Даниил 4:19 - Коми Библия 2023

¹⁹ Ӧксыӧй, тэ – тайӧ пуыс. Тэ лоин ыджыд да вына, тэнад ыджыдалӧмыд инмӧ енэжӧдзыс, тэнад юралӧмыд паськалӧ му помӧдзыс.

Даниил 4:19 Referans Kwoze

Даниил 8:27

Ме, Даниил, дзикӧдз эбӧсысь уси да виси некымын лун чӧж. Сэсся чеччи да бара понді кесъявны ӧксылы. Сійӧ, мый ме аддзылі, ёна чуймӧдіс менӧ, и гӧгӧрвоны эг вермы.

Даниил 7:28

Та вылын помасьӧ менам висьталӧмӧй. Ме, Даниил, ёна повзи, мӧвпъясӧй повзьӧдісны менӧ, весиг чужӧмӧй кельдӧдіс. Но сійӧс, мый вӧлі восьтӧма меным, ме видзи аслам сьӧлӧмын.

Даниил 4:24

Та вӧсна, ӧксыӧй, кывзы менсьым туйдӧдӧмӧс. Аслад мыжъясысь вештысь веськыда вӧчӧмнад, аслад лёк вӧчӧмъясысь – гӧльяс дінӧ буралӧмнад. Сэки, гашкӧ, водзӧ кутан бура овны».

Еремей 4:19

– Меным зэв сьӧкыд, менам сьӧлӧмӧй висьӧ дойысь, сійӧ ставнас тіралӧ, ме ог вермы чӧв овны. Ме кыла буксан шы – тыш вылӧ чуксалӧм.

Ӧксыяслӧн 1 небӧг 3:17

Илий юаліс: «Мый Енмыс висьталіс тэныд? Эн дзеб меысь. Мед Енмыс ёна мыждас тэнӧ, он кӧ висьтав меным ставсӧ».

Аввакум 3:10

Тэнӧ аддзӧмысь керӧсъяс вӧрзьӧны, сувтса зэр енэжсянь ыльӧбтӧ, пыдӧстӧм ваыс равӧстӧ, ассьыс ыджыд гыяссӧ кыпӧдӧ.

Даниил 7:15

Ме, Даниил, шӧйӧвоши. Тайӧ аддзылӧмъясыс повзьӧдісны менӧ.

Даниил 5:12

Ӧд тайӧ Даниил пытшкас, кодӧс ӧксы нимтіс Белтешацарӧн, эм ыджыд мывкыдлун, вежӧрлун да сямлун гӧгӧрвоӧдны вӧтъяс, восьтны гусяторъяс да сьӧкыдлунъяс дырйи разьны гӧрӧдъяс. Мед корасны Даниилӧс гӧгӧрвоӧдны гижӧмасӧ».

Даниил 2:26

Ӧксы шуис Данииллы, кодӧс нимтісны Белтешацарӧн: «Верман-ӧ тэ висьтавны меным, мый ме аддзылі вӧтын, да гӧгӧрвоӧдны сійӧс?»

Даниил 1:7

Ыджыд чинаясӧн веськӧдлысь сетіс налы выль нимъяс: Даниилӧс нимтіс Белтешацарӧн, Хананейӧс – Шадракӧн, Мисаэлӧс – Мешакӧн, Азарийӧс – Аведнегоӧн.

Еремей 29:7

Сійӧ карыслы, кытчӧ Ме мӧдӧді тіянӧс пленӧ, сиӧй бурсӧ. Кевмысьӧй Господьлы сійӧ карыс вӧсна, ӧд сэні кӧ лоӧ бур олӧм, сэки и тіянлы бур лоӧ.

Ӧксыяслӧн 3 небӧг 18:7

Авдийлы туй вылас паныдасис Илля. Авдий тӧдіс сійӧс. Муӧдзыс копыртчӧмӧн Авдий шыасис: «Тэ-ӧ тайӧ, Илля, менам ыджыдӧй?»

Ӧксыяслӧн 1 небӧг 26:15

Давид шуис Авенирлы: «Тэ ӧд вына морт, тэ кодь мӧдыс оз сюр Израильын. Мыйла нӧ тэ он видз ӧксытӧ, ассьыд ыджыдтӧ? Ӧд быдӧн, коді кӧсъяс, вермас локны да вины сійӧс. Тадзи вӧлі нин.

Ӧксыяслӧн 1 небӧг 24:8

Тайӧ кывъяснас Давид ӧлӧдіс ассьыс йӧзсӧ да эз лэдз уськӧдчыны Саул вылӧ. Саул петіс кырта горсйысь да мӧдӧдчис водзӧ.

Ӧксыяслӧн 1 небӧг 1:15

Мӧдыс вочавидзис: «Ыджыдӧй, вина-сур ме эг ю. Ме зэв шудтӧм ань, та вӧсна сьӧлӧмӧс ме личӧді Господь водзын.

Петӧм 32:32

Прӧстит налысь мыжсӧ, а он кӧ, вушты менсьым нимӧс Аслад небӧгысь».

Олӧм 32:18

сэк шу: ”Тэнад Яков кесйӧглӧн. Сійӧ ыстӧ козин тэныд, аслас Исав ыджыдлы. Ачыс Яков локтӧ миян бӧрся”».

Олӧм 31:35

Ракель шуис аслас батьыслы: «Эн скӧрмы, ыджыдӧй, мый ог вермы сувтны тэ водзӧ. Менам ӧні сійӧ, мый аньяслӧн овлӧ быд тӧлысьӧ». Лаван корсис [чом пасьталаысь], но эз аддзы гортса бӧлбанъяссӧ.

Олӧм 40:12

Ӧсип шуис сылы: «Тайӧс колӧ гӧгӧрвоны тадзи. Куим вожыс – тайӧ куим лун.

Даниил 2:37

Ӧксыӧй, тэ – ӧксыяслӧн ӧксы. Енэжвывса Енмыс сетіс тэныд юралӧм, ыджыдалӧм, вын да нималӧм.

Даниил 5:18

Ӧксыӧй, Медвылысса Ен сетіс тэнад Навукодоносор батьлы юралӧм, ыджыдалан вын да ошкӧм-нимӧдӧм.

Даниил 5:19

Сылӧн ыджыдалан вынысь, мый сетіс сылы Енмыс, полісны-тіралісны войтыръяс, чужанкотыръяс да быд кыла йӧз. Кодӧс ӧксы кӧсйис, сійӧс и виис, кодӧс кӧсйис, сійӧс ловйӧн колис, кодӧс кӧсйис, сійӧс кыпӧдіс, кодӧс кӧсйис, сійӧс лэдзис.