Ефесӧ 5:16 - Коми Библия 2023

¹⁶ Энӧ коллялӧй каднытӧ весьшӧрӧ, ӧд тайӧ лунъясыс тырӧмаӧсь лёкнас.

Ефесӧ 5:16 Referans Kwoze

Колосӧ 4:5

Лоӧй мывкыдаӧсь эскытӧмъяскӧд, энӧ коллялӧй каднытӧ весьшӧрӧ.

Амос 5:13

Та вӧсна вежӧра морт татшӧм кадӧ чӧв олӧ, ӧд тайӧ лёк кад.

Иоан 12:35

Сэки Исус шуис налы: «Этшаник кад югыдыс лоас на тіянкӧд. Сідзкӧ, ветлӧй югыдыс дырйи, медым пемыдыс эз пӧдты тіянӧс. Пемыдас ветлысь оз тӧд, кытчӧ мунӧ.

Ефесӧ 6:13

Та вӧсна босьтӧй Енсянь став вермасянторсӧ, медым тышкасиганыд верминныд водзсасьны лёкыслы паныд да петны вермысьясӧн.

Галатӧ 6:10

Эм кӧ на позянлун, вӧчамӧй бурсӧ быдӧнлы, торъя нин эскысь чой-воклы.

Еклесиаст 12:1

Эн вунӧд ассьыд Вӧчысьтӧ том каднад, ӧд кор воасны сьӧкыд лунъяс да вояс, сэки сьӧлӧмтӧ нинӧм оз кут гажӧдны.

Римӧ 13:11

Тадзи вӧчӧй, ті ӧд тӧданныд, мый воис нин кад садьмыны миянлы. Мездмӧмыс ӧні ёна нин матын сэкъя дорысь, кор ми сӧмын на пондім эскыны.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Галатӧ 1:4

Ен Батьнымлӧн кӧсйӧмыс серти Кристос сетіс Асьсӧ миян мыжъяс вӧсна, медым мездыны миянӧс лёкнас тырӧм муюгыдсьыс.

1 Коринфӧ 7:26

Ме чайта, тайӧ сьӧкыд кадас мортлы бурджык ӧткӧн кольччыны.

Псалтыр 37:19

Ме висьтася аслам мыж вӧчӧмысь, шогся мыжӧй вӧсна.

Ефесӧ 6:15

Тіян кӧмкотӧн мед лоӧ дасьлун висьтавлыны лӧньлун йылысь Бур Юӧрсӧ.

Еклесиаст 11:2

Юк озырлунтӧ сизим либӧ кӧкъямыс пельӧ, он ӧд тӧд, кутшӧм сьӧкыд кад пуксяс му вылас.

Олӧм 29:7

Яков шуис: «Водз на вайӧдны ыжъястӧ. Юкталӧй да йирсьӧдӧй на».

Даниил 2:8

Ӧксы вочавидзис налы: «Ме тӧда, мый ті нюжӧданныд кадсӧ, ӧд ті тӧданныд менсьым шуӧмӧс.

Матвей 25:17

Тадзи вӧчас тшӧтш мӧдыс да содтӧд босьтас кык талант.