Даниил 4:18 - Коми Библия 2023

¹⁸ Сылӧн коръясыс вӧліны мичаӧсь, сы вылын вотӧсыс вӧлі уна, и сысянь пӧткӧдчисны ставныс. Сы улын олісны пемӧсъяс, сылӧн вожъяс вылын поздысьлісны енэжвывса лэбачьяс.

Даниил 4:18 Referans Kwoze

Даниил 5:15

Ме дінӧ вайӧдлісны тӧдысьясӧс да кимӧститчысьясӧс, медым лыддьыны тайӧ гижӧмасӧ да гӧгӧрвоӧдны сійӧс меным, но найӧ эз вермыны гӧгӧрвоӧднысӧ.

Олӧм 41:8

Асывнас фараон пондіс майшасьны. Сійӧ корис египетса тӧдысьясӧс да мывкыда йӧзӧс и висьталіс налы ассьыс вӧтсӧ. Но некод эз куж гӧгӧрвоӧдны фараонлысь вӧтсӧ.

Даниил 5:8

Локтісны ӧксылӧн тӧдысьясыс, но эз вермыны лыддьыны гижӧмасӧ, эз вермыны гӧгӧрвоӧдны сійӧс ӧксылы.

Олӧм 41:15

Фараон шуис Ӧсиплы: «Некод оз вермы гӧгӧрвоӧдны менсьым вӧтӧс, а тэ йылысь ме кывлі, мый тэ кужан».

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Даниил 2:7

Найӧ мӧдысь шуисны: «Ӧксыӧй, висьтав миянлы, аслад кесйӧгъяслы, вӧттӧ, и ми гӧгӧрвоӧдам сійӧс».

Исай 19:3

Египетсалӧн ловныс жебмас. Ме торка налысь мӧвпыштӧмасӧ, и найӧ шыасясны туйдӧдӧмла идолъяс да тшыкӧдчысьяс дінӧ, кулӧмаӧс корысьяс да туналысьяс дінӧ.

Олӧм 40:12

Ӧсип шуис сылы: «Тайӧс колӧ гӧгӧрвоны тадзи. Куим вожыс – тайӧ куим лун.

Даниил 1:20

Быд пӧрйӧ, кор ӧксы юасис налысь мый йылысь кӧ, мый вылӧ колана вӧлі мывкыдлун да сюсь вежӧр, сійӧ аддзис, мый найӧ вӧліны дас пӧв мывкыдаӧсь сылӧн муас олысь став туналысь да кимӧститчысь дорысь.

Даниил 2:38

Енмыс сетіс тэнад кипод улӧ быдлаын олысь йӧзӧс, мувывса пемӧсъясӧс, енэжвыв лэбачьясӧс да сувтӧдіс тэнӧ на вылын ыджыдӧн. Зарни юрыс – тайӧ тэ.