Ефесӧ 5:18 - Коми Библия 2023

¹⁸ Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

Ефесӧ 5:18 Referans Kwoze

Шусьӧгъяс 20:1

Винаыд дурмӧдӧ, сурыд тышкасьны ыззьӧдӧ, мывкыдтӧм сійӧ, кодӧс юӧмыс ылӧдлӧ.

Римӧ 13:13

Лунъюгыдын моз пондам овны бур ногӧн. Огӧ сетчӧй гажӧдчӧмӧ да кодалӧмӧ, гозъякост олӧм пежалӧмӧ да лэдзчысьӧм оласногӧ, вензьӧмӧ да вежалӧмӧ.

Лука 1:15

Господь водзын сійӧ лоас ыджыд мортӧн, вина-сур оз кут юны, мам кынӧмас на сійӧ тырас Вежа Лолӧн.

Исай 5:22

Курыд шог налы, кодъяс збойӧсь вина юны, повтӧмӧсь сур дасьтыны.

1 Коринфӧ 5:11

Но ме сёрнита сэтшӧм морт йылысь, коді шуӧ асьсӧ эскысьӧн, но ачыс кырсалӧ, горшасьӧ, суклясьӧ, гусясьӧ, кодалӧ да идоллы юрбитӧ – татшӧмыскӧд энӧ кутӧй некутшӧм йитӧд. Весиг энӧ сёйӧй сыкӧд ӧтлаын!

Ап. уджъяс 11:24

Варнава вӧлі бур морт, тырӧма Вежа Лолӧн. Сылӧн вӧлі зумыд эскӧм. Унаӧн сэки бергӧдчисны Господь дінӧ.

1 Фессалоникаӧ 5:7

Ӧд узьысьяс войнас узьӧны, юысьяс войнас кодалӧны.

Лука 12:45

Но кесйӧгыс вермас мӧвпыштны: ”Ыджыдӧй дыр на оз лок”. Сійӧ пондас нӧйтны мукӧд кесйӧгъясӧс, сёйны-юны да кодавны.

Лука 11:13

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд сетас Вежа Ловсӧ Сылысь корысьяслы».

1 Коринфӧ 6:10

гусясьысьлы, горшасьысьлы, кодалысьлы, суклясьысьлы да мырддялысьлы – татшӧм йӧзыслы оз вичмы Енлӧн Юраланіныс.

Титлы 1:6

Юрнуӧдысь мед вӧлі бур оласнога, ӧти гӧтыра, ныв-пиыс мед эскисны, быдторйын кывзысисны да лэдзчысьӧмӧн эз овны, на йылысь мед эз кыв лёк сёрни.

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

Исай 55:1

Кывзӧй, кодлӧн горшныд косьмӧ, локтӧй ставныд ва дінӧ! Весиг ті, кодлӧн абу сьӧмныд, локтӧй, босьтӧй да сёйӧй! Сьӧмтӧг да дон мынтытӧг босьтӧй вина да йӧв.

Индӧд 21:20

да шуасны: ”Миян пиным асныралӧ, этшсӧ оз тӧд да миянлысь оз кывзысь. Сӧмын сёйӧ-юӧ да кодалӧ”.

1 Коринфӧ 11:21

ӧд быдӧн тіян пиысь тэрмасьӧ сёйны ассьыс сёянсӧ. Тадзи кодкӧ тшыгйӧн кольӧ, а кодкӧ коддзӧма нин.

Сьылан 1:4

Ерусалимса нывъяс! Менам кучикӧй кедарсаяслӧн чом кодь мугов, но ме Соломонлӧн дӧраыс кодь мича.

Олӧм 9:21

Ӧтчыд сійӧ вина юӧм бӧрас коддзис да пасьтӧгыс куйліс аслас чомйын.

Матвей 23:25

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті тасьті-дозмуклысь ортсысӧ весаланныд, а пытшкӧсыс гусясьӧмӧн да ылӧдчӧмӧн тырӧма.

Исай 25:6

Тайӧ керӧс вылас Господь Саваоф дасьтас став войтыръяслы пызан, кӧні лоӧ чӧскыд сёян да медбур вина, пӧтӧса яя вӧлӧга да чӧскыд вина.

Матвей 24:49

Сійӧ пондас нӧйтны уджъёртъяссӧ да сёйны-юны кодалысьяскӧд.

Сьылан 7:9

Ме мӧвпышті: кавшася тайӧ пальма вылас, кутчыся сылӧн вотӧса увъясӧ. Морӧсыд лоӧ меным виноград розйӧн, лолалӧмыд – яблӧг ӧвтӧмӧн,

Левит 10:9

«Вина-сур юӧм бӧрын энӧ пырӧй вежа чомйӧ [да энӧ матыстчӧй висьпуктанін дорӧ], медым энӧ кулӧй. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Иоан 2:10

да шуис сылы: «Ставныс медводз бур винанас юктасьӧны, сэсся йӧз коддзӧм бӧрас лёкджыкнас. А тэ ӧнӧдз бур винасӧ видзӧмыд».