Даниил 4:12 - Коми Библия 2023

¹² Но мырсӧ вужъяснас кольӧй муас, дорӧй сійӧс кӧрт да ыргӧн чепъясӧн. Енэжвывса лысваыс мед кӧтӧдас сійӧс видз вылын, пемӧсъяскӧд ӧтлаын мед олас турун пӧвстын.

Даниил 4:12 Referans Kwoze

Лука 13:19

Енлӧн Юралӧмыс муӧ кӧдзӧм горчица тусь кодь. Сійӧ быдмӧ да лоӧ пу кодь ыджыд, весиг енэжвыв лэбачьяс поздысьӧны вожъясас».

Езекиль 17:23

Израильса джуджыд керӧс вылын сійӧ пашкыртчас-быдмас, сетас коль, лоас ыджыдсьыс-ыджыд сус пуӧн. Сылӧн увъяс вылас поздысясны лэбачьяс, вожъяслӧн вуджӧр улӧ вӧчасны аслыныс оланін.

Бӧрданкыв 4:20

Дзескӧдысьлӧн налькйӧ шедіс ӧксыным, Господьлӧн мавтыштӧмаыс, олӧмным да ловшыным. А ми чайтім, мый сылӧн сайӧд улын олам войтыръяс пӧвстын.

Марк 13:32

Сійӧ лунсӧ да сійӧ кадсӧ некод оз тӧд. Анделъяс оз тӧдны, весиг Пиыс оз тӧд, сӧмын Батьыс тӧдӧ.

Матвей 13:32

Став кӧйдыссьыс сійӧ медпосни. Сійӧ быдмӧ да лоӧ пу кодь, став пуктассьыс ыджыд, весиг енэжвыв лэбачьяс поздысьӧны вожъясас».

Марк 4:32

Кӧдзӧм бӧрас быдмӧ да став пуктассьыс ыджыд лоӧ, весиг енэжвыв лэбачьяс вермӧны поздысьны гырысь вожъясыслӧн вуджӧр улӧ».

Езекиль 31:17

Ӧд сус пуыскӧд лэччисны пыдӧстӧминӧ шыпурт помысь кулӧмаяс пӧвстӧ тшӧтш найӧ, кодъяс войтыръяс пӧвстысь ёртасисны сыкӧд да дзебсясисны сылӧн вуджӧр улын.

Даниил 4:14

Тадзи лоӧ андел-видзысьяслӧн тшӧктӧм серти, вежа анделъяслӧн шуӧм серти, мед ловъя олысьяс тӧдісны, мый Медвылыссаыс ыджыдалӧ мувывса став йӧзыс вылын, пуктӧ ӧксыӧ, кодӧс кӧсйӧ, пуктӧ юралысьӧ йӧз пӧвстысь медічӧтсӧ.

Иов 12:24

Войтыръяслӧн юралысьяслысь вежӧрсӧ босьтӧ, кольӧ найӧс шӧйтны овтӧминын, кӧні туйыс абу.

Иов 14:7

Весиг пулӧн эм лача: сійӧс кӧ керыштасны, сійӧ бара кутас быдмыны, сылӧн выль вожъясыс петасны.

Иов 14:9

но сюрӧ кӧ сылы ватор, сійӧ вежӧдас, том пу моз лэдзас выль вожъяс.