Даниил 5:7 - Коми Библия 2023

⁷ Ӧксы гораа горӧдіс, медым вайӧдісны сы дінӧ кимӧститчысьясӧс, калдеяса мывкыд йӧзӧс да пемӧс мускӧн тунасьысьясӧс. Сійӧ шуис вавилонса тӧдысь-туналысьяслы: «Коді лыддяс да гӧгӧрвоӧдас стенмӧ гижӧмасӧ, сійӧс пасьтӧдасны пемыдгӧрд паськӧмӧ, сьыліас ӧшӧдасны зарни чеп, и сійӧ лоӧ менам муын чин серти коймӧд юралысьӧн».

Даниил 5:7 Referans Kwoze

Даниил 5:29

Та бӧрти Валтасарлӧн тшӧктӧм серти Даниилӧс пасьтӧдісны пемыдгӧрд паськӧмӧ, сьыліас ӧшӧдісны зарни чеп да юӧртісны, мый сійӧ лоӧ тайӧ муас чин серти коймӧд юралысьӧн.

Даниил 5:16

Но тэ йылысь ме кывлі, мый тэ верман гӧгӧрвоӧдны вӧтъяс да сьӧкыдлунъяс дырйи разьны гӧрӧдъяс. Тэ кӧ верман лыддьыны тайӧ гижӧмасӧ да гӧгӧрвоӧдны сійӧс, тэнӧ пасьтӧдасны пемыдгӧрд паськӧмӧ, сьыліад ӧшӧдасны зарни чеп, и тэ лоан менам муын чин серти коймӧд юралысьӧн».

Даниил 2:48

Та бӧрти ӧксы вылӧ кыпӧдіс Даниилӧс, сетіс сылы уна дона козин, индіс сійӧс Вавилон нима ӧксыув муын юралысьӧн да вавилонса став тӧдысьыс вылын медыджыдӧн.

Даниил 2:6

Но ті кӧ висьталанныд да гӧгӧрвоӧданныд менсьым вӧтӧс, сэки ме сета тіянлы козинъяс да кута ошкыны-нимӧдны тіянӧс. Сідзкӧ, висьталӧй да гӧгӧрвоӧдӧй менсьым вӧтӧс».

Даниил 2:2

Ӧксы тшӧктіс корны туналысьясӧс, кимӧститчысьясӧс, тшыкӧдчысьясӧс да калдеяса мывкыд йӧзӧс, медым найӧ гӧгӧрвоӧдісны сылысь вӧтъяссӧ. Найӧ локтісны да сувтісны ӧксы водзӧ.

Езекиль 16:11

Ме мичмӧді тэнӧ. Ки вылад ӧшӧді сойкытшъяс, сьыліад – сикӧтш,

Исай 47:13

Тэ мудзӧмыд нин помтӧм туйдӧдӧмысь. Сідзкӧ, мед локтасны енэжсӧ туялысь-видзӧдысьяс да кодзув серти туналысьяс, выль тӧлысь серти найӧ мед висьталасны тэныд лоанасӧ. Мед найӧ мездасны тэнӧ сыысь, мый шуӧма лоны тэкӧд.

Даниил 4:14

Тадзи лоӧ андел-видзысьяслӧн тшӧктӧм серти, вежа анделъяслӧн шуӧм серти, мед ловъя олысьяс тӧдісны, мый Медвылыссаыс ыджыдалӧ мувывса став йӧзыс вылын, пуктӧ ӧксыӧ, кодӧс кӧсйӧ, пуктӧ юралысьӧ йӧз пӧвстысь медічӧтсӧ.

Сьылан 1:10

Ми вӧчам тэныд зарни сикӧтш, эзысь чиръясӧн сійӧс мичмӧдам. (Ныв:)

Шусьӧгъяс 1:9

Налӧн велӧдӧмыс – тэнад юр вылӧ пуктӧм мича юркытш кодь, сьылітӧ мичмӧдысь сикӧтш кодь.

Эсфир 3:1

Тайӧ лоӧмторъяс бӧрын Артаксеркс ӧксы ыдждӧдліс Агагсянь чужысь Аммедатлысь Аман писӧ, кыпӧдіс сійӧс да пуктіс веськӧдлыны мукӧд юралысьясӧн.

Ӧксыяслӧн 1 небӧг 17:25

Найӧ сёрнитісны: «Видзӧдлӧй, тайӧ мортыс петӧ, медым янӧдны Израильӧс. Сійӧс виысьлы ӧксы шуис козьнавны ыджыд озырлун, сетны сы сайӧ ассьыс нывсӧ да мездыны сылысь рӧдсӧ вот мынтӧмысь Израильын».

Лыд 24:11

Мун, кытысь локтін! Ме кӧсйи бурӧ пуктыны тэнӧ, но Господь эз лэдз».

Лыд 22:17

Ме пӧ бурӧ пукта тэнӧ да вӧча ставсӧ, мый кӧсъян. Волы пӧ да ёр Египетысь локтӧм войтырӧс».

Лыд 22:7

Моавса да мадианса юрнуӧдысьяс локтісны Валаам дінӧ, медым мынтысьны сылы ёрӧмысь. Найӧ висьталісны сылы Валаклысь кывъяссӧ.

Олӧм 41:8

Асывнас фараон пондіс майшасьны. Сійӧ корис египетса тӧдысьясӧс да мывкыда йӧзӧс и висьталіс налы ассьыс вӧтсӧ. Но некод эз куж гӧгӧрвоӧдны фараонлысь вӧтсӧ.

Петӧм 7:11

Фараон корис египетса тӧдысьясӧс да тунъясӧс. Асланыс кимӧститчӧмӧн найӧ вӧчисны тадзи жӧ.

Еремей 50:35

Калдея войтыр весьтӧ кыпӧдӧма шыпурт, – висьталӧ Господь, – кыпӧдӧма шыпурт Вавилонын олысьяс весьтӧ, налӧн юралысьяс да тӧдысьяс весьтӧ.

Даниил 1:4

кодъяс чужӧмнас мичаӧсь да вир-яйнас тырвыйӧ бурӧсь, ыджыд мывкыдаӧсь, сюсь вежӧраӧсь да кужӧны пырӧдчыны быдпӧлӧс тӧдӧмлунӧ, медым кесъявны ӧксы керкаын. Ӧксы тшӧктіс велӧдны найӧс лыддьысьны да сёрнитны калдеяса кыв вылын,

Даниил 1:20

Быд пӧрйӧ, кор ӧксы юасис налысь мый йылысь кӧ, мый вылӧ колана вӧлі мывкыдлун да сюсь вежӧр, сійӧ аддзис, мый найӧ вӧліны дас пӧв мывкыдаӧсь сылӧн муас олысь став туналысь да кимӧститчысь дорысь.

Даниил 2:27

Даниил вочавидзис ӧксылы: «Тайӧ гусяторсӧ, мый йылысь ӧксы юасьӧ, оз вермы восьтны ни тӧдысь, ни кимӧститчысь, ни туналысь, ни пемӧс мускӧн тунасьысь.

Даниил 5:11

Тэнад муын олӧ морт, код пытшкын вежа Енлӧн Лолыс. Тэнад батьыдлӧн веськӧдлан кадӧ на аддзисны, мый сы пытшкын эм сюсьлун, вежӧрлун да енъяслӧн кодь мывкыдлун. Навукодоносор ӧксы, тэнад батьыд, пуктіс сійӧс туналысьяс, кимӧститчысьяс, калдеяса мывкыд йӧз да пемӧс мускӧн тунасьысьяс вылын ыджыдӧн.

Даниил 5:15

Ме дінӧ вайӧдлісны тӧдысьясӧс да кимӧститчысьясӧс, медым лыддьыны тайӧ гижӧмасӧ да гӧгӧрвоӧдны сійӧс меным, но найӧ эз вермыны гӧгӧрвоӧднысӧ.