Даниил 3:4 - Коми Библия 2023

⁴ Сэки юӧртысь гораа горӧдіс: «Кывзӧй, войтыръяс, чужанкотыръяс да быд кыла йӧз!

Даниил 3:4 Referans Kwoze

Даниил 6:25

Та бӧрти Дарий ӧксы гижис став му вылас олысь войтыръяслы, чужанкотыръяслы да быд кыла йӧзлы: «Лӧнь олӧмыс мед содас тіянлы!

Даниил 4:1

Ме, Навукодоносор, лӧня олі аслам керкаын, ме вӧлі шуда аслам ӧксы керкаын.

Микей 6:16

Ті вӧчанныд Омрилӧн тшӧктӧмъяс серти, оланныд Ахав рӧд моз, ветланныд налӧн лёк туйӧд. Та вӧсна Ме кушта карнытӧ, сэні олысьясӧс серамвыв лэпта. Менам войтырӧй вӧсна ті кутанныд нуны янӧдӧмсӧ.

Осий 5:11

Ефремӧс лямӧдӧма, веськыда мыждӧмыс пасьвартӧма сійӧс, ӧд сійӧ шуис овны мортлӧн тшӧктӧмъяс серти.

Даниил 4:14

Тадзи лоӧ андел-видзысьяслӧн тшӧктӧм серти, вежа анделъяслӧн шуӧм серти, мед ловъя олысьяс тӧдісны, мый Медвылыссаыс ыджыдалӧ мувывса став йӧзыс вылын, пуктӧ ӧксыӧ, кодӧс кӧсйӧ, пуктӧ юралысьӧ йӧз пӧвстысь медічӧтсӧ.

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Исай 40:9

Сион, бур юӧр вайысь, кыпӧдчы джуджыд керӧс вылӧ! Ерусалим, бур юӧр вайысь, висьтавлы гора шыӧн! Эн пов, висьтавлы иудаса каръяслы: «Со, тіян Енныд!»

Эсфир 8:9

Коймӧд сиван тӧлысьлӧн кызь коймӧд лунӧ чукӧртісны ӧксылысь гижалысьясӧс. Мардокейлысь тшӧктӧмсӧ гижисны иудейяслы, ыджыдалысьяслы, сатрапъяслы да ӧксыув муясын юралысьяслы Индиясянь Эфиопияӧдз, сё кызь сизим муӧ – быдлаӧ сэні олысьяслӧн шыпасъясӧн да быд войтырлӧн чужан кыв вылын. Иудейяслы тшӧтш гижисны налӧн шыпасъясӧн да налӧн кыв вылын.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.

Даниил 3:3

Сатрапъяс, ӧксыув муясын юралысь-веськӧдлысьяс, ӧксыӧс туйдӧдысьяс, озырлун видзысьяс, ёрдысьяс да чина йӧз чукӧртчисны, медым гажӧдчӧмӧн нимӧдны Навукодоносор ӧксыӧн сувтӧдӧм бӧлбанӧс. Найӧ ставныс сувтісны бӧлбан водзӧ.

Даниил 3:7

Та вӧсна буксанлысь, пӧлянлысь, цитралысь, гуслилысь, арфалысь да мукӧд ворсанторлысь шысӧ кылігӧн войтыръяс, чужанкотыръяс да быд кыла йӧз кымынь уськӧдчӧмӧн копыртчылісны зарни бӧлбанлы, кодӧс сувтӧдіс Навукодоносор ӧксы.

Даниил 3:10

Ӧксыӧй, тэ сетін сэтшӧм тшӧктӧм, мый быд морт, коді кылас буксанлысь, пӧлянлысь, цитралысь, гуслилысь, арфалысь, тутсанлысь да мукӧд ворсанторлысь шысӧ, мед кымынь уськӧдчӧмӧн копыртчылас зарни бӧлбанлы,