Бӧрданкыв 4:11 - Коми Библия 2023

¹¹ Господь койыштіс Ассьыс скӧрлунсӧ, кисьтіс Ассьыс ярлунсӧ, ӧзтіс Сионын би, сотіс сійӧс подулӧдзыс.

Бӧрданкыв 4:11 Referans Kwoze

Езекиль 22:31

Та вӧсна ме кисьта Ассьым скӧрлунӧс на вылӧ да Аслам ярлуна биӧн бырӧда найӧс. Ме мынтыся налы олан туйныс серти, – висьталӧ Господь Ыджыдыс».

Еремей 7:20

Та вӧсна Господь Ыджыдыс тадзи висьталӧ: Менам скӧрлунӧй да ярлунӧй киссяс тайӧ местаыс вылӧ, йӧз и ыж-мӧс вылӧ, пуяс и быдтас-вотӧс вылӧ. Менам скӧрлунӧй ыпнитас и оз кус.

Бӧрданкыв 2:17

Господь вӧчис, мый кӧсйис, збыльмӧдіс Ассьыс кывсӧ, важысянь шуӧмсӧ. Сійӧ жалиттӧг бырӧдіс тэнӧ, вӧрӧглы лэдзис нимкодясьны, тэнӧ мустӧмтысьясӧс вылӧ кыпӧдіс.

Еремей 17:27

Но ті кӧ онӧ кывзӧй Менӧ, и шойччан луныс тіянлы оз ло вежа, а кутанныд шойччан лунӧ ветлыны нопйӧн ерусалимса дзиръяӧд, сэки тайӧ дзиръяяссӧ Ме биӧн сота. Биыс ньылыштас Ерусалимлысь керкаяссӧ, и некод оз кусӧд сійӧс».

Лука 21:22

Тайӧ мынтысян лунъяс, сэки став гижӧмаыс инас.

Закар 1:6

Но Менам кывъясӧй инісны. Сійӧ, мый йылысь Ме ӧлӧдӧмӧн висьтавлі Меным кесъялысь пророкъяс пыр, суис батьяснытӧ. Сэки найӧ бергӧдчывлісны мыжсьыныс шуалӧмӧн: ”Господь Саваоф кыдзи шуис, сідзи и вӧчис. Сійӧ вӧчис миянкӧд асланым бӧрйӧм туйным да лёк вӧчӧмным серти”».

Даниил 9:12

Тэ збыльмӧдін Ассьыд кывтӧ, мый Тэ шуин миян йылысь да миян юралысь-веськӧдлысьяс йылысь. Тэ ыстін миян вылӧ ыджыд шог, татшӧм шогыс эз на вӧвлы му вылас, мый суис Ерусалим карӧс.

Бӧрданкыв 4:22

Сион нылӧй, тэнӧ мыждӧмлы воис пом, Господь оз нин вӧтлы тэнӧ аслад муысь. А тэнӧ, эдом войтыр, Сійӧ мыждас, став тэнсьыд мыжъястӧ эрдӧдас.

Бӧрданкыв 2:8

Господь шуис жугӧдны Сионлысь стенъяссӧ. Сійӧ нюжӧдіс мурталан кӧв, Ассьыс кисӧ бырӧдӧмысь эз вешты. Ортсы пыкӧдъяссӧ жугліс, найӧ стенмыскӧд тшӧтш киссисны.

Еремей 21:14

Ме мыжда тіянӧс уджъясныдлӧн вотӧсыс серти, – висьталӧ Господь. – Тіян вӧрын Ме песта би, и сійӧ ставсӧ гӧгӧр ньылыштас.

Еремей 13:14

Ме зурӧда найӧс ӧта-мӧдас, зурӧда батьяссӧ пияныскӧд ӧтвыв, – висьталӧ Господь. – Ме некодӧс ог жалит, некод дінӧ ог бурсьӧлӧмтчы, жалиттӧг бырӧда найӧс».

Еремей 36:7

Гашкӧ, найӧ кевмысясны-шыасясны Господь дінӧ да бергӧдчасны асланыс лёк туй вылысь, ӧд Господь ёна скӧралӧ да лӧгалӧ тайӧ войтырыс вылӧ».

Езекиль 6:12

Ылі муын олысьяс пӧрӧс висьӧмысь куласны, матын олысьяс шыпурт помысь усясны, ловйӧн кольӧмаяс тшыгнысла куласны. Ме кисьта на вылӧ став Ассьым скӧрлунӧс.

Езекиль 36:18

Ме кисьті на вылӧ скӧрлунӧс сыысь, мый найӧ кисьтісны вир тайӧ му вылас да пежалісны сійӧс асланыс идолъясӧн.

Софоний 2:2

кытчӧдз оз во индӧм кад, кытчӧдз лунъясыс оз лэбны кыд моз, кытчӧдз оз киссьы тіян вылӧ Господьлӧн яр скӧрлуныс, кытчӧдз оз су тіянӧс Господьлӧн скӧралан луныс.

Левит 26:28

Ме скӧрмӧмӧн тіянлы паныд сувта да сизим пӧвстӧн мыжда тіянӧс мыжъяссьыныд.

Исай 51:20

Лэчкӧ шедӧм антилопа моз тэнад пияныд вынтӧммисны, куйлӧны быд туйвежын. Найӧ пӧтісны Господьлӧн скӧрлунысь, тэнад Енлӧн чорыда мыждӧмысь.

Бӧрданкыв 2:1

Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.

Бӧрданкыв 2:3

Скӧрйывсьыс Сійӧ жугӧдіс Израильлысь вынсӧ, вештіс сы вылысь Ассьыс веськыд кисӧ, эз видз сійӧс вӧрӧгысь. Сійӧ сотіс Яковӧс ыпъялысь биӧн, мый ньылыштӧ ставсӧ.

Бӧрданкыв 2:4

Паныд сувтысь моз Сійӧ зэвтіс Ассьыс ньӧввужсӧ, мустӧмтысь моз веськӧдіс мелань кисӧ. Сійӧ виис-бырӧдіс ставсӧ, мый долыдмӧдӧ синтӧ. Биӧс моз Сійӧ кисьтіс Ассьыс скӧрлунсӧ Сион нывлӧн оланін вылӧ.