Даниил 3:2 - Коми Библия 2023

² Сійӧ тшӧктіс чукӧртны сатрапъясӧс, ӧксыув муясын юралысь-веськӧдлысьясӧс, ӧксыӧс туйдӧдысьясӧс, озырлун видзысьясӧс, ёрдысьясӧс да чина йӧзӧс, медым гажӧдчӧмӧн нимӧдны бӧлбанӧс.

Даниил 3:2 Referans Kwoze

Даниил 3:27

Тэ ставсӧ веськыда вӧчин миянкӧд, Тэнад уджъясыд веськыдӧсь, Тэнад туйясыд збыльӧсь, Тэнад мыждӧмыд веськыд.

Шусьӧгъяс 29:12

Юралысь кӧ кывзӧ ылӧг сёрнияс, сылӧн кесъялысьясыс лёксӧ вӧчны кутасны.

Ӧксыяслӧн 3 небӧг 12:32

Сійӧ индіс, мый кӧкъямысӧд тӧлысьлӧн дас витӧд лунӧ лоӧ гаж, Иуда муын кодь пасъян гаж. Вефильӧ сувтӧдӧм висьпуктанін вылын Еровам вайис висьяс вӧчӧм ӧшъяслы да индіс попъясӧс, медым найӧ кесъялісны вись ваян мылькъяс вылын.

Ёрдысьяс 16:23

Филистимса юралысьяс чукӧртчисны, медым гажӧдчыны да вайны уна вись асланыс Дагон енлы. Найӧ шуалісны, миян енным пӧ сетіс миян киӧ Самсонӧс, вӧрӧгнымӧс.

Лыд 25:2

Моавса нывъяс корлывлісны израильса айуловӧс сёйны асланыс енъяслы вайӧм висьяс. Найӧ сёйлісны да юрбитлісны моавсаяслӧн енъяслы.

Восьтӧм 17:2

Мувывса ӧксыяс кырсалісны сыкӧд, а мувывса олысьяс винаысь моз коддзылісны сылӧн кырсалӧмысь».

Даниил 3:3

Сатрапъяс, ӧксыув муясын юралысь-веськӧдлысьяс, ӧксыӧс туйдӧдысьяс, озырлун видзысьяс, ёрдысьяс да чина йӧз чукӧртчисны, медым гажӧдчӧмӧн нимӧдны Навукодоносор ӧксыӧн сувтӧдӧм бӧлбанӧс. Найӧ ставныс сувтісны бӧлбан водзӧ.