Даниил 11:17 - Коми Библия 2023

¹⁷ Сійӧ мӧвпыштас уськӧдчыны аслас став тышкайӧзкӧд лунвывса му вылӧ. Медым бырӧдны лунвывса ӧксылысь юралӧмсӧ, войвывса ӧксы кӧрталас йитӧд лунвывса ӧксыкӧд да сетас сылы гӧтыр пыдди нывсӧ. Но войвывса ӧксылӧн мӧвпыштӧмаыс оз артмы, оз вай сылы бурсӧ.

Даниил 11:17 Referans Kwoze

Езекиль 4:7

Видзӧд кытшӧ босьтӧм Ерусалим вылӧ, состӧ пуджӧмӧн кыпӧд веськыд китӧ сылань да пророкав сылы паныд.

Езекиль 4:3

Босьт кӧрт лист, сувтӧд сійӧс тэа-кар костӧ кӧрт стен пыдди да видзӧд карыс вылӧ. Карсӧ кытшӧ босьтӧмыс Израиль войтырлы лоӧ индысьпасӧн.

Ӧксыяслӧн 4 небӧг 12:17

Сійӧ кадас арамейяслӧн Азаил ӧксы уськӧдчис Геф кар вылӧ да босьтіс сійӧс. Лӧсьӧдчис уськӧдчыны тшӧтш Ерусалим вылӧ.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Лука 11:23

Коді абу Мекӧд, сійӧ Меным паныд, коді оз чукӧрт Мекӧд, сійӧ разӧдӧ».

Лука 9:51

Кор матыстчис Исусӧс енэжӧ босьтан луныс, Сійӧ шуис мунны Ерусалимӧ.

Матвей 12:30

Коді абу Мекӧд, сійӧ Меным паныд, коді оз чукӧрт Мекӧд, сійӧ разӧдӧ.

Даниил 11:19

Сэсся войвывса ӧксы бӧр бергӧдчас аслас муӧ да уськӧдчас изкаръяс вылӧ, но сійӧс пасьвартасны, и сійӧ кулас.

Даниил 9:26

Квайтымын кыкысь сизим во мысти Мавтыштӧмаӧс лоӧ виӧма, и Сыкӧд некод оз коль. А карсӧ да вежаинсӧ бырӧдас локтана юралысьлӧн войтырыс. Тайӧ юралысьлӧн помыс лоӧ ва ойдӧм кодь, и тыш помӧдзыс лоӧ пазӧдӧм-бырӧдӧм.

Езекиль 25:2

«Морт пиӧй, бергӧд чужӧмтӧ аммон войтырлань да пророкав налы паныд.

Езекиль 17:17

Кор вавилонсаяс лэптасны Ерусалим кар гӧгӧр тымӧдъяс, медым бырӧдны уна йӧзӧс, фараон аслас уна да вына тышкайӧзыскӧд оз отсав сылы тышын.

Шусьӧгъяс 19:21

Мортыд ас водзас уна мог сувтӧдӧ, но инас сӧмын Господьӧн шуӧмаыс.

Псалтыр 56:9

Садьмы, менам лолӧй, садьмӧй, арфа да гусли! Ме садьмӧда асъя кыасӧ.

2 Каднебӧг 20:3

Иосафат повзис. Сійӧ шыасис Господь дінӧ, а Иуда муын олысьяслы тшӧктіс видзавны.

Аввакум 1:9

Сылӧн тышкайӧзыс локтӧны вины-дзескӧдны, ыджыд вынӧн уськӧдчӧны, саридздор лыа мында йӧзӧс пленӧ босьтӧны.