Даниил 10:9 - Коми Библия 2023

⁹ Сылысь гӧлӧс шысӧ кылігӧн ме садьӧс вошті да кымынь уси муас.

Даниил 10:9 Referans Kwoze

Даниил 8:18

Кор сійӧ сёрнитіс мекӧд, ме садьӧс воштӧм морт моз кымынь куйлі му вылас. Но сійӧ инмӧдчис ме дінӧ да сувтӧдіс менӧ кок йылӧ.

Иов 4:13

Кывйыс локтіс, кор ме мӧвпалі войся аддзылӧм йылысь йӧзыслӧн чорыда узигӧн.

Олӧм 15:12

Шонді лэччигӧн Ӧврам чорыда унмовсис. Ыджыд полӧм сійӧс топӧдіс, сап пемыд вевттис сійӧс.

Лука 22:45

Кевмысьӧм бӧрас Исус чеччис да локтіс велӧдчысьяс дінас. Сійӧ аддзис, мый найӧ шогысла унмовсьӧмаӧсь.

Лука 9:32

Петыр ёртъясыскӧд чорыда узисны. Садьмӧм бӧраныс аддзисны Исуслысь дзирдлунсӧ да Сыкӧд сулалысь кык мортӧс.

Сьылан 5:2

– Ачым узя, а сьӧлӧмӧй оз узь. Кыла – мусукӧй игӧдчӧ. (Зон:) – Чоюкӧй, мусаӧй, сӧстӧм гулюӧй, восьт меным ӧдзӧстӧ! Юрӧй кӧтасис лысвасьыс, юрсиӧй вазис войся уль сынӧдсьыс. (Ныв:)

Иов 33:15

Вӧтын, войся петкӧдчылӧмын, кор мортсӧ унмыс личкӧма нин, кор сійӧ вугыртӧма нин вольпасяс,

Олӧм 2:21

Сэки Господь Ен унмовськӧдіс мортӧс. Кор мортыс чорыда узис, Ен босьтіс сылысь ӧти ордлы, а босьтӧминсӧ тупкис яйӧн.

Восьтӧм 1:17

Сійӧс аддзӧм бӧрын ме кулӧм морт моз уси Сылӧн кок улӧ. Но Сійӧ пуктіс ме вылӧ веськыд кисӧ да шуис: «Эн пов, Ме эм Медводдзаыс и Медбӧръяыс.

Даниил 10:16

Но кодкӧ морт кодь инмӧдчис менам вомдорӧ, и ме понді сёрнитны. Ме шуи ме водзын сулалысьлы: «Ыджыдӧй, сыысь, мый ме аддзылі, менӧ топӧдіс чорыд дой, и ме дзикӧдз вынтӧмми.

Аввакум 3:16

Ме шызьӧмсӧ кылі да, пытшкӧсӧй тіравны пондіс, вомдорӧй вӧрны кутіс, дойыс лыясӧдз пырис, кокӧй дзӧрны пондіс. Но ме лӧня виччыся сійӧ лунсӧ, кор шогыс суас менам войтыр вылӧ уськӧдчысьясӧс.