Ефесӧ 2:17 - Коми Библия 2023

¹⁷ Сійӧ локтіс юӧртны бурасьӧм йылысь тіянлы, кодъяс вӧлінныд ылынӧсь Енсьыс, и налы, кодъяс вӧліны матынӧсь Ен дінас.

Ефесӧ 2:17 Referans Kwoze

Ап. уджъяс 10:36

Сійӧ мӧдӧдіс Израиль войтырлы Ассьыс кывсӧ, лӧньлун йылысь Бур Юӧрсӧ, кодӧс вайис Исус Кристос. Сійӧ ставныслы Господь.

Ап. уджъяс 2:39

Ӧд тайӧс кӧсйысьӧма тіянлы, тіян ныв-пилы да став ылісаыслы – дзик быдӧнлы, кодӧс корас Господь, миян Енным».

Римӧ 5:1

Сідзкӧ, эскӧм вӧсна миянӧс шуӧма веськыдӧн, Исус Кристос Господьным пыр миян эм Енкӧд бурасьӧм.

Псалтыр 148:14

Сійӧ вынсьӧдіс Ассьыс войтырсӧ, медым Сійӧс ошкис Сылӧн эскана войтырыс, Израиль войтыр, коді матын Сылы. Аллилуйя!

Индӧд 4:7

Эм-ӧ сэтшӧм вына войтырыс, кодлӧн енмыс эськӧ вӧлі матын, кыдзи матын миян дінӧ Господь, миян Енным, кор ми шыасям Сы дінӧ?

Закар 9:10

Сійӧ пасьвартас Ефремысь тарантасъяссӧ, бырӧдас Ерусалимысь вӧвъяссӧ, чегъялас тышкасян ньӧввужъяссӧ. Сійӧ юӧртас войтыръяслы лӧнь олӧм йылысь, пондас юравны саридзсянь саридзӧдз, Ефрат юсянь му помӧдз.

2 Коринфӧ 5:20

Сідзкӧ, ми – Кристослӧн мӧдӧдӧмаяс, и Ачыс Енмыс шыасьӧ миян пыр йӧзыс дінӧ. Кристос нимӧн ми корам: бурасьӧй Енмыскӧд!

Исай 52:7

Кутшӧм шензьӧданаӧсь кокъясыс сылӧн, коді керӧсъяс вывті нуӧ бур юӧр, юӧртӧ лӧнь олӧм йылысь, вайӧ нимкодь юӧр, висьталӧ мездмӧм йылысь, Сионлы шуӧ: «Тэнад Енмыд ӧксыалӧ!»

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

Матвей 10:13

Олысьясыс кӧ шогмасны сибӧдны лӧнь олӧмсӧ, бурсиӧмныд коляс налы. Оз кӧ шогмыны, бурсиӧмныд бӧр бергӧдчас тіянлы.

Исай 27:5

Но дорйӧмсӧ сійӧ мед Месянь корсьӧ, мед бурасьӧ Мекӧд да дугдӧ тышкасьны.

Псалтыр 85:10

Ӧд Тэ ыджыд, Тэ вӧчан шензьӧданаторъяс. Тэ – Ен, и мӧдыс абу.

Псалтыр 75:1

Сьылысьясӧн веськӧдлысьлы. Ворсӧны струнаа ворсанторйӧн. Асафлӧн псалом. Сьыланкыв.

Римӧ 10:14

Кыдзи нӧ шыасясны Господь дінӧ, оз кӧ эскыны Сылы? Кыдзи нӧ эскасны, эз кӧ кывлыны Сы йылысь? Кыдзи нӧ кывласны, абу кӧ висьталысьыс?

Ефесӧ 4:21

Ті кывлінныд Сы йылысь, тіянӧс велӧдісны сійӧ збыльыс серти, мый эм Исус пытшкын.

Лука 15:8

«Ань кӧ воштас дас эзысь сьӧмсьыс ӧтикӧс, оз-ӧ сійӧ биасьӧмӧн кут чышкыны джоджсӧ да корсьны вошӧмторсӧ.