Даниил 5:22 - Коми Библия 2023

²² Тэ, Валтасар, Навукодоносорлӧн пиыс, тӧдін ставсӧ тайӧс, но тэ эн раммӧдчы.

Даниил 5:22 Referans Kwoze

2 Каднебӧг 33:23

Но Амон эз раммӧдчы Господь водзын, кыдзи сылӧн Манассей батьыс раммӧдчис, а мӧдарӧ, сійӧ ёнджыка на мыжсӧ вӧчис.

Петӧм 10:3

Мӧисей Ааронкӧд локтісны фараон дінӧ да шуисны сылы: «Господь, еврейяслӧн Ен, тадзи висьталӧ: ”Дыр-ӧ на тэ он раммӧдчы Ме водзын? Лэдз Менсьым войтырӧс, медым найӧ юрбитасны Меным.

Яков 4:17

Сідзкӧ, коді тӧдӧ, мый колӧ бурсӧ вӧчны, но оз вӧч, сійӧ мыжмӧ.

2 Каднебӧг 36:12

Сійӧ вӧчис аслас Господь Ен водзын шогмытӧмсӧ. Сійӧ весиг эз раммӧдчы Еремей пророк водзын, коді сёрнитіс Господьсянь.

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

Иоан 13:17

Тайӧс кӧ тӧданныд да та серти оланныд, ті шудаӧсь.

Лука 12:47

Кесйӧг кӧ тӧдӧ ыджыдыслысь кӧсйӧмсӧ да оз дасьтысь-вӧч сы ног, сійӧс чорыда нӧйтасны.

Матвей 21:32

Иоан локтіс индыны тіянлы веськыдлуныслысь туйсӧ, а ті сылы энӧ эскӧй. Вот перйысьяс да кырсалысь аньяс эскисны сылы. Ті весиг тайӧс аддзылӧм бӧрын энӧ бергӧдчӧй мыжъяссьыныд да энӧ эскӧй сылы».

Матвей 14:4

Ӧд Иоан ӧлӧдліс Ирӧдӧс: «Вок гӧтырыдкӧд тэныд оз позь овнытӧ».

Даниил 5:18

Ӧксыӧй, Медвылысса Ен сетіс тэнад Навукодоносор батьлы юралӧм, ыджыдалан вын да ошкӧм-нимӧдӧм.

Исай 26:10

Лёк вӧчысь дінӧ кӧ бурсьӧлӧмтчасны, сійӧ оз велӧдчы веськыда овны. Веськыда олысьяслӧн му вылын сійӧ водзӧ кутас лёксӧ вӧчны, оз аддзы, мый Господь ыджыдалӧ.

Исай 13:11

Ме, Господь, мыжда муюгыдсӧ лёк вӧчӧмсьыс, мыжаясӧс – налӧн мыжсьыныс. Вылӧ кыпӧдчысьяслӧн вывтіасьӧмлы Ме пукта пом, дзескӧдысьяслысь ышнясьӧмсӧ Ме путкыльта.

Исай 14:13

Тэ мӧвпалін: «Ме кыпӧдча енэжас, сувтӧда ассьым юралан пуклӧсӧс Енлӧн кодзувъясысь вылӧджык на, ме пукся енъяслӧн керӧс вылӧ, ылі войвыв керӧс йылӧ.