Даниил 2:25 - Коми Библия 2023

²⁵ Ариок дзик пыр вайӧдіс Даниилӧс ӧксы дінӧ да шуис сылы: «Пленӧ босьтӧм Иуда войтыр пӧвстысь ме аддзи мортӧс, коді вермас гӧгӧрвоӧдны ӧксылы вӧтсӧ».

Даниил 2:25 Referans Kwoze

Даниил 6:13

Сэки найӧ шуисны ӧксылы: «Иуда муысь пленӧ вайӧдӧм Даниил нинӧмӧ пуктӧ тэнӧ, ӧксыӧй. Сійӧ нинӧмӧ пуктӧ тэнсьыд кырымалӧм тшӧктӧмтӧ, куимысь луннас кевмысьӧ аслас Енлы».

Даниил 5:13

Сэки Даниилӧс вайӧдісны ӧксы дінӧ, и ӧксы шуис сылы: «Тэ-ӧ сійӧ Даниилыс, кодӧс Иуда муысь пленӧ босьтӧмаяскӧд вайӧдіс ӧксы, менам батьӧй?

Даниил 1:6

Бӧрйӧм зонъяс пӧвстын вӧліны Даниил, Хананей, Мисаэл да Азарий. Ставныс найӧ вӧліны Иуда чужанкотырысь.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Шусьӧгъяс 24:11

Мезды мыжтӧм мортӧс, кодӧс нуӧдӧны вины, дорйы кулӧм вылӧ мыждӧмаӧс.

Неемий 7:6

Иуда муысь йӧз, кодъясӧс вавилонса Навукодоносор ӧксы коркӧ нуӧдліс пленӧ, ӧні бӧр локтісны Ерусалимӧ да Иуда муӧ – быдӧн аслас карӧ.

Олӧм 41:14

Фараон мӧдӧдіс Ӧсипла. Сійӧс пырысьтӧм-пыр вайӧдісны дзескыдінысь. Ӧсип шырсис, вежсис да локтіс фараон дінӧ.