Даниил 2:45 - Коми Библия 2023

⁴⁵ Сійӧн тэ и аддзылін, мый изйыс чуктіс керӧсысь морт ки отсӧгтӧг да жугӧдіс кӧртсӧ, ыргӧнсӧ, сёйсӧ, эзысьсӧ да зарнисӧ. Ыджыд Ен сетіс тӧдны ӧксылы, мый лоӧ локтана кадӧ. Тайӧ вӧтыс збыль, и сійӧс гӧгӧрвоӧдӧмыс веськыд».

Даниил 2:45 Referans Kwoze

Исай 28:16

Та вӧсна Господь Ыджыдыс тадзи висьталӧ: – Сионӧ Ме пукта подув из. Сійӧ – пельӧс из, кодӧс Ме бӧрйи. Сійӧ – дона из, сулалӧ зумыда. Сылы эскысь оз янав.

Олӧм 41:32

А мый фараон кыкысь вӧтасис, сідзкӧ, Енмыс збыльысь тадзи шуӧма, и регыдӧн Сійӧ ставсӧ збыльмӧдас.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Псалтыр 48:1

Сьылысьясӧн веськӧдлысьлы. Корей пиянлӧн псалом.

Ӧксыяслӧн 2 небӧг 7:22

Господьӧй Ыджыдӧй, Тэ – ыджыд Ен! Тэ кодь мӧдыс абу! Тэысь кындзи мӧд Енмыс абу! Тэ йылысь висьталӧ ставыс, мый ми кывлім.

Индӧд 10:17

Ӧд Господь, тіян Енныд, – енъяслӧн Ен да ыджыдъяслӧн Ыджыдыс. Сійӧ ыджыд, вына да повзьӧдана, Сійӧ оз видзӧд чужӧм вылӧ, козинъяс оз босьт.

Олӧм 41:28

Енмыс петкӧдліс фараонлы, мый кутас вӧчны. Та йылысь ме висьталі нин.

Восьтӧм 19:17

Сэсся ме аддзи шонді вылын сулалысь анделӧс. Сійӧ гораа горӧдіс став лэбачыслы, кодъяс лэбисны енэж шӧрӧдыс: «Локтӧй-чукӧртчӧй Енлӧн ыджыд гаж вылӧ!

Восьтӧм 4:1

Сэсся ме видзӧдлі енэжас да аддзи сэтысь восьса ӧдзӧс. Сэсянь ме кылі гӧлӧс шы, сійӧ вӧлі труба шы кодь. Тайӧ гӧлӧс шысӧ ме водзынджык кывлі нин. Сійӧ шуис меным: «Кыпӧдчы татчӧ! Ме петкӧдла тэныд, мый лоӧ та бӧрти».

Восьтӧм 1:19

Сідзкӧ, гиж, мый аддзылін, мый эм да мый лоӧ бӧрыннас.

Лука 17:20

Фарисейяс юалісны, корджык воас Енлӧн Юралӧмыс. Исус вочавидзис: «Енлӧн Юралӧмыс оз во тыдалана ногӧн.

Матвей 24:35

Енэжыс да муыс бырас, а Менам кывъясӧй оз бырны.

Матвей 21:24

Исус воча шуис: «Ме тшӧтш тіянлысь ӧтитор юала. Вочавидзанныд кӧ, висьтала, кутшӧм вынӧн ставсӧ тайӧс вӧча.

Закар 12:3

Сійӧ лунӧ, кор войтыръяс чукӧртчасны Ерусалимлы паныд, Ме вӧча Ерусалимӧс налы сьӧкыд изйӧн. Коді вӧрзьӧдас изсӧ, асьсӧ вирӧдз дойдалас.

Даниил 2:44

Тайӧ юралӧмас ыджыдалысь ӧксыяс дырйи енэжвывса Ен сувтӧдас сэтшӧм юралӧм, кодӧс оз ло бырӧдӧма и оз ло сетӧма мукӧд войтырлы. Тайӧ юралӧмыс жугӧдас да бырӧдас став воддза юралӧмсӧ, а ачыс лоӧ зумыд нэмъяс чӧж.

Даниил 2:24

Та бӧрти Даниил муніс Ариок дінӧ, кодӧс ӧксы мӧдӧдіс виавны вавилонса тӧдысьясӧс. Даниил шуис сылы: «Эн виав вавилонса тӧдысьясӧс. Нуӧд менӧ ӧксы дінӧ, и ме гӧгӧрвоӧда сылы вӧтсӧ».

Псалтыр 145:3

Энӧ кутӧй лачанытӧ юралысь вылӧ, морт вылӧ, коді оз вермы мездыны.

Псалтыр 135:5

Сійӧ бур мывкыдӧн вӧчис енэжъяс, Сылӧн буралӧмыс оз помасьлы.

Псалтыр 96:4

Сылӧн чардбиыс югзьӧдлӧ муюгыдсӧ, муыс аддзӧ тайӧс да сыркмунлӧ.

Иов 36:26

Енмыс сэтшӧм ыджыд, ми огӧ вермӧй тӧдмавны Сійӧс, огӧ вермӧй артавны Сылысь вояссӧ.

Неемий 9:32

Миян Енмӧй, Тэ ыджыд, вына да повзьӧдана Ен, Тэ видзан Ассьыд йитӧдтӧ да буралӧмтӧ! Видзӧдлы став сьӧкыдлуныс вылӧ, мый суис миянӧс, миянлысь ӧксыясӧс да юралысьясӧс, попъясӧс да пророкъясӧс, батьяснымӧс да Тэнсьыд став войтыртӧ ассурса ӧксыяслӧн веськӧдлан кадсянь да талунъя лунӧдз.

Неемий 4:14

Ставсӧ видзӧдалӧм бӧрын ме шуи нималана йӧзлы, веськӧдлысьяслы да войтырлы: «Энӧ полӧй вӧрӧгысь! Тӧдӧй, мый Господьыс ыджыд да повзьӧдана! Тышкасьӧй вокъясныд, ныв-пиныд, гӧтыръясныд да керкаясныд вӧсна!»

1 Каднебӧг 16:25

Ошкӧй Господьӧс, ӧд Сійӧ ыджыд, мукӧд енмыс дорысь медъёна Сыысь колӧ повны.

Даниил 2:28

Но енэжас эм Ен, коді восьтӧ гусяторъяс. Сійӧ петкӧдліс Навукодоносор ӧксылы, мый лоӧ бӧръя кадӧ. Со мый тэ аддзылін вӧтнад, кор тэ куйлін вольпасяд.

Даниил 2:29

Ӧксыӧй, вольпасяд тэ мӧвпалін, мый лоӧ локтана кадӧ. И гусяторсӧ Восьтысь петкӧдліс тэныд тайӧс.

Даниил 8:25

Вежӧрлун да наянлун вӧсна сылӧн ставыс кутас артмыны, и сійӧ асьсӧ вылӧ кыпӧдас. Виччысьтӧг сійӧ унаӧс бырӧдас, тшӧтш ыджыдъяслӧн Ыджыдлы паныд кыпӧдчас. Но тайӧ ӧксысӧ лоӧ бырӧдӧма, сӧмын оз морт киӧн.

Олӧм 41:26

Вердаса сизим мӧскыс – сизим во. И сизим бур шептыс – тшӧтш сизим во. Вӧтъяслӧн вежӧртасыс ӧти.

Псалтыр 2:9

Тэ бырӧдан войтыръясӧс кӧрт беддьӧн, сёй дозмукӧс моз жуглан найӧс торпыригӧдз».

Аггей 2:22

путкыльта ӧксыяслысь юралан пуклӧснысӧ, мукӧд войтыръясӧс вӧча вынтӧмӧн. Ме путкыльта тарантасъяс да сэні пукалысьясӧс, вӧвъяс да верзьӧмаяс усясны тышын.