Даниил 2:9 - Коми Библия 2023

⁹ Ті кӧ онӧ висьталӧй меным вӧтӧс, тіянӧс ставнытӧ виччысьӧ индӧд серти мыждӧм. Ті сёрнитчӧмныд ылӧдлыны да пӧрйӧдлыны менӧ, виччысянныд, мый мыйкӧ вежсяс. Висьталӧй менсьым вӧтӧс, сэки ме тӧдмала, мый ті сямманныд гӧгӧрвоӧдны сійӧс».

Даниил 2:9 Referans Kwoze

Даниил 7:25

Сійӧ кутас сёрнитны Медвылыссалы паныд, кутас дзескӧдны Медвылыссалысь вежа войтырсӧ. Сійӧ мӧвпыштас вежны вежа войтырлысь гажӧдчан лунъяссӧ да Индӧдсӧ. Вежа войтырӧс лоӧ сетӧма сылӧн кипод улӧ ӧти кадколаст кежлӧ, сэсся кык кадколаст кежлӧ да нӧшта кадколаст джын кежлӧ.

Даниил 2:21

Сійӧ вежлалӧ кадъяс да вояс, вештӧ ӧксыясӧс да сувтӧдӧ выльясӧс, мывкыдаяслы Сійӧ сетӧ мывкыдлун, вежӧраяслы – вежӧрлун.

Исай 41:23

висьталӧй локтанаыс йылысь, сэки ми тӧдмалам, мый ті – енъяс. Вӧчӧй бурсӧ либӧ лёксӧ, медым тайӧс аддзӧмысь миянӧс ставнымӧс полӧм босьтіс.

Эсфир 4:11

«Ставныс, кодъяс кесъялӧны ӧксылы, да став войтырыс, кодъяс олӧны сылӧн муын, тӧдӧны, мый быдӧнӧс, айуловӧс и аньӧс, коді кортӧг пырас ӧксы дінӧ пытшкӧс йӧрас, виччысьӧ кулӧм. Но ӧксы кӧ нюжӧдас пырысьлань зарни бедьсӧ, сійӧ ловйӧн коляс. А менӧ ӧксы комын лун нин эз корлы ас дінас».

Даниил 5:28

”У-парсин” – тэнсьыд мутӧ лоӧ юкӧма кык пельӧ да сетӧма Мидия да Персия войтыръяслы».

Даниил 3:15

Но талунсянь лоӧй дасьӧсь. Кор ті кыланныд буксанлысь, пӧлянлысь, цитралысь, гуслилысь, арфалысь, тутсанлысь да мукӧд ворсанторлысь шысӧ, сэки кымынь уськӧдчӧмӧн копыртчылӧй меӧн сувтӧдӧм бӧлбанлы. А онӧ кӧ копыртчылӧй, тіянӧс дзик пыр шыбитасны ыпъялысь пачӧ. Кутшӧм Ен сэки вермас мездыны тіянӧс менам киысь?»

Езекиль 13:6

Найӧ аддзӧны абутӧмсӧ, юӧртӧны ылӧгсӧ. Шуӧны, Господь пӧ висьталӧ, но Господь найӧс эз мӧдӧдлы. Та вылӧ видзӧдтӧг найӧ виччысьӧны, мый шуӧм кывныс инас.

Исай 44:25

Ме нинӧмӧ бергӧда ылӧгпророкъяслысь индысьпасъяссӧ, эрдӧда туналысьяслысь йӧйталӧмсӧ, шӧйӧвошта тӧдысьясӧс, налысь тӧдӧмлунсӧ вӧча нинӧмӧн.

2 Коринфӧ 2:17

Мукӧдыс моз ми огӧ висьтавлӧй Енлысь кывсӧ дон вылӧ. Ми висьтавлам сійӧс Ен водзын веськыда, ӧд ми – Кристослӧн кесъялысьяс да Енсянь мӧдӧдӧмаяс.

Даниил 5:31

а ӧксыӧ пуктісны мидияса Дарийӧс, кодлы вӧлі квайтымын кык арӧс.

Езекиль 13:19

Китыр ид да нянь шӧрӧм вӧсна войтырӧй водзын Менӧ янӧданныд. Мортлы, кодлы абу на кад кувны, висьталанныд, мый сійӧ кулас, а мортлы, кодлы абу шуӧма овны, кӧсйысянныд олӧм. И Менам войтырӧй кывзӧ тіянлысь ылӧг висьталӧмнытӧ!

Езекиль 13:17

Морт пиӧй, бергӧд чужӧмтӧ аслад войтырлӧн нывъяслань, кодъяс ассяньныс пророкалӧны. Пророкав налы паныд,

Шусьӧгъяс 12:19

Збыльсӧ висьталысьыд пыр лоӧ, ылӧгсӧ сёрнитысьыд дыр оз ов.

Ӧксыяслӧн 3 небӧг 22:22

”Ме муна да кута висьтавлыны ылӧгсӧ сылӧн пророкъяс пыр”, – вочавидзис лов. Господь шуис: ”Ылӧдлы. Тэнад артмас. Мун да вӧч тадзи!”

Ӧксыяслӧн 3 небӧг 22:6

Израильса ӧксы чукӧртіс нёльсё гӧгӧр пророкӧс да юаліс налысь: «Мый шуанныд, уськӧдчыны-ӧ меным галаадса Рамот кар вылӧ?» Пророкъяс вочавидзисны: «Уськӧдчы. Господь сетас сійӧс тэнад киӧ, ӧксыӧй».

Даниил 2:8

Ӧксы вочавидзис налы: «Ме тӧда, мый ті нюжӧданныд кадсӧ, ӧд ті тӧданныд менсьым шуӧмӧс.

Даниил 2:16

Даниил муніс ӧксы дінӧ да корис сетны кад, медым гӧгӧрвоӧдны ӧксылысь вӧтсӧ.