Ефесӧ 3:1 - Коми Библия 2023

¹ Та вӧсна ме, Павел, Исус Кристослӧн кесъялысь, пукала дзескыдінын тіян вӧсна, кодъяс мукӧд войтыръясысь.

Ефесӧ 3:1 Referans Kwoze

Колосӧ 1:24

Ӧні ме нимкодяся тіян вӧсна сьӧкыдалігӧн. Кристослӧн вир-яйыс вӧсна, Сылӧн вичкоыс вӧсна, аслам вир-яйын сьӧкыдсӧ нуигӧн ме тырта Кристос шогъяслысь лыдсӧ.

Ефесӧ 4:1

Ме, Господьлы кесъялӧм вӧсна дзескыдінын пукалысь, кора тіянӧс: олӧй сідзи, кыдзи колӧ овны Енлӧн корӧмаяслы.

2 Тимофейлы 1:8

Сідзкӧ, эн яндысь висьтавлыны Господьным йылысь. Эн яндысь и меысь, Кристос вӧсна дзескыдінӧ йӧртӧмаысь. Мӧдарӧ, Ен вынӧн тэ тшӧтш ну Бур Юӧр вӧсна сьӧкыдсӧ.

Ефесӧ 6:20

Енмыс мӧдӧдіс менӧ висьтавлыны Бур Юӧрсӧ, та понда ӧні ме дзескыдінын. Кевмысьӧй ме вӧсна, медым висьтавлі сійӧс повтӧг да колана ногӧн.

Филимонлы 1:9

но муслунӧй вӧсна шыася тэ дінӧ корӧмӧн. Ме, пӧрысь Павел, Исус Кристос вӧсна пукалысь,

Филипӧ 1:7

Дерт, меным тадзи и колӧ мӧвпавны тіян йылысь. Пукала-ӧ ме дзескыдінын, доръя-ӧ Бур Юӧрсӧ али висьтавла сійӧс эскӧдӧмӧн, ті ставныд менам сьӧлӧмынӧсь, ӧд тіянлы мекӧд ӧтвыв вичмис Енсянь бурсетӧмыс.

Филимонлы 1:1

Гижӧ Павел. Исус Кристос вӧсна ме пукала дзескыдінын. Тимофей воккӧд ми чолӧмалам муса Филимон уджъёртнымӧс.

Ап. уджъяс 23:18

Сёӧн веськӧдлысь вайӧдіс том мортӧс сюрсӧн веськӧдлысь дінӧ да шуис: «Миянын пукалысь Павел корис вайӧдны тайӧ том мортсӧ тэ дінӧ, сійӧ кӧсйӧ мыйкӧ висьтавны».

Лука 21:12

Но таӧдз пондасны вӧтлысьны тіян бӧрся да дзескӧдны тіянӧс, вайӧдасны синагогаясӧ мыждыны, йӧртасны дзескыдінӧ да Менам ним вӧсна нуӧдасны ӧксыяс да юралысьяс водзӧ.

Филимонлы 1:23

Чолӧм тэныд Епафрассянь, сійӧ мекӧд пукалӧ Исус Кристос вӧсна.

Ап. уджъяс 26:29

«Ӧдйӧ ли, ог ли, но кевма Енлы, мед тэ да ті ставныд, менӧ кывзысьяс, лоинныд ме кодьӧсь, сӧмын тайӧ чепъястӧгыс», – шуис Павел.

2 Тимофейлы 1:16

Господь мед лоас бур сьӧлӧма Ӧнисифорлӧн гортса дінӧ, ӧд сійӧ унаысь ышӧдліс менӧ да эз яндысьлы менам пукалӧмысь.

Колосӧ 4:18

Ме, Павел, аслам киӧн гижа тіянлы чолӧмӧс. Тӧд выланыд кутӧй менсьым дзескыдінын пукалӧмӧс. Енлӧн буралӧмыс ставныдкӧд тіянкӧд. Аминь.

Колосӧ 4:3

Кевмысьӧй тшӧтш миян вӧсна, Енмыс мед восьтас миянлы ӧдзӧсъяс висьтавны Кристос йылысь гусяторсӧ. Дзик та вӧсна ме и пукала дзескыдінын.

2 Коринфӧ 11:23

Кристослӧн кесъялысьяс? Гашкӧ, менӧ лыддянныд дзик йӧйӧн, но висьтала тіянлы: ме кесъялі Кристослы наысь ёнджыка на. Уджалі ныр вылӧ усьтӧдз, менӧ ёна нӧйтлісны, на дорысь унджыкысь вӧлі дзескыдінын, унаысь куланвыйын.

2 Коринфӧ 10:1

Ӧткымынӧн ме йылысь шуӧны, мый ме, Павел, на дінын рам, а кор ылын наысь, сэки ме чорыд накӧд. Но ме шыася тіян дінӧ Кристос бурлунӧн да мелілунӧн.

Ап. уджъяс 21:33

Веськӧдлысь матыстчис Павел дінӧ, сэсся тшӧктіс босьтны сійӧс да дорны чепъясӧн. Ачыс юасис, коді сійӧ да мый сійӧ вӧчис.

Восьтӧм 2:10

Некутшӧм локтана сьӧкыдысь эн пов. Ӧткымынӧс тіян пиысь омӧльыс йӧршитас дзескыдінӧ, медым тӧдмавны тіянӧс. Сэки дас лун чӧж ті кутанныд сьӧкыдавны. Но тэ помӧдзыс ло эскана, и Ме сета тэныд Олӧмыслысь юркытш!

Ефесӧ 3:13

Вокъяс, кора тіянӧс: энӧ ӧшӧдӧй юрнытӧ, кор ме сьӧкыдала тіян вӧсна, ӧд та пыр вичмӧ тіянлы ошкӧмыс.

Галатӧ 5:11

Вокъяс, ме кӧ ӧні важ мозыс на сулалі вундыштчӧм дор, менӧ нинӧмысь вӧлі вӧтлынысӧ. Сэки эськӧ крестыс некодлы эз ло мытшӧдӧн.

Галатӧ 5:2

Ме, Павел, шуа тіянлы: вундыштчанныд кӧ, Кристос тіянлы абу колана.

Ап. уджъяс 9:15

Господь шуис: «Мун. Ме бӧрйи сійӧс кесъявны Меным, юӧртны Менсьым нимӧс войтыръяслы да ӧксыяслы, тшӧтш Израиль войтырлы.

2 Коринфӧ 1:6

Ми кӧ сьӧкыдалам – тіянӧс бурӧдӧм да мездмӧм вылӧ. А мездмӧмныд лоӧ тырвыйӧ сэки, кор миян моз венанныд сьӧкыдлунсӧ.

Галатӧ 5:24

Кодъяс Кристослӧн, найӧ тувъялісны вир-яйсӧ став сылӧн лёк кӧсйӧмнас.

Ефесӧ 3:8

Меным, став вежа войтыр пиысь медся тӧдчытӧмыслы, уси шуд висьтавлыны ентӧдтӧмъяслы Кристослӧн помтӧм-дортӧм озырлун йылысь Бур Юӧрсӧ

Ефесӧ 3:11

Тадзи нэмъяс пуксьытӧдз на лӧсьӧдӧм-мӧвпыштӧмсӧ Енмыс пӧртіс олӧмӧ миян Господь Исус Кристос пыр.