Даниил 11:7 - Коми Библия 2023

⁷ Но тайӧ аньыслӧн чужанвужйысь петӧм морт лоӧ лунвывса ӧксыӧн, и сійӧ петас тышӧ войвывса ӧксылӧн тышкайӧзлы паныд. Сійӧ пырас налӧн изкарӧ, уськӧдчас на вылӧ да вермас найӧс.

Даниил 11:7 Referans Kwoze

Лука 12:20

А Ен шуас сылы: ”Вежӧртӧмӧй, тавой босьтасны тэнсьыд ловтӧ. Кодлы коляс тэнад чӧжӧмаыд?”

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Езекиль 17:18

Иудаса ӧксы нинӧмӧ пуктіс кыв сетӧмсӧ да торкис вавилонса ӧксыкӧд сёрнитчӧмсӧ, мый ки сетӧмӧн вынсьӧдіс. Та вӧсна сійӧ оз пышйы мыждӧмысь.

Еремей 12:2

Тэ пуктін найӧс, и найӧ вужъясисны, найӧ быдмӧны да вайӧны вотӧс. Найӧ сёрнитӧны Тэ йылысь, но сьӧлӧмнаныс ылынӧсь Тэысь.

Исай 11:1

Ессей вужсянь чужас выль петас, сылӧн вужсянь быдмас вотӧса вож.

Исай 9:14

Сэки Господь керыштіс Израильлысь юрсӧ и бӧжсӧ, ӧти лунӧ Сійӧ керыштіс пальма пу и эжӧр.

Иов 14:7

Весиг пулӧн эм лача: сійӧс кӧ керыштасны, сійӧ бара кутас быдмыны, сылӧн выль вожъясыс петасны.

Даниил 11:6

Коляс мыйтакӧ во, и найӧ кӧрталасны йитӧд. Медым вынсьӧдны тайӧ йитӧдсӧ, лунвывса ӧксылӧн нылыс петас верӧс сайӧ войвывса ӧксы сайӧ. Но тайӧ аньыс оз вермы видзны тайӧ йитӧдсӧ, и сылӧн верӧсыс, войвывса ӧксы, воштас юралӧмсӧ. Бӧрынджык тайӧ аньсӧ, сылысь отсасьысьяссӧ да сылысь батьсӧ лоӧ бырӧдӧма.

Даниил 11:40

Бӧръя кадас лунвывса ӧксы петас тышӧ войвывса ӧксылы паныд. Ыджыд тӧвныр моз войвывса ӧксы уськӧдчас сы вылӧ аслас тарантасъясӧн, вӧвъясӧн да корабльясӧн. Ойдӧм ва моз сійӧ ыльӧбтас-уськӧдчас уна му вылӧ.