Даниил 8:4 - Коми Библия 2023

⁴ Ме аддзылі, мый тайӧ межыс люкасис рытыввывлань, войвывлань да лунвывлань, и мукӧд пемӧсъяс эз вермыны водзсасьны сыкӧд, некод эз вермы мездысьны сыысь. Сійӧ вӧчис, мый кӧсйис, да ёна ышнясис.

Даниил 8:4 Referans Kwoze

Даниил 11:16

Войвывса ӧксы кутас вӧчны, мый кӧсъяс, и некод оз вермы сылы паныд сувтны. Аслас тышкайӧзкӧд сійӧ локтас мича муӧ да бырӧдас сійӧс.

Даниил 11:36

Войвывса ӧксы пондас вӧчны, мый кӧсъяс. Сійӧ пондас ышнясьны да пуктас асьсӧ став енъяссьыс вылӧджык на, пондас лёкӧдны-омӧльтны медыджыд Енмӧс. Сылӧн ставыс кутас артмыны, кытчӧдз оз кус Енлӧн скӧрлуныс. Ӧд мый вӧлі водзвыв шуӧма, ставыс збыльмас.

Даниил 8:7

Ме аддзылі, мый меж дінӧ матыстчигӧн сійӧ нӧшта на пузис скӧрысла, уськӧдчис меж вылӧ да чегис сылысь кыкнан сюрсӧ. Межлӧн эз вӧв выныс водзсасьны ай кӧзакӧд. Ай кӧза уськӧдіс межӧс муас да таляліс сійӧс. Некод эз вермы мездыны сійӧс ай кӧзаысь.

Микей 5:8

Войтыръяс пӧвстын Яков рӧдлӧн колясыс лоӧ вӧрса зверъяс пӧвстын олысь лев кодь, ыж чукӧр вылӧ уськӧдчысь том лев кодь. Сійӧ уськӧдчӧ, талялӧ-косявлӧ, и сыысь мездысьны некод оз вермы.

Даниил 7:5

Мӧд зверыс вӧлі ош кодь. Сійӧ сулаліс бӧр кокъяс вылас, сылӧн вомас пинь костъясас чурвидзис куим ордлы. Сылы вӧлі шуӧма: «Чеччы да сёй яйсӧ пӧттӧдзыд!»

Даниил 5:30

Сійӧ жӧ войнас калдеяса Валтасар ӧксыӧс виисны,

Даниил 5:19

Сылӧн ыджыдалан вынысь, мый сетіс сылы Енмыс, полісны-тіралісны войтыръяс, чужанкотыръяс да быд кыла йӧз. Кодӧс ӧксы кӧсйис, сійӧс и виис, кодӧс кӧсйис, сійӧс ловйӧн колис, кодӧс кӧсйис, сійӧс кыпӧдіс, кодӧс кӧсйис, сійӧс лэдзис.

Езекиль 34:21

Коньӧр ыжъяссӧ ті бокнад да пельпомнад йӧткаланныд, сюрнаныд люкаланныд, кытчӧдз онӧ вӧтлӧй найӧс.

Псалтыр 7:2

Господьӧй Енмӧй, Тэ вылӧ ме лача кута. Мезды менӧ дзескӧдысьясысь да дорйы менӧ,

Иов 10:7

Тэ ӧд тӧдан, мый ме абу мыжа, тӧдан, мый некод оз вермы мездыны менӧ Тэнад киысь.

Индӧд 33:17

Ӧсиплӧн выныс медводдза чужысь ӧшлӧн кодь, сылӧн сюръясыс вӧлявывса ӧшлӧн кодьӧсь, наӧн люкалӧ войтыръясӧс, вӧтлӧ найӧс му помӧдзыс. Татшӧмӧсь Ефрем чужанкотырлӧн лыдтӧм-тшӧттӧм йӧзыс, Манассей чужанкотырлӧн уна сюрс йӧзыс.

Ӧксыяслӧн 3 небӧг 22:11

Кенаанлӧн Седекей пиыс вӧчис аслыс кӧрт сюръяс да шуис: «Господь тадзи висьталӧ: ”Тайӧ сюръяснас тэ люкалан арамейясӧс да бырӧдан найӧс”».

Псалтыр 44:5

Дзирдлуннад да выннад пет тышӧ, дорйы збыльсӧ, рамлунсӧ да веськыдлунсӧ. Тэнад веськыд киыд мед петкӧдлас шензьӧдана уджъяс.