18 вежӧрныс пемдӧма, найӧ ылынӧсь Ен нога олӧмсьыс, ӧд налӧн чорзьӧма сьӧлӧмныс, да Енсӧ найӧ оз тӧдны.
Чорзьӧма тайӧ войтырыслӧн сьӧлӧмныс, найӧ сьӧкыд пеляӧсь, куньса синмаӧсь. Аддзынысӧ оз зільны, кывзынысӧ оз кӧсйыны, сьӧлӧмнаныс оз гӧгӧрвоны. Мелань бергӧдчынысӧ оз кӧсйыны, медым Ме бурдӧді найӧс.
Сэки ті олінныд Кристостӧг, энӧ вӧлӧй Израиль войтырӧн. Енма-тіа костын йитӧдыс эз вӧв, тіянлы эз вичмыв Сылӧн кӧсйысьӧмыс, ті олінныд тайӧ муюгыдас Енсӧ тӧдтӧг да лачатӧг.
– Енмыс тупкис налысь синнысӧ, чорзьӧдіс налысь сьӧлӧмнысӧ, медым эз аддзыны синнаныс, эз гӧгӧрвоны сьӧлӧмнаныс да эз бергӧдчыны Мелань, медым Ме бурдӧді найӧс.
медым ентӧдтӧмъяс моз некод оз сетчы ыпъялан лёкколӧмас, ӧд Енсӧ найӧ оз тӧдны.
Гозъякост олӧм пежалысьяс, ті ӧмӧй онӧ тӧдӧй, мый мувывсакӧд ӧтувтчысь Енлы паныд сувтӧ? Сідзкӧ, коді кӧсйӧ ӧтувтчыны мувывсакӧд, сійӧ Енлы паныд сувтӧ.
Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.
Коркӧ ті вӧлінныд Енмыслы паныд сувтысьяс, лёк вӧчӧмныд вӧсна Сыысь ылынӧсь.
Воксӧ мустӧмтысь ветлӧ пемыдас, сійӧ оз тӧд, кытчӧ мунӧ, ӧд пемыдыс тупкӧма сылысь синсӧ.
Кор ті энӧ на тӧдӧй Енсӧ, вӧлінныд мукӧд енъяслӧн кипод улынӧсь. Збыльвылас, найӧ абу енъяс.
Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.
Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.
Енмыс дыр кад чӧж терпитіс йӧзлысь гӧгӧрвотӧмлунсӧ. Ӧні Сійӧ тшӧктӧ быдлаын да быдӧнлы бергӧдчыны мыжъяссьыс.
Енмыс Ассьыс мывкыдлунсӧ петкӧдліс мувывса йӧзлы, но йӧзыс асланыс мывкыдлунӧн Енсӧ эз гӧгӧрвоны. Сэки Енмыс мӧвпыштіс мездыны найӧс, кодъяс эскӧны миян висьталӧмлы. Тайӧ висьталӧмсӧ йӧзыс шуӧны йӧйталӧмӧн.
Индӧдас гижӧм збыльсӧ тӧдӧмнад тэ лыддян асьтӧ синтӧмъясӧс нуӧдысьӧн, пемыдас олысьяслы югыдӧн, вежӧртӧмъясӧс туйдӧдысьӧн да гӧгӧрвотӧмъясӧс велӧдысьӧн.
Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.
Но ачыс сійӧ вылӧ кыпӧдчис, чорзьӧдіс сьӧлӧмсӧ да пондіс этш тӧдтӧг ышнясьны, и сійӧс вӧлі шыбитӧма ӧксылӧн юралан пуклӧсысь, сійӧ воштіс ассьыс нималӧмсӧ.
Налӧн пемдӧма вежӧрныс. Важ Йитӧд йылысь Гижӧдсӧ лыддигӧн на вылын ӧнӧдз куйлӧ тайӧ вевттьӧдыс, ӧд сійӧс вештӧ сӧмын Кристос.
Тайӧ керӧс вылас Сійӧ кульыштас став войтыръяс вылысь вевттьӧдсӧ, быд чужанкотыр вылысь тупкӧдсӧ.
Вокъяс, ме тӧда, ті асланыд юралысьяс моз вӧчинныд тайӧс гӧгӧрвотӧг.
Сідзкӧ, мый артмӧ? Израиль эз аддзы, мый корсис, сӧмын бӧрйӧмаяс аддзисны. Мукӧдыс чорзьӧдчисны,
Тайӧ муюгыдас юралысьяс пӧвстысь некод эз тӧд Енлысь мывкыдлунсӧ. Тӧдісны кӧ, найӧ эськӧ эз тувъявны дзирдлуна Господьӧс.
Енмыс ловзьӧдіс тіянӧс, мыжъясныд да лёк вӧчӧмныд вӧсна кулӧмаясӧс.
Татшӧм аркирейыс вермӧ гӧгӧрвоны мывкыдтӧмъясӧс да ылалӧмаясӧс, ӧд ачыс сійӧ на кодь жӧ вынтӧм.
Мӧд вежӧсас сӧмын ӧтчыдысь вонас пырліс аркирей. Аскӧдыс сійӧ вайліс вир аслас мыжъяс вӧсна да йӧзлӧн тӧдтӧг вӧчӧм мыжъяс вӧсна.
Лоӧй кывзысьысь челядь кодьӧн. Збыльсӧ тӧдтӧдз ті олінныд лёк кӧсйӧмъясныд серти, но ӧні энӧ лэдзӧй налы ыджыдавны тіян пытшкын.
страусӧс, сюзьӧс да каляӧс,
Израиль войтыр мед сьӧлӧмнас гӧгӧрвоас, мый идолъяс вӧснаыс найӧ ставныс ылыстчисны Меысь.