Даниил 11:25 - Коми Библия 2023

²⁵ Войвывса ӧксы чукӧртас уна лыда тышкайӧзӧс да став выннас повтӧг петас тышӧ лунвывса ӧксылы паныд. Лунвывса ӧксы чукӧртас нӧшта на унджык да вынаджык тышкайӧзӧс, но сылы паныд гуся сёрнитчӧм вӧсна оз вермы войвывса ӧксыӧс.

Даниил 11:25 Referans Kwoze

Даниил 11:2

Ӧні ме висьтала тэныд збыльсӧ. Персия муын пондасны сьӧрсьӧн-бӧрсьӧн юравны нӧшта куим ӧксы, а сэсся лоӧ нёльӧд, и сійӧ лоӧ медся озыр. Озырлуныс вӧчас сійӧс вынаӧн, и став йӧзсӧ сійӧ кыпӧдас Грециялы паныд.

Шусьӧгъяс 28:25

Ыкша мортыд зык-вен пестӧ, Господь вылӧ лача кутысь пондас бура овны.

Шусьӧгъяс 15:18

Скӧралысь мортыд зыксьӧм кӧдзӧ, дӧзмытӧмыд – зык-венсӧ дугӧдӧ.

Даниил 11:10

Сэсся войвывса ӧксылӧн пияныс чукӧртасны уна лыда тышкайӧзӧс, и на пиысь ӧти тайӧ тышкайӧзыскӧд петас тышӧ. Ойдӧм ва моз найӧ ыльӧбтасны-уськӧдчасны лунвывса ӧксылӧн изкар вылӧ.

Даниил 11:5

Лунвывса ӧксы лоӧ зэв вына, но сылӧн тышкайӧзӧн веськӧдлысьяс пӧвстысь ӧти лоӧ сыысь на вынаджык, и тайӧ веськӧдлысьлӧн кипод улын муыс лоӧ лунвывса ӧксылӧн дорысь унджык на.

Даниил 11:40

Бӧръя кадас лунвывса ӧксы петас тышӧ войвывса ӧксылы паныд. Ыджыд тӧвныр моз войвывса ӧксы уськӧдчас сы вылӧ аслас тарантасъясӧн, вӧвъясӧн да корабльясӧн. Ойдӧм ва моз сійӧ ыльӧбтас-уськӧдчас уна му вылӧ.