьӧм вылӧ, пондасны ошйысьны, асьнысӧ вылӧ пуктыны, Енсӧ омӧльтны, бать-мамсӧ оз кутны кывзыны. Найӧ ӧдйӧ вунӧдӧны бурсӧ, эскытӧмӧсь,

Ап. уджъяс 15:20

Сӧмын колӧ гижны налы, медым видзасны асьнысӧ идоллы вайӧм пеж сёянысь, кырсалӧмысь, джагалӧм пемӧс яй сёйӧмысь да вир юӧмысь, нӧшта, мед оз вӧчны мукӧдыслы сійӧ, мый оз кӧсйыны аслыныс.

Петӧм 18:21

Бӧрйы войтыр пӧвстысь тӧлка йӧзӧс, кодъяс полӧны Енмысь. Найӧ мед вӧліны веськыдӧсь, эз горшасьны. Пукты ӧтиясӧс веськӧдлыны сюрс мортӧн, мӧдъясӧс – сё мортӧн, коймӧдъясӧс – ветымын мортӧн, нёльӧдъясӧс – дас мортӧн. [Пукты тшӧтш гижӧдӧ велӧдысьясӧс.]

2 Петыр 2:14

Налӧн синныс пыр ӧзъялӧ нывбабаяс вылӧ, найӧ оз пӧтлыны мыжсӧ вӧчӧмсьыс, ылӧдлӧны жеб эскысьясӧс. Сьӧлӧмныс налӧн тырӧма горшлунӧн, найӧ ёрӧмыслӧн пиян.

2 Петыр 2:10

Торъя нин тайӧ инмӧ вир-яйлӧн лёк кӧсйӧмнас пежасьӧмаяслы да Енлысь Юралӧмсӧ мустӧмтысьяслы. Найӧ яндысьтӧмӧсь, асныраӧсь да оз повны лёкӧдны енэжвывса юралысь-веськӧдлысьясӧс.

1 Петыр 5:2

видзӧй тіянлы сетӧм Енлысь йӧз чукӧрсӧ. Тӧждысьӧй на вӧсна нимкодьпырысь да Енлы шогмана ногӧн, энӧ мырдӧнпырысь. Вӧчӧй тайӧс сьӧлӧмсяньныд, а энӧ аслыныд мыйкӧ куралӧм могысь.

Титлы 1:11

Татшӧмъясыслысь колӧ тупкыны вомсӧ. Яндысьтӧм горшлунныс вӧсна найӧ асланыс велӧдӧмӧн шӧйӧвоштӧны дзонь керкаяс, мыйӧ оз ков велӧдӧны.

Титлы 1:7

Вичкоса веськӧдлысьӧн вермӧ лоны сӧмын бур оласнога морт, ӧд сылы сетӧма вӧчны Енлысь удж. Мед сійӧ эз вӧв асныра, эз вӧв дӧзмысь, эз ю, эз усьлась мукӧд вылӧ, аслыс эз курав,

1 Тимофейлы 3:3

оз ю, оз тышкась, аслыс оз курав, рам сьӧлӧма, оз пинясь, сьӧм вылӧ оз горшась,

1 Тимофейлы 2:10

Найӧ мед мичмӧдасны асьнысӧ бур уджъясӧн. Тадзи колӧ вӧчны Енмысь полысь-вежавидзысь аньяслы.

Филипӧ 1:27

Сӧмын олӧй шогмана ногӧн, Кристослӧн Евангелльӧыс серти. Ме ог тӧд, верма-ӧ локны тіян дінӧ али ог вермы, аддза-ӧ тіянӧс али ог аддзы, но кӧсъя кывны, мый ті оланныд ӧти лолӧн да ӧтвылысь тышкасянныд Бур Юӧрӧ эскӧм вӧснаныд.

Римӧ 16:2

Сибӧдӧй сійӧс Господь нимсянь, кыдзи лӧсялӧ вежа войтырлы. Быд ногыс отсалӧй сылы, кор ковмас сылы отсӧг. Ачыс ӧд сійӧ уналы отсаліс, тшӧтш меным.

Римӧ 6:13

Вир-яйныдлысь весиг ӧти юкӧн энӧ сетӧй мыжыслы лёксӧ вӧчӧм вылӧ. Ӧні ті – кулӧмысь ловзьӧмаяс. Сідзкӧ, сетӧй асьнытӧ да вир-яйныдлысь быд юкӧн Енмыслы, мед вӧчны веськыд уджъяс.

Римӧ 1:29

Найӧ тырӧмаӧсь быдпӧлӧс ылӧгнас да лёкнас. Кырсалӧны, горшасьӧны, лӧгалӧны, вежалӧны, виӧны, вензьӧны, пӧръясьӧны да лёксьӧны.

Ап. уджъяс 20:33

Ме некодсянь эг виччысь эзысь-зарни либӧ кӧм-пась.

Лука 16:14

Тайӧс кывлісны фарисейяс. Найӧ сералісны Исусӧс, ӧд налы вӧлі муса озырлуныс.

Микей 2:2

Ковмас кӧ налы му – мырддясны, ковмас кӧ керка – босьтасны. Найӧ дзескӧдӧны мортӧс да сылысь гортсаяссӧ, куштӧны керка-овмӧссӧ.

Еремей 22:17

Но тэнад синмыд да сьӧлӧмыд видзӧдӧны горшасьны, кӧсйӧны мыжтӧм мортлысь вир кисьтны, дзескӧдны да нартитны.

Еремей 8:10

Та вӧсна налысь гӧтырнысӧ Ме сета мукӧдлы, налысь видз-мунысӧ – выль кӧзяинъяслы, ӧд ичӧтсянь гырысьӧдз ставныс найӧ ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Еремей 6:13

Ичӧтсянь гырысьӧдз – ставныс ылӧдлӧмӧн озырмӧдчӧны, пророкъяс и попъяс – ставныс пӧръясьӧны.

Шусьӧгъяс 28:16

Вежӧртӧм юралысь дзескӧдӧ войтырсӧ, а коді оз горшась, сылӧн нэмыс кузь.

Псалтыр 10:3

Кор жугӧдӧма подувсӧ, мый вермас вӧчны веськыда олысь?

Ӧксыяслӧн 1 небӧг 8:3

Найӧ эз ветлыны батьыслӧн туйӧд да эз веськыда мыждыны йӧзсӧ, а сетчисны горшасьӧмӧ да босьтісны козинъяс.

Нав Исус 7:21

Тышын шедӧдӧмтор пӧвстысь ме аддзи сеннарсаяслысь мича паськӧм, кыксё сикель мында эзысь да зарни ёкмыль, мый сьӧктанас вӧлі ветымын сикель. Ме ышті та вылӧ, босьті да дзеби чом улӧ, муас. Эзысьсӧ пыдӧджык дзебӧма».

Лыд 25:1

Ситтим ковтысын олігӧн израильсаяс кутісны кырсавны моавса нывъяскӧд.

Петӧм 23:13

Кутчысьӧй став Менам тшӧктӧмӧ. Мукӧд енъяслысь нимъяссӧ энӧ казьтывлӧй, налӧн нимыс мед оз пет тіян вомысь».

1 Тимофейлы 6:10

Став лёкыс заводитчӧ сьӧм радейтӧмсянь. Сьӧм бӧрся вӧтлысигӧн кодсюрӧ кежисны эскӧмысь да кӧлалісны ас выланыс уна шог.

Лука 12:15

Сэсся шуис ставныслы: «Видзчысьӧй горшасьӧмысь, ӧд мортыдлӧн олӧмыс абу сылӧн ыджыд озырлун сайын».

Левит 15:18

Айловлӧн кӧ петас кӧйдысыс, кор узьлӧ анькӧд, налы кыкнанныслы колӧ мыссьыны. Рытӧдзыс найӧ лоӧны пежӧсь.