Ефесӧ 4:14 - Коми Библия 2023

¹⁴ Сідзкӧ, миянлы оз нин ков ылавны кагаяс моз быдпӧлӧс тӧвйыв велӧдӧмӧ. Ӧд татшӧм велӧдӧмыс петӧ наян да ылӧдчысь йӧзсянь.

Ефесӧ 4:14 Referans Kwoze

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

1 Коринфӧ 14:20

Вокъяс, энӧ мӧвпалӧй челядь моз, мӧвпалӧй верстьӧ моз. Но лёксӧ вӧчны лоӧй кага кодьӧсь.

1 Иоан 4:1

Мусаясӧй, энӧ эскӧй быд ловлы, тӧдмалӧй, Енсянь-ӧ сійӧ. Ӧд ӧні муюгыдас уна ылӧгпророкыс.

2 Коринфӧ 2:17

Мукӧдыс моз ми огӧ висьтавлӧй Енлысь кывсӧ дон вылӧ. Ми висьтавлам сійӧс Ен водзын веськыда, ӧд ми – Кристослӧн кесъялысьяс да Енсянь мӧдӧдӧмаяс.

Яков 1:6

Сӧмын корӧй эскӧмӧн да майшасьтӧг. Ӧд майшасьысь морт тӧвнырӧн кыпӧдан-новлӧдлан саридзвывса гы кодь.

Ефесӧ 6:11

Пасьталӧй Енсянь став вермасянторсӧ, медым верминныд сувтны омӧльыслӧн наяна лёк вӧчӧмъяслы паныд.

Матвей 24:24

Ӧд ылӧгкристосъяс да ылӧгпророкъяс локтасны да пондасны вӧчны ыджыд шензьӧданаторъяс, медым ылӧдны, позяс кӧ, весиг бӧрйӧмаясӧс.

2 Тимофейлы 4:3

Ӧд воас кад, кор веськыд велӧдӧмсӧ оз пондыны кывзыны. Йӧзыс ас лёк кӧсйӧм сертиныс бӧръясны велӧдысьясӧс да пондасны кывзыны найӧс.

Иуда 1:12

Кор ті мусапырысь чукӧртчанныд ӧтвыв сёйны, татшӧм йӧзыс яндысьтӧг тшӧгӧдӧны асьнысӧ да лоӧны тіянлы крукӧдӧн. Найӧ – тӧвнырӧн новлӧдлан ватӧм кымӧръяс, вотӧс вайтӧм арся пуяс, вужнас нетшыштӧмаяс, кык пӧв кулӧмаяс.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

Галатӧ 3:1

Ті, галатса эскысьяс, дзикӧдз вежӧртӧ воштӧмныд! Коді тіянлысь синнытӧ пӧртіс, мый энӧ кывзысьӧй збыльыслысь? Ӧд тіян син водзын, позьӧ шуны, вӧлі тувъялӧма Исус Кристосӧс.

Матвей 24:11

Уна ылӧгпророк локтас, унаӧс найӧ ылӧдасны.

1 Иоан 2:26

Вылынджык ме гижи тіянӧс ылӧдысьяс йылысь.

2 Тимофейлы 3:13

А лёк да пӧръясьысь йӧзлӧн лёк вӧчӧмыс кутас содны. Найӧ унаӧс ылӧдасны, асьныс тшӧтш ылаласны.

Исай 28:9

Найӧ шуӧны ме йылысь: «Кодӧс сійӧ вермас вежӧрсьӧдны? Кодӧс сійӧ вермас туйдӧдны юӧртӧмнас? Сӧмын найӧс, кодъяс неважӧн на нёнясисны, кодъясӧс сӧмын на торйӧдӧма мам морӧс бердысь, а мукӧдсӧ – оз вермы.

2 Коринфӧ 4:2

Ми огӧ вӧчӧй гусясӧ да янӧданасӧ, огӧ ылӧдчӧй, Енлысь кывсӧ висьтавлам торкавтӧг. Ми восьсӧн висьталам збыльсӧ да быдӧнлы сетам донъявны асьнымӧс Ен водзын.

Матвей 11:7

Кор Иоанлӧн велӧдчысьясыс мунісны, Исус пондіс висьтавны йӧзыслы Иоан йылысь: «Мый видзӧдны ветлінныд овтӧминас? Тӧлӧн вӧрӧдан идзас-ӧ?

1 Коринфӧ 12:2

Кор ті вӧлінныд ентӧдтӧмъясӧн на, тіянӧс ёна кыскис сёрниттӧм идолъяс дінӧ. Ті асьныд тӧданныд та йылысь.

Ап. уджъяс 23:21

Но тэ найӧс эн кывзы. На чукӧрысь нелямын сайӧ морт кыйӧдӧмӧн лӧсьӧдчӧны вины Павелӧс. Найӧ кыв сетӧмаӧсь, мый оз кутны сёйны-юны, кытчӧдз оз вины сійӧс. Найӧ ӧні дасьӧсь нин, виччысьӧны сӧмын тэнсьыд шуӧмтӧ».

Микей 7:2

Му вылын бур сьӧлӧмаыс абу, абу веськыда олысьыс. Ставныс кыйӧдчӧны ӧта-мӧдныслысь вир кисьтны, быдӧн кӧсйӧ тывйыштны ассьыс воксӧ.

Псалтыр 59:3

Енмӧй, Тэ дӧзмин миян вылӧ, Тэ эновтін да пасьвартін миянӧс. Бӧр бергӧдчы миянлань!

1 Иоан 2:19

Найӧ петісны миян пӧвстысь, но найӧ эз вӧвны миянкӧд ӧтув. Вӧліны кӧ миянкӧд ӧтув, кольччисны эськӧ миянкӧд. Но налӧн петӧмыс висьталӧ, мый найӧ абу миянкӧд.

2 Петыр 2:18

Тшап да ковтӧм сёрнинаныс найӧ ӧзтӧны вир-яйлысь лёкколӧмсӧ да зільӧны кыскыны лэдзчысьӧм оласногӧ найӧс, кодъяс муртса на мынӧмаӧсь ылалӧм йӧзысь.

Яков 3:4

Босьтны кӧ корабльяс, найӧ сэтшӧм ыджыдӧсь, найӧс новлӧдлӧ ыджыд тӧвныр, но ичӧтик руль отсӧгӧн бӧжалысьыс веськӧдӧ корабльсӧ кытчӧ кӧсйӧ.

1 Тимофейлы 3:6

Вичкоса веськӧдлысьӧн оз вермы лоны морт, коді сӧмын на бергӧдчис Ен дінӧ. Ӧд сійӧ вермас вылӧ кыпӧдчыны да омӧльыс моз веськавны мыждӧм улӧ.

2 Тимофейлы 1:15

Тэ тӧдан, Асияын ставныс эновтісны менӧ, весиг Фигел Ермогенкӧд.

1 Коринфӧ 3:19

Ӧд Енмыс тайӧ му вылас олысьяслысь мывкыдлунсӧ лыддьӧ йӧйталӧмӧн. Гижӧма: «Енмыс тывйыштӧ мывкыдаясӧс асланыс наянлунӧ».