Бӧрданкыв 4:20 - Коми Библия 2023

²⁰ Дзескӧдысьлӧн налькйӧ шедіс ӧксыным, Господьлӧн мавтыштӧмаыс, олӧмным да ловшыным. А ми чайтім, мый сылӧн сайӧд улын олам войтыръяс пӧвстын.

Бӧрданкыв 4:20 Referans Kwoze

Езекиль 12:13

Ме шыбита Ассьым тывйӧс сы вылӧ, и сійӧ веськалас Менам тывйӧ. Ме нуӧда сійӧс Вавилонӧ, калдея войтырлӧн муӧ, но сійӧ оз аддзыв тайӧ мусӧ. Сэні сійӧ кулас.

Еремей 39:5

Но калдеяса тышкайӧз вӧтчисны на бӧрся да суӧдісны Седекейӧс Ерикон кардорса ковтысын. Седекейӧс кутісны да вайӧдісны вавилонса Навукодоносор ӧксы дінӧ Ривлаӧ, Хамат муӧ. Сэні Навукодоносор мыждіс Седекейӧс.

Ӧксыяслӧн 2 небӧг 19:21

Саруялӧн Авишай пиыс сэки шуис: «Шимейӧс колӧ вины, ӧд сійӧ лёкӧдліс Господьлысь мавтыштӧмасӧ».

Олӧм 2:7

Господь Ен вӧчис муысь мортӧс, пӧльыштіс сылы ныр-вомас олӧмыслысь ловсӧ, и морт лоис ловъя олысьӧн.

Бӧрданкыв 2:9

Карса дзиръяяс муас вӧйисны, иган-тасъяссӧ Сійӧ пасьйис. Ӧксы да юралысьяс олӧны мукӧд войтыр пӧвстын, Енлысь Индӧдсӧ оз велӧдны, Господьсянь петкӧдчылӧмыс пророкъяслы абу.

Ӧксыяслӧн 2 небӧг 1:21

Гелву керӧсъяс, тіянӧс мед оз кӧтӧдны лысва да зэр, тіян мед оз лоны вотӧса видз-муяс. Ӧд сэні сімӧ выналӧн сайӧдыс, Сауллысь сайӧдсӧ выйӧн оз нин мавтны.

Ӧксыяслӧн 2 небӧг 1:14

Давид шуис сылы: «Кыдзи тэ лысьтін лэптыны китӧ, медым вины Господьлысь мавтыштӧмасӧ?»

Езекиль 17:18

Иудаса ӧксы нинӧмӧ пуктіс кыв сетӧмсӧ да торкис вавилонса ӧксыкӧд сёрнитчӧмсӧ, мый ки сетӧмӧн вынсьӧдіс. Та вӧсна сійӧ оз пышйы мыждӧмысь.

Еремей 52:8

Но калдеяса тышкайӧз вӧтчисны Седекей ӧксы бӧрся да суӧдісны сійӧс Ерикон кардорса ковтысын. Ӧксылӧн тышкайӧзыс эновтісны сійӧс да пышйисны-разалісны.

Ӧксыяслӧн 2 небӧг 18:3

Но найӧ воча шуисны: «Эн мун. Миянлы кӧ ковмас пышйыны, вӧрӧглы тайӧ веськодь. Весиг кӧ миян йӧзысь джынйыс кулас, и тайӧ веськодь налы. Но тэ ӧтнадӧн дас сюрс тышкаморт дон сулалан. Бурджык, тэ кӧ кольччан карас. Ковмас кӧ, сэтысянь отсалан миянлы».

Ӧксыяслӧн 1 небӧг 26:16

Лёка тэ вӧчан ассьыд уджтӧ. Ловъя Господь водзын шуа: тіянӧс лӧсялӧ вины сыысь, мый онӧ видзӧй ассьыныд ыджыднытӧ, Господьлысь мавтыштӧмасӧ. Видзӧдлы, кытчӧ вошис ӧксыыдлӧн юр дорсьыс шыыс да ва дозйыс!»

Ӧксыяслӧн 1 небӧг 26:9

Давид шуис Авишайлы: «Эн ви сійӧс! Господьлӧн мавтыштӧма вылӧ ки лэптысь оз коль мыждытӧг.

Ӧксыяслӧн 1 небӧг 24:10

да шуис: «Мыйла тэ кывзан йӧзыслысь сёрнисӧ, Давид пӧ мӧвпыштӧма лёк вӧчны тэныд.

Ӧксыяслӧн 1 небӧг 24:6

Но Давидлы сьӧкыд лои сьӧлӧм вылас таысь.

Ӧксыяслӧн 1 небӧг 16:6

Кор найӧ локтісны, Самуил видзӧдліс Элиав вылӧ да мӧвпыштіс: «Тайӧ дзик сійӧ мортыс, кодӧс Господь мавтыштӧ».

Ӧксыяслӧн 1 небӧг 12:5

Самуил шуис налы: «Господь кылӧ, и Сылӧн мавтыштӧмаыс талун кылӧ тіянлысь висьталӧмтӧ, мый ме сайын нинӧм абу». Ставныс шуисны: «Господь кылӧ».

Ӧксыяслӧн 1 небӧг 12:3

Ӧні Господь водзын да Сылӧн мавтыштӧмаыс водзын висьталӧй, босьтлі-ӧ ме кодлыськӧ ӧшсӧ либӧ осёлсӧ? Пӧръявлі-ӧ да дзескӧдлі-ӧ кодӧскӧ? Сибӧдлі-ӧ кодсянькӧ козин, медым сылӧн лёк вӧчӧм вылӧ синмӧс тупкыны? Висьталӧй, и ме ставсӧ бӧр сета тіянлы».

Олӧм 44:30

Ӧні кӧ ме муна батьӧй дінӧ, тэнад кесйӧгыд дінӧ, да сылӧн радейтана пиыс кӧ оз ло миянкӧд,

2 Каднебӧг 35:25

Еремей сьыліс Иосей йылысь бӧрдан сьыланкыв. Сьылысьяс талунъя лунӧдз сьылӧны Иосей йылысь бӧрдан сьыланкыв. Тайӧ сьыланкывсӧ пыртӧма бӧрдан сьыланкывъяс лыдӧ, Израильын ӧнӧдз сійӧс сьылӧны.

Еремей 52:9

Седекей ӧксыӧс кутісны да вайӧдісны вавилонса ӧксы дінӧ Ривлаӧ, Хамат муӧ. Сэні вавилонса ӧксы мыждіс Седекейӧс.

Даниил 4:12

Но мырсӧ вужъяснас кольӧй муас, дорӧй сійӧс кӧрт да ыргӧн чепъясӧн. Енэжвывса лысваыс мед кӧтӧдас сійӧс видз вылын, пемӧсъяскӧд ӧтлаын мед олас турун пӧвстын.

Ёрдысьяс 9:15

Но сійӧ шуис: ”Ті кӧ веськыдӧсь да мавтыштӧмӧн пуктанныд менӧ аслыныд ӧксыӧ, локтӧй ыркӧдчыны менам вуджӧр улӧ. А ті кӧ абу веськыдӧсь, лежнӧгысь петас би да сотас ливанса сус пуяс”.

Исай 32:2

Быдӧн на пиысь лоӧ тӧвнырысь вевттьӧдӧн, бушколысь сайӧдӧн, кос муын ва петанінӧн, пӧжан муын джуджыд керӧслӧн вуджӧрӧн.

Езекиль 31:17

Ӧд сус пуыскӧд лэччисны пыдӧстӧминӧ шыпурт помысь кулӧмаяс пӧвстӧ тшӧтш найӧ, кодъяс войтыръяс пӧвстысь ёртасисны сыкӧд да дзебсясисны сылӧн вуджӧр улын.

Осий 13:10

Кӧні ӧні тэнад ӧксыыд, коді мездас тэнӧ став тэнад каръясын? Кӧнӧсь тэнад юралысьясыд, кодъясӧс тэ корин Менсьым, шуин, сет пӧ миянлы ӧксыӧс да юралысьясӧс?