Бӧрданкыв 4:4 - Коми Библия 2023

⁴ Нёньпом кагаяслӧн горшыс косьмӧ, кывйыс ляскысьӧма горш бердас. Челядь корӧны нянь, но некод налы оз сет.

Бӧрданкыв 4:4 Referans Kwoze

Бӧрданкыв 1:11

Ерусалимын олысьяс ойзӧны, корсьӧны нянь, став озырлунсӧ найӧ вежӧны сёян вылӧ, медым ловйӧн кольны. – Видзӧдлы, Господьӧй! Тэ аддзан, кутшӧма менӧ мустӧмтӧны.

Псалтыр 137:6

Господь олӧ выліын, но рам сьӧлӧмаӧс Сійӧ аддзӧ и вылӧ кыпӧдчысьӧс ылісянь тӧдӧ.

Индӧд 32:24

Тшыгъялӧмысь найӧ нюкыртчасны, кулана висьӧм виас найӧс, пӧрӧс висьӧм бырӧдас. Ме ыста на вылӧ ёсь пиня зверъясӧс да яда змейясӧс.

Лука 10:11

”Буссӧ, мый кӧласис коканым тіян карын, ми бӧр пыркӧдам тіянлы. Тӧдӧй, мый Енлӧн Юралӧмыс матын”.

Индӧд 28:48

Та вӧсна ті кутанныд кесъявны Господьӧн [тіян Енмӧн] ыстӧм вӧрӧгныдлы тшыгъяліганыд да горш косьмиганыд. Ті пасьтӧг колянныд, тіян нинӧм оз ло. Господь сийӧсалас тіянӧс кӧрт сийӧсӧн, кытчӧдз оз бырӧд тіянӧс.

Еремей 14:3

Ыджыдъяс мӧдӧдӧны ассьыныс кесъялысьяссӧ вала, найӧ мунӧны юкмӧс дорӧ, но ваыс сэні абу. Найӧ бӧр локтӧны куш дозъясӧн, найӧ шӧйӧвошӧмаӧсь, яналӧмӧн вевттьӧны юрнысӧ.

Ӧксыяслӧн 4 небӧг 18:27

Но сійӧ вочавидзис: «Менам ыджыдӧй ӧмӧй мӧдӧдіс менӧ висьтавны тайӧ кывъяссӧ сӧмын тэныд да тэнад ӧксыыдлы? Эз! Менӧ мӧдӧдӧма висьтавны тшӧтш карса стен вылын пукалысь йӧзлы, кодъяс регыд тіян моз пондасны сёйны ассьыныс сітсӧ да юны ассьыныс кудзсӧ».

Ӧксыяслӧн 4 небӧг 25:3

Нёльӧд тӧлысьлӧн ӧкмысӧд лунӧ, кор карас войтырыс ёна тшыгъяліс, и налы нинӧм вӧлі сёйнысӧ,

Исай 5:13

Та вӧсна менсьым войтырӧс тӧдлытӧг нуӧдасны пленӧ. Налӧн нималана йӧзыс кутасны тшыгъявны, озыръяс нюкыртчасны горш косьмӧмнысла.