Ефесӧ 2:14 - Коми Библия 2023

¹⁴ Кристос – миянлы бурасян йитӧдыс. Сійӧ ӧтувтіс иудейясӧс да мукӧд войтырӧс ӧти войтырӧ да жугӧдіс шӧракостсьыс мытшӧдсӧ,

Ефесӧ 2:14 Referans Kwoze

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

Колосӧ 3:11

Грек-ӧ тэ либӧ иудей, вундыштчӧмыд-ӧ либӧ абу вундыштчӧмыд, варвар-ӧ либӧ скиф, кесйӧг-ӧ либӧ мездлуна морт – торъялӧмыс абу. Ставыс да ставас Кристос.

Колосӧ 3:15

Тіян сьӧлӧмын мед ыджыдалас Енлӧн лӧньлуныс, кытчӧ корӧма тіянӧс, ті ӧд ӧти вир-яйынӧсь. Быд кадӧ ошкӧй Енмӧс.

Ефесӧ 2:15

тадзи Аслас вир-яйнас бырӧдіс на костысь лёксьӧмсӧ. Сійӧ пуктіс пом Индӧдлы да сэтчӧ пырысь быд тшӧктӧмлы да велӧдӧмлы, медым иудейясӧс да мукӧд войтырӧс бурӧдны ӧта-мӧдныскӧд. Сійӧ йитіс найӧс Аскӧдыс да вӧчис наысь ӧти выль олысьӧс.

Колосӧ 1:20

медым Сы пыр сетны бурасьӧм да Сылӧн крествывса вирнас бурӧдны Аскӧдыс мувывсасӧ да енэжвывсасӧ.

Колосӧ 2:20

Ті кӧ кулінныд Кристоскӧд, мынінныд муюгыд вынъясысь, сідзкӧ, мыйла мувывсаяс моз кутчысянныд тайӧ шуӧмъясас:

Римӧ 5:1

Сідзкӧ, эскӧм вӧсна миянӧс шуӧма веськыдӧн, Исус Кристос Господьным пыр миян эм Енкӧд бурасьӧм.

Ап. уджъяс 10:36

Сійӧ мӧдӧдіс Израиль войтырлы Ассьыс кывсӧ, лӧньлун йылысь Бур Юӧрсӧ, кодӧс вайис Исус Кристос. Сійӧ ставныслы Господь.

Ап. уджъяс 10:28

Петыр шуис налы: «Ті тӧданныд, мый иудейяслы оз позь ӧтувтчыны да волысьны мукӧд войтыркӧд. Но Ен меным петкӧдліс, мед ме некодӧс эг пукты шогмытӧмӧ да пеж туйӧ.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

Иоан 10:16

Тайӧ йӧрас кындзи Менам эмӧсь мукӧд ыжъяс, найӧс Меным тшӧтш колӧ вайӧдны. Найӧ кыласны Менсьым гӧлӧс шыӧс, сэки лоас ӧти чукӧр да ӧти видзысь.

Лука 1:79

сетас югыдсӧ пемыдын олысьяслы, кулӧмыслӧн вуджӧр улын пукалысьяслы, Сійӧ веськӧдас кокнымӧс лӧньлуна туй вылӧ.

Микей 5:5

Сійӧ ваяс лӧнь олӧм. Кор ассурса тышкайӧз пырасны миян муӧ да кутасны талявны миянлысь изкаръяс, ми кыпӧдам налы паныд сизим веськӧдлысьӧс, кӧкъямыс юралысьӧс.

Еврейяслы 7:2

Ӧвраам торйӧдіс Мелкиседеклы тышын став шедӧдӧмсьыс дасӧд юкӧнсӧ. Мелкиседек нимлӧн вежӧртасыс – веськыдлуныслӧн ӧксы. Сійӧ вӧлі Салим карса ӧксы, та вӧсна нӧшта сійӧс шуӧны ”лӧньлуныслӧн ӧксы”.

Ефесӧ 4:16

Сійӧ йитӧ вир-яйлысь став юкӧнсӧ ӧтиӧ, тадзи артмӧ ӧти вир-яй. А юкӧнъясыс топыда йитчӧмаӧсь ӧта-мӧдныскӧд, и быд юкӧн вӧчӧ ассьыс удж. Тадзи муслуныс отсӧгӧн ставнас вир-яйыс быдмӧ-сӧвмӧ.

Ефесӧ 3:15

Сійӧ сетӧ ним быд чужанкотырлы енэжас и му вылас.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Иоан 11:52

и оз сӧмын тайӧ войтырыс вӧсна, но медым ӧтлаӧ чукӧртны Енлысь разалӧм ныв-писӧ.

Закар 6:13

Сійӧ кыпӧдас Господьлысь крамсӧ, Сійӧс нимӧдасны ӧксыӧс моз, Сійӧ юравны-ыджыдавны пондас. Сійӧ пуксяс юралан пуклӧсӧ, Сыкӧд ыджыдавны пуксяс поп, и найӧ пондасны овны ӧти сьӧлӧмӧн.

Эсфир 3:8

Аман шуис Артаксеркс ӧксылы: «Эм ӧти войтыр, коді разалӧма тэнад му пасьтала. Тайӧ войтырыс олӧ мукӧд войтыръяс пӧвстын, но наысь торйӧдчӧмӧн. Налӧн индӧдыс торъялӧ мукӧд войтыръяслӧн индӧдысь, и найӧ оз овны ӧксылӧн тшӧктӧмъяс серти. Ӧксыӧй, тайӧс тадзи оз позь кольны.

Ефесӧ 2:17

Сійӧ локтіс юӧртны бурасьӧм йылысь тіянлы, кодъяс вӧлінныд ылынӧсь Енсьыс, и налы, кодъяс вӧліны матынӧсь Ен дінас.