Бӧрданкыв 2:9 - Коми Библия 2023

⁹ Карса дзиръяяс муас вӧйисны, иган-тасъяссӧ Сійӧ пасьйис. Ӧксы да юралысьяс олӧны мукӧд войтыр пӧвстын, Енлысь Индӧдсӧ оз велӧдны, Господьсянь петкӧдчылӧмыс пророкъяслы абу.

Бӧрданкыв 2:9 Referans Kwoze

Езекиль 7:26

Шог бӧрся шог локтӧ, юӧр бӧрся – юӧр. Найӧ кутасны виччысьны, мый висьталасны пророкъяс асланыс аддзылӧм йылысь, кӧсъясны кывны попъяслысь велӧдӧмсӧ, но велӧдӧмыс оз ло, и пӧрысьяс туйдӧдны оз вермыны.

Осий 3:4

Израиль войтыр дыр кад чӧж кутас овны ӧксытӧг да юралысьтӧг. Висьяс, юрбитан изъяс, ефод да гортса бӧлбанъяс оз лоны налӧн.

Неемий 1:3

Найӧ вочавидзисны, пленысь локтысьяс пӧ ёна сьӧкыдалӧны асланыс муын, сэні пӧ найӧс увтыртӧны. Ерусалим карлысь пӧ стенъяссӧ жуглӧма, а дзиръяяссӧ сотӧма.

2 Каднебӧг 15:3

Дыр кад чӧж Израиль войтыр оліс збыль Ентӧг да Индӧдтӧг, налӧн эз вӧвны туйдӧдысь попъяс.

Еремей 51:30

Вавилонса тышкайӧз дугдісны тышкасьны, найӧ пукалӧны асланыс изкаръясын. Найӧ вынтӧммисны, лоины аньяс кодьӧсь. Налысь керкаяснысӧ сотӧма, дзиръя иганъяссӧ жуглӧма.

Псалтыр 74:9

Господь киын чашаыс, сэні быгзьӧ чорыд вина. Сійӧ кисьталӧ сэтысь лёк вӧчысьяслы, и найӧ юӧны, юӧны весиг пыдӧссьыс став гудырсӧ.

Индӧд 28:36

Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы.

Езекиль 17:20

Ме шыбита Ассьым тывйӧс сы вылӧ, и сійӧ веськалас Менам тывйӧ. Ме нуӧда сійӧс Вавилонӧ, сэні мыжда сійӧс, ӧд сійӧ эновтіс Менӧ.

Езекиль 12:13

Ме шыбита Ассьым тывйӧс сы вылӧ, и сійӧ веськалас Менам тывйӧ. Ме нуӧда сійӧс Вавилонӧ, калдея войтырлӧн муӧ, но сійӧ оз аддзыв тайӧ мусӧ. Сэні сійӧ кулас.

Бӧрданкыв 4:20

Дзескӧдысьлӧн налькйӧ шедіс ӧксыным, Господьлӧн мавтыштӧмаыс, олӧмным да ловшыным. А ми чайтім, мый сылӧн сайӧд улын олам войтыръяс пӧвстын.

Бӧрданкыв 4:15

– Вешйӧй, пежасьӧмаяс! – горзӧны налы. – Вешйӧй, вешйӧй, энӧ инмӧдчӧй! Найӧ мунӧны да шӧйтӧны мукӧд войтыръяс пӧвстын, но и сэтчӧ найӧс оз лэдзны овмӧдчыны.

Бӧрданкыв 1:3

Иудаӧс нуӧдісны йӧз муӧ, сійӧ шогсьӧ, нартитӧмсьыс сьӧкыдалӧ. Сійӧ олӧ мукӧд войтыръяс пӧвстын, оз тӧд шойччӧгсӧ. Дзескӧдысьяс суӧдісны Иудаӧс, сійӧ эз вермы пышйыны.

Еремей 52:14

Навузарданлӧн калдеяса тышкайӧзыс жугӧдісны Ерусалимӧс кытшалысь стенсӧ.

Еремей 39:8

Ӧксылысь керкасӧ да войтырыслысь керкаяссӧ калдеяса тышкайӧз сотісны биӧн, Ерусалим карлысь стенъяссӧ жугӧдісны.

Еремей 39:2

Седекейлӧн дас ӧтиӧд веськӧдлан воӧ нёльӧд тӧлысьлӧн ӧкмысӧд лунӧ карса стенсӧ жугӧдісны.

Еремей 14:14

Господь шуис меным: «Тайӧ пророкъясыс ылӧгсӧ висьталӧны Менам нимсянь. Ме найӧс эг мӧдӧдлы, эг пуктывлы пророкъясӧ, эг висьтавлы налы. Найӧ висьталӧны тіянлы ылӧг аддзылӧмъяс, ковтӧм юӧртӧмъяс да ассьыныс мӧвпъяссӧ.

Ӧксыяслӧн 4 небӧг 25:7

Седекейлысь пиянсӧ виисны сылӧн син водзын. Сэсся вавилонса ӧксы бытшкис Седекейлысь кыкнан синсӧ, дорис сійӧс ыргӧн чепъясӧн да нуӧдіс Вавилонӧ.

Еремей 23:16

Господь Саваоф тадзи висьталӧ: энӧ кывзӧй тайӧ пророкъяссӧ. Найӧ пӧрйӧдлӧны тіянӧс, висьталӧны тіянлы ассьыныс аддзылӧмъяс, а оз Господьсянь петкӧдчылӧмъяс.

Осий 11:6

Шыпурт кутас ӧвтчыны налӧн каръясын, сійӧ жуглас налысь иганъяссӧ, бырӧдас найӧс сыысь, мый найӧ кӧсйисны вӧчны лёксӧ.

Амос 1:5

Дамасклысь иганъяссӧ жугла, бырӧда Авен ковтысын юралысьӧс, Бет-Эденын юралан бедьсӧ кутысьӧс. Арам войтырӧс пленӧ нуӧдасны Кирӧ, – висьталӧ Господь.

Индӧд 28:63

Кыдзи Господь нимкодясис, кор вӧчис тіянлы бурсӧ да содтіс тіянӧс, сідзи жӧ Сійӧ кутас нимкодясьны, кор бырӧдас тіянӧс. Вужнаныд тіянӧс лоӧ нетшыштӧма сійӧ мусьыс, кытчӧ ті мунанныд сійӧс босьтӧм могысь.

Ӧксыяслӧн 1 небӧг 28:6

Сэки сійӧ шыасис Господь дінӧ, но Господь сылы эз вочавидз вӧт пыр ни уримӧн пудъясьӧм пыр, весиг пророкъяс пыр.

Исай 24:12

Карыс кушмӧма, дзиръяясыс жугалӧмаӧсь.