Ефесӧ 4:3 - Коми Библия 2023

³ Зільӧй видзны Ловсянь сетӧм ӧтувъялуннытӧ да тіянӧс йитысь лӧньлуннытӧ.

Ефесӧ 4:3 Referans Kwoze

1 Коринфӧ 1:10

Вокъяс, кора тіянӧс миян Господь Исус Кристос нимӧн: ас костаныд энӧ юксьӧй, олӧй ӧти мӧвпъясӧн, ӧти видзӧдласӧн да ӧти могӧн.

Еврейяслы 12:14

Тӧждысьӧй быдӧнкӧд овны лӧня, лоӧй вежаӧсь, ӧд вежалунтӧг некод оз аддзы Господьӧс.

Иоан 13:34

Выль тшӧктӧм сета тіянлы: радейтӧй ӧта-мӧднытӧ! Кыдзи Ме радейта тіянӧс, сідзи ті радейтӧй ӧта-мӧднытӧ.

2 Коринфӧ 13:11

Вокъяс, нӧшта висьтала тіянлы: нимкодясьӧй, вежсьӧй бурланьыс, сибӧдӧй меньсьым ышӧдана кывъясӧс, олӧй лӧня да ӧти сьӧлӧмӧн. Сэки муслунсӧ да лӧньлунсӧ сетысь Ен лоас тіянкӧд.

1 Фессалоникаӧ 5:13

Вылӧ пуктӧй татшӧм йӧзсӧ, радейтӧй найӧс налӧн уджысь. Ас костаныд олӧй лӧня.

Ефесӧ 4:4

Вир-яйыс ӧти, Лолыс ӧти, лачаыс, кытчӧ тіянӧс корӧма, тшӧтш ӧти.

Ефесӧ 4:13

Сэки ми ставным воам эскӧмас ӧтувъялунӧ, кутам тӧдны Ен Пиӧс да быдмыны, воӧдчам Кристослӧн тыр арлыдӧдз да Сылӧн тырвыйӧлунӧдз.

Петӧм 28:32

Ризасӧ мед пасьталасны юр вывсянь. Сылысь сьылігӧгӧрсӧ вур тышкайӧз паськӧм моз, медым оз резьды.

Ӧксыяслӧн 3 небӧг 16:21

Тайӧ лоӧмторъясыс бӧрын Израиль войтыр юксис кык пельӧ: ӧтияс кӧсйисны пуктыны ӧксыӧ Гинатлысь Тивни писӧ, а мӧдъяс – Омриӧс.

Еклесиаст 4:12

Ӧтитӧ вермыны кокньыд, а кыкнад оз сетчыны. Куимпӧвста сунистӧ сьӧкыд орӧдны.

Марк 3:24

Ас муын олысьяс кӧ ас костаныс тышкасьӧны, сэні олӧмыс киссяс.