Даниил 8:3 - Коми Библия 2023

³ Ме лэпті синмӧс да аддзи ю дорын сулалысь межӧс. Сылӧн вӧлі кык ыджыд сюр, сёрӧнджык быдмӧм сюрыс вӧлі ыджыдджык.

Даниил 8:3 Referans Kwoze

Даниил 8:20

Тэныд петкӧдлӧм кык сюра межыс – тайӧ мидияса да персияса ӧксыяс.

Даниил 10:5

Ме лэпті синмӧс да аддзи шабді паськӧма мортӧс, кодлӧн коскыс вӧлі вӧнялӧма зарни вӧньӧн. Зарниыс вӧлі Уфазысь вайӧм зарни кодь.

Закар 6:1

Ме бара лэпті синмӧс да аддзи: кык ыргӧн керӧс костысь петісны нёль тарантас.

Закар 5:9

Та бӧрын ме лэпті синмӧс да аддзи кык аньӧс. Налӧн вӧліны аистлӧн кодь бордъяс, и тӧвруыс новлӧдліс найӧс. Аньяс босьтісны пельсасӧ да лэбӧдісны енэжлань.

Закар 5:5

Андел, коді водзынсӧ сёрнитіс мекӧд, матыстчис ме дінӧ да шуис: «Видзӧдлы! Мый тэ ӧні аддзан?»

Закар 5:1

Ме бара лэпті синмӧс да аддзи лэбысь гартӧм гижӧд.

Закар 2:1

Ме бара лэпті синмӧс да аддзи мортӧс, коді киас кутіс мурталан кӧв.

Закар 1:18

Ме лэпті синмӧс да аддзи нёль сюр.

Даниил 7:5

Мӧд зверыс вӧлі ош кодь. Сійӧ сулаліс бӧр кокъяс вылас, сылӧн вомас пинь костъясас чурвидзис куим ордлы. Сылы вӧлі шуӧма: «Чеччы да сёй яйсӧ пӧттӧдзыд!»

Даниил 6:28

Дарий ӧксылӧн веськӧдлан кадӧ и персияса Кир ӧксылӧн веськӧдлан кадӧ Данииллӧн ставыс артмис.

Даниил 5:31

а ӧксыӧ пуктісны мидияса Дарийӧс, кодлы вӧлі квайтымын кык арӧс.

Даниил 2:39

Тэнад юралӧмыд бӧрти лоӧ мӧд юралӧм, но сійӧ оз ло тэнад кодь вына. Ыргӧныс висьталӧ коймӧд юралӧм йылысь, мый лоӧ став му пасьтала.

Еремей 51:11

– Ёсьтӧй ньӧвъяснытӧ, тыртӧй наӧн ньӧвпуртӧснытӧ. Господь ышӧдіс мидияса ӧксыясӧс тыш вылӧ, ӧд Сійӧ шуис бырӧдны Вавилон. Господь водзӧс перйӧ Вавилонлысь, водзӧс перйӧ Аслас крамыс вӧсна.

Исай 44:28

Кирлы Ме шуа, мый сійӧ – Менсьым войтырӧс видзысь, сійӧ ставсӧ вӧчас Менам кӧсйӧм серти. Сійӧ шуас Ерусалимлы, тэнӧ пӧ выльысь лоӧ лэптӧма, а крамлы шуас, тэнсьыд подувтӧ пӧ выльысь лоӧ пуктӧма.

Исай 21:2

сувтіс менам син водзӧ Енсянь повзьӧдана петкӧдчылӧм: ылӧдчысь ылӧдлӧ, бырӧдысь бырӧдӧ. Элам, уськӧдчы на вылӧ! Мидия, кытшав найӧс! Ӧні став ойзӧмыслы Ме пукта пом.

Исай 13:17

Ме кыпӧда налы паныд Мидия войтырӧс, коді нинӧмӧ пуктӧ зарни, оз донъяв эзысь.

Эсфир 1:3

Коймӧд веськӧдлан воӧ став аслас юралысь-веськӧдлысьыслы ӧксы лӧсьӧдіс гаж. Сэтчӧ локтісны Персия да Мидия муясысь тышкайӧзӧн веськӧдлысьяс да ӧксыув муясӧн юралысьяс.

Ездра 4:5

весиг сетлісны козинъяс чина йӧзлы, медым торкны уджсӧ. Тадзи найӧ вӧчисны персияса Кир ӧксылӧн веськӧдлан кадӧ Дарийлӧн ӧксыӧ пуксьытӧдз.

Ездра 1:2

«Тадзи висьталӧ персияса Кир ӧксы. Господь, енэжвывса Ен, став му пасьталаысь войтыръясӧс сетіс менам кипод улӧ. Сійӧ тшӧктіс меным лэптыны Иуда муын, Ерусалим карын, Сылы крам.

1 Каднебӧг 21:16

Давид лэптіс синсӧ да аддзис Господьлысь анделсӧ, коді сулаліс енэжа-муа костас. Киас сійӧ кутіс перйӧм шыпурт. Шыпуртсӧ вӧлі нюжӧдӧма Ерусалимлань. Давид да израильса юрнуӧдысьяс усисны чужӧм выланыс. Найӧ вӧлі пасьтасьӧмаӧсь шогалан паськӧмӧ.

Нав Исус 5:13

Ерикон кар дорын Исус аддзис ас водзас сулалысь мортӧс. Сійӧ вӧлі перйӧма шыпуртсӧ. Исус матыстчис сы дінӧ да юаліс: «Тэ миян дор али миянлы паныд?»

Лыд 24:2

и аддзис Израиль войтырӧс, коді чомъяснас вӧлі паськӧдчӧма чужанкотыръясыс серти. Енлӧн Лов лэччис Валаам вылӧ,

Восьтӧм 5:6

Сэсся ме видзӧдлі да аддзи Баляӧс. Сійӧ сулаліс юралан пуклӧс водзын, нёль ловъя олысь да юрнуӧдысьяс шӧрын. Балясӧ вӧлі быттьӧ начкӧма. Сылӧн вӧлі сизим сюр да сизим син. Сизим синмыс – тайӧ Енлӧн сизим лолыс, кодъясӧс мӧдӧдӧма став му пасьталаыс.

Восьтӧм 13:11

Сэсся ме аддзи мӧд зверӧс, коді петіс му пытшкысь. Сылӧн вӧлі балялӧн кодь кык сюр, но сёрнитіс сійӧ гундыр моз.

Даниил 8:2

Ме аддзи ачымӧс Суза изкарын, Элам нима ӧксыув муын, Улай ю дорын.