Даниил 12:12 - Коми Библия 2023

¹² Шуда сійӧ, коді помӧдзыс виччысяс сюрс да куимсё комын вит лунсӧ.

Даниил 12:12 Referans Kwoze

Даниил 8:14

Мӧдыс вочавидзис меным: «Тайӧ нюжалас кык сюрс куимсё рыт да асыв, сэсся вежаинсӧ лоӧ сӧстӧммӧдӧма».

Исай 30:18

Но Господь виччысьӧ, медым буравны тіян дінӧ, Сійӧ кыпӧдчӧ, медым бурсьӧлӧмтчыны тіян дінӧ. Ӧд Господь – веськыда мыждысь Ен. Шудаӧсь Сы вылӧ лача кутысьяс!

Восьтӧм 20:4

Сэсся ме аддзи юралан пуклӧсъяс. Сэні пукалысьяслы вӧлі сетӧма мыждан вын. Ме аддзи ловъяссӧ налысь, кодъяслысь юрсӧ керыштісны Исус йылысь висьталӧм вӧсна да Ен кыв вӧсна. Найӧ эз копыртчывны зверлы да сылӧн серпаслы, эз сибӧдны зверлысь пассӧ плешканыс да кианыс. Найӧ ловзисны да юралісны Кристоскӧд сюрс во чӧж.

Римӧ 11:15

Найӧс ӧтдортӧмыс кӧ вайис бурасьӧм муюгыдыслы, сэки мый ваяс найӧс сибӧдӧмыс? Оз-ӧ кулӧмысь ловзьӧм?

Восьтӧм 11:2

Крамлысь ортсы йӧрсӧ эн муртав, сійӧс оз ков муртавны, ӧд сійӧс сетӧма ентӧдтӧмъяслы. Найӧ кутасны талявны вежа карсӧ нелямын кык тӧлысь чӧж.

Восьтӧм 12:6

А аньыс пышйис овтӧминӧ. Сэні Енмыс дасьтӧма вӧлі оланін, медым вердны тайӧ аньсӧ сюрс кыксё квайтымын лун чӧж.

Восьтӧм 13:5

Зверлы вӧлі сетӧма позянлун тшапа сёрнитны да омӧльтны Енмӧс лёкӧдана кывъясӧн. Сылы вӧлі сетӧма вын вӧчны тадзи нелямын кык тӧлысь чӧж.

Езекиль 4:6

Тайӧс вӧчӧм бӧрын вод веськыд бок вылад да нелямын лун чӧж ну Иуда войтырлысь мыжсӧ. Быд воысь Ме урчита тэныд ӧти лун.