Даниил 6:4 - Коми Библия 2023

⁴ Сэки ыджыдалысьяс да сатрапъяс пондісны корсьны помка, медым мыжавны Даниилӧс сыысь, мый оз колана ногӧн юрав. Но найӧ нинӧм эз аддзыны, ӧд Даниил эз пӧръясь, а ставсӧ вӧчис веськыда.

Даниил 6:4 Referans Kwoze

1 Петыр 3:16

Олӧй сідзи, мед сьӧлӧмныд эз мыжды тіянӧс. Сэки найӧ, кодъяс лёкӧдӧны тіянӧс лёк вӧчысьӧс моз Кристоскӧд бур нога олӧмысь, яналасны асланыс кывъясысь.

Филипӧ 2:15

медым ті вӧлінныд Енлӧн сӧстӧм, мыжтӧм да пежасьтӧм челядьӧн. Сэки тайӧ тшыксьӧм да пежасьӧм йӧз пӧвстас ті лоанныд дзирдалысь кодзувъяс кодьӧсь.

1 Петыр 2:12

Ентӧдтӧмъяс пӧвстын олӧй бур ногӧн. Сэки найӧ, кодъяс омӧльтӧмӧн шуӧны тіянӧс лёк вӧчысьясӧн, аддзасны бур вӧчӧмнытӧ да ошкасны Енсӧ Сылӧн локтігас.

Лука 20:20

Индӧдӧ велӧдысьяс да аркирейяс ӧтарӧ кыйӧдісны Исусӧс. Найӧ мӧдӧдісны Сы дінӧ веськыда олысьӧ пуксьысь наян йӧзӧс, медым кыйны Сійӧс сёрниас да сетны Сійӧс юралысь киӧ.

Титлы 2:8

Сёрнит веськыда да тырвыйӧ эскӧд, медым паныд сувтысь яналас да нинӧм лёксӧ оз вермы шуны миян йылысь.

Матвей 27:18

Пилат тӧдіс, мый Исусӧс сетісны сы киӧ вежалӧмныс понда.

Еремей 20:10

Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».

1 Тимофейлы 5:14

Та вӧсна кӧсъя, медым том дӧваяс верӧс сайӧ петісны, кага чужтісны да гортныс вӧсна тӧждысисны. Сэки найӧ оз сетны помкасӧ паныд сувтысьяслы омӧльтны эскысьясӧс.

Еклесиаст 4:4

Нӧшта ме аддзи, мый быдпӧлӧс удж да быд зільӧм-вермӧм чужтӧ йӧз костын вежалӧм. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Шусьӧгъяс 29:27

Веськыда олысь зывӧктӧ лёк вӧчысьӧс, а лёк вӧчысь – веськыда олысьӧс.

Ёрдысьяс 14:4

Бать-мамыс эз тӧдны, мый тайӧ вӧлі Господьсянь, ӧд Господь кӧсйис филистимсаяслысь водзӧс перйыны. Сійӧ кадас филистимсаяс ыджыдалісны Израиль вылын.

Олӧм 43:18

Ӧсип ордӧ мунігӧн вокъяс повзьӧмнысла ӧта-мӧдныслы шуалісны: «Мешӧкъясаным бӧр пуктӧм сьӧм вӧсна пыртісны миянӧс татчӧ. Найӧ уськӧдчасны миян вылӧ, мырддясны осёлъяснымӧс, а миянӧс босьтасны кесйӧг туйӧ».

2 Коринфӧ 11:12

Ме ог сет некутшӧм помка налы, кодъяс ошйысьӧны, мый найӧ кесъялӧны Енмыслы миян моз.

Иоан 19:4

Пилат бара петіс иудейяс дінӧ да шуис: «Ме петкӧда Сійӧс тіян дінӧ. Тӧдӧй, мый ме некутшӧм мыж Сылысь ог аддзы».

Лука 22:2

Аркирейяс да Индӧдӧ велӧдысьяс корсисны, кыдзи эськӧ вины Исусӧс, сӧмын полісны йӧзсьыс.

Матвей 26:4

Найӧ сёрнитчисны ылӧдлӧмӧн босьтны Исусӧс да вины Сійӧс.

Даниил 3:8

Но тайӧ кадас некымын калдеяса морт локтісны да удтысисны иудейяс вылӧ.

Еремей 18:23

Но, Тэ, Господьӧй, тӧдан, мый найӧ кӧсйӧны вины менӧ. Эн прӧстит налысь лёк вӧчӧмсӧ, эн вешты налысь мыжсӧ Аслад син водзысь. Найӧс мед лоӧ шыбитӧма Тэ водзӧ, вӧч накӧд Аслад скӧрлуныд серти.

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Ӧксыяслӧн 1 небӧг 22:14

Ахимелек воча шуис ӧксылы: «Сюрас-ӧ кодкӧ тэнад кесйӧгъяс пиысь Давид кодь эсканаыс? Сійӧ ӧд тэнад зять, вӧчӧ тэнад тшӧктӧмъяс серти, и тэнад керкаын сійӧс пыдди пуктӧны.

Ӧксыяслӧн 1 небӧг 18:14

и быдлаын вермыліс, ӧд Господь вӧлі сыкӧд.

Лука 20:26

Тадзи найӧ эз вермыны став йӧз дырйи кыйны Исусӧс. Сылӧн вочакывйысь найӧ чуймисны да ланьтісны.

Еремей 29:7

Сійӧ карыслы, кытчӧ Ме мӧдӧді тіянӧс пленӧ, сиӧй бурсӧ. Кевмысьӧй Господьлы сійӧ карыс вӧсна, ӧд сэні кӧ лоӧ бур олӧм, сэки и тіянлы бур лоӧ.

Даниил 6:22

Менам Енмӧй мӧдӧдіс Ассьыс анделсӧ, и сійӧ тупкис левъяслысь вомсӧ. Найӧ эз вермыны вӧчны меным лёксӧ, ӧд Ен водзас ме сӧстӧм, и тэ водзын, ӧксыӧй, ме нинӧмӧн эг мыжмы».

Олӧм 41:38

Фараон шуис налы: «Сюрас-ӧ миянлы Ӧсип кодь мортыс, ӧд сы пытшкын Енлӧн Лов?»

Ӧксыяслӧн 1 небӧг 12:4

Йӧзыс вочавидзисны: «Тэ миянӧс эн пӧръявлы, эн дзескӧдлы да некодлысь нинӧм эн босьтлы».

Даниил 5:12

Ӧд тайӧ Даниил пытшкас, кодӧс ӧксы нимтіс Белтешацарӧн, эм ыджыд мывкыдлун, вежӧрлун да сямлун гӧгӧрвоӧдны вӧтъяс, восьтны гусяторъяс да сьӧкыдлунъяс дырйи разьны гӧрӧдъяс. Мед корасны Даниилӧс гӧгӧрвоӧдны гижӧмасӧ».