Ефесӧ 1:17 - Коми Библия 2023

¹⁷ Ме кора, мед миян Господь Исус Кристослӧн Ен, дзирдлуныслӧн Бать, сетас тіянлы мывкыдлуныслысь да восьтӧмыслысь Ловсӧ, медым ті верминныд тӧдны Сійӧс.

Ефесӧ 1:17 Referans Kwoze

Исай 11:2

Сы вылӧ лэччас Господьлӧн Лов, мывкыдлуныслӧн да гӧгӧрвоӧмлуныслӧн лов, туйдӧдӧмыслӧн да выныслӧн лов, тӧдӧмлуныслӧн да Господьысь полӧмыслӧн лов.

Шусьӧгъяс 2:5

сэки тӧдмалан, мый сійӧ Господьысь полӧмыс, да гӧгӧрвоан, мый сійӧ Енсӧ тӧдӧмыс.

2 Петыр 1:3

Ми тӧдмалім Сійӧс, коді корис миянӧс Аслас дзирдлунӧ да тыр-бурӧ. Сылӧн Ен вынсянь сетӧма миянлы став коланасӧ, медым ми олім вежавидзӧмӧн.

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

Ефесӧ 1:3

Ошкӧм Енлы, миян Господь Исус Кристослӧн Батьлы! Сійӧ бурсиӧма миянӧс Кристос пыр Ловсянь быдпӧлӧс бурсиӧмнас, мый эм енэжас.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Матвей 11:27

Ставсӧ сетіс Меным Батьӧй. Сӧмын Батьыс тӧдӧ Писӧ, и сӧмын Пиыс тӧдӧ Батьсӧ. Тӧдӧ нӧшта сійӧ, кодлы Пиыс кӧсйӧ восьтны Батьсӧ.

1 Коринфӧ 2:10

Енмыс восьтіс тайӧс миянлы Аслас Ловнас, ӧд Лолыс ставсӧ тӧдӧ. Сійӧ тӧдӧ Енлысь став пыдта-судтасӧ.

Еремей 24:7

Ме сета налы сэтшӧм сьӧлӧм, мый найӧ тӧдмаласны Менӧ, тӧдмаласны, мый Ме – Господь. Найӧ лоӧны Менам войтырӧн, а Ме – налӧн Енмӧн, ӧд найӧ бергӧдчасны Ме дінӧ став сьӧлӧмсяньныс.

Ефесӧ 3:5

Водзын олысьяс эз тӧдлыны тайӧ гусяторйыс йылысь. Ӧні Вежа Лов восьтіс сійӧс Кристослӧн апостолъяслы да пророкъяслы.

Иоан 20:17

Исус шуис сылы: «Эн инмӧдчы Ме дінӧ, Ме ӧд эг на кыпӧдчы Батьӧй дінӧ. Мун Менам вокъяс дінӧ да висьтав налы, мый Ме кыпӧдча Аслам Батьӧй да тіян Батьныд дінӧ, Аслам Енмӧй да тіян Енныд дінӧ».

Ап. уджъяс 6:10

Степан сёрнитіс ыджыд мывкыдлунӧн да Лов вынӧн, та вӧсна эз вермыны венны сійӧс.

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Иоан 14:26

Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.

2 Коринфӧ 12:1

Тайӧ, дерт, нинӧм оз содты меным, но ме водзӧ кута ошйысьны. Ӧні ме висьтала Господьсянь восьтӧм-аддзылӧм йылысь.

Лука 21:15

Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.

Псалтыр 24:7

Господьӧй, эн казьтывлы менсьым томдырся мыжъясӧс, эн казьтывлы менсьым лёк вӧчӧмъясӧс, но петкӧдлы меным Ассьыд буралӧмтӧ да бурлунтӧ, эн вунӧд менӧ!

1 Коринфӧ 12:8

Ӧтилы Лолыс сетӧ мывкыд кывъяс, мӧдлы – тӧдӧмлун, мед юксьыны мукӧдкӧд,

1 Коринфӧ 2:8

Тайӧ муюгыдас юралысьяс пӧвстысь некод эз тӧд Енлысь мывкыдлунсӧ. Тӧдісны кӧ, найӧ эськӧ эз тувъявны дзирдлуна Господьӧс.

Римӧ 15:6

мед ті ӧти лолӧн да ӧти вомӧн ошкинныд Енсӧ, миян Господь Исус Кристослысь Батьсӧ.

Иоан 16:3

Найӧ вӧчасны тадзи, ӧд Батьӧс да Менӧ найӧ оз тӧдны.

Даниил 10:1

Персияса Кир ӧксылӧн коймӧд веськӧдлан воӧ Данииллы, кодӧс шуисны Белтешацарӧн, вӧлі Енсянь восьтӧм. Тайӧ восьтӧмыс вӧлі збыль, но сійӧс сьӧкыд вӧлі гӧгӧрвоны. Даниил гӧгӧрвоис восьтӧмсӧ аддзылӧм пыр.

Еремей 31:34

Сэки некод оз кут велӧдны матыссасӧ, вокыс оз понды велӧдны воксӧ, оз шу: ”Тӧдмав Господьӧс!” Ӧд ставныс, ичӧтсянь ыджыдӧдз, кутасны тӧдны Менӧ, – висьталӧ Господь. – Ме прӧстита налысь лёк вӧчӧмсӧ, налысь мыжъяссӧ водзӧ ог нин казьтыв».

Иоан 14:17

Тайӧ Дорйысьыс – Збыльыслӧн Лолыс. Муюгыдыс оз аддзы да оз тӧд Сійӧс, та вӧсна оз вермы сибӧдны. Ті тӧданныд Сійӧс, ӧд Сійӧ тіянкӧд да тіян пытшкын.

Матвей 16:17

Исус шуис Петырлы: «Тэ шуда, Симон, Ионалӧн пи. Ӧд тайӧс тэныд эз морт висьтав, но Менам енэжвыв Батьӧй восьтіс тэныд.

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.

Еремей 9:24

Но ошйысьысь мед ошйысьӧ сійӧн, мый сылӧн эм гӧгӧрвоӧмлун тӧдны Менӧ. Ӧд Ме – Господь, Ме бурсьӧлӧмтча да веськыда мыжда му вылас. Ті кӧ тшӧтш тадзи вӧчанныд, тіян уджъясныд лоӧны Меным шогманаӧсь, – висьталӧ Господь.

Еремей 2:11

Мукӧд войтыръяслӧн енъясыс – абу збыль Ен, но найӧ оз вежлавны енъяснысӧ. А Менам войтырӧй вежис Менӧ, найӧ вежисны ассьыныс дзирдлунсӧ идолъяс вылӧ, кодъяс отсавны оз вермыны.

Псалтыр 24:10

Господьлӧн туйясыс бурӧсь да веськыдӧсь налы, кодъяс видзӧны сьӧлӧмас Сылысь тшӧктӧмъяссӧ да йитӧдсӧ, мый Сійӧ кӧрталіс накӧд.

Восьтӧм 7:12

Найӧ шуалісны: – Аминь! Дзирдлуныс да мывкыдлуныс, выныс да ёнлуныс, ошкӧм-нимӧдӧмыс да аттьӧалӧмыс миян Енлы нэмъяс чӧж! Аминь.

Титлы 1:1

Гижӧ Павел, Енлӧн кесйӧг да Исус Кристослӧн апостол. Менӧ мӧдӧдӧма, мед отсавны Енлӧн бӧрйӧмаяслы эскыны да тӧдны збыльсӧ, медым эськӧ найӧ вермисны овны вежавидзӧмӧн

Даниил 5:11

Тэнад муын олӧ морт, код пытшкын вежа Енлӧн Лолыс. Тэнад батьыдлӧн веськӧдлан кадӧ на аддзисны, мый сы пытшкын эм сюсьлун, вежӧрлун да енъяслӧн кодь мывкыдлун. Навукодоносор ӧксы, тэнад батьыд, пуктіс сійӧс туналысьяс, кимӧститчысьяс, калдеяса мывкыд йӧз да пемӧс мускӧн тунасьысьяс вылын ыджыдӧн.

1 Каднебӧг 29:11

Господьӧй, Тэнад эм нималӧм, вын, дзирдлун, вермӧм да юралӧм. Ставыс, мый эм енэжас да му вылас – тайӧ Тэнад. Господьӧй, Тэ – Ӧксы, Тэ ставыс вылын Медыджыдыс.

Яков 2:1

Вокъяс, ті эсканныд Исус Кристослы, миян дзирдлуна Господьлы. Сідзкӧ, энӧ торйӧдӧй йӧзсӧ чужӧм вылӧ видзӧдӧмӧн.

1 Коринфӧ 14:6

Вокъяс, ме кӧ локта тіян дінӧ да кута сёрнитны мукӧд кывъяс вылын, но ог вай тіянлы Енсянь восьтӧм да тӧдӧмлун, ог пророкав да ог велӧд тіянӧс – тайӧ нинӧм оз сет тіянлы.

Лука 12:12

Сійӧ кадас Вежа Лов туйдӧдас тіянӧс, мый колӧ шунысӧ».

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

Псалтыр 29:3

Господьӧй, менам Енмӧй, ме шыаси Тэ дінӧ, и Тэ бурдӧдін менӧ.

2 Тимофейлы 2:25

Сійӧ рам сьӧлӧмӧн туйдӧдӧ паныд сувтысьясӧс, гашкӧ, Енмыс сетас налы позянлун бергӧдчыны мыжъяссьыныс да тӧдмавны збыльсӧ.

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.

Ап. уджъяс 7:2

Степан шуис: «Вокъясӧй да батьясӧй, кывзӧй! Дзирдлуныслӧн Ен петкӧдчыліс Ӧвраам батьнымлы Месопотамияын, Харанӧ мунтӧдзыс на.

Петӧм 28:3

да вежӧдӧм могысь, ӧд сылы колӧ кесъявны Меным попӧн. Вӧчасьны кужысьяслы, кодъяслы Ме сеті мывкыдлун [да сюсьлун], тшӧкты вурны Ааронлы [вежа] паськӧм.

Иов 42:5

Енмӧй, таӧдз ме сӧмын пель йылӧн Тэ йылысь кывлі, а ӧні аддза Тэнӧ.

Шусьӧгъяс 18:15

Мортыд ловнас кор вына, вермытӧмсӧ вермӧ, а нюкыртчӧм ловнад коді вермас овны?

Ефесӧ 4:13

Сэки ми ставным воам эскӧмас ӧтувъялунӧ, кутам тӧдны Ен Пиӧс да быдмыны, воӧдчам Кристослӧн тыр арлыдӧдз да Сылӧн тырвыйӧлунӧдз.

Филипӧ 3:15

Сідзкӧ, коді миян пиысь лыддьӧ асьсӧ тыр-бурас воысьӧн, сійӧ мед мӧвпалӧ миян моз. А мӧвпаланныд кӧ мӧд ногӧн, Енмыс восьтас тайӧс тіянлы.

Матвей 20:33

Найӧ вочавидзисны: «Господьӧй, кӧсъям аддзыны».